完整藏文原文 · 德格版页 当前仅加载第 86 函德格 45b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ལེན་གྱི་མཆོག་ལྟ་བུར། །སངས་རྒྱས་ཀུན་བདག་བསྒོམ་པར་བྱ། །དངོས་གྲུབ་འདི་ཡི་སྦྱོར་བ་ཡིས། །སེམས་ཅན་རྣམས་ལ་ཐམས་ཅད་དུ། །རེ་བ་ཐམས་ཅད་ཡོངས་རྫོགས་པ། །འདི་ནི་གཙུག་ཏོར་གདུགས་དཀར་ཆེ། །སྔགས་ནི། ཨོཾ་མ་མ་མ་མ་ཧཱུྃ་ནི། འདི་ནི་
D490.086.0045b01.01བསྒྲུབས་པ་ཙམ་གྱིས་ནི། །ཡེ་ཤེས་ཆེ་དང་སྟོབས་མགྱོགས་འགྲོ། །དཔའ་བོ་ཐམས་ཅད་ཐོབ་འགྱུར་ཞིང་། །སངས་རྒྱས་ཉིད་ཀྱང་རྙེད་དཀའ་མིན། །གདུགས་དཀར་པོའི་སྒྲུབ་པའི་ཐབས་སོ།། །།ཟླ་བའི་དཀྱིལ་འཁོར་དབུས་སུ་ནི། །འབར་བའི་ཕྲེང་འཁྲུགས་
D490.086.0045b02.01རལ་གྲི་ནི། །སྔགས་པས་སྙིང་གར་བསྒོམ་པར་བྱ། །རང་གི་བདག་ཉིད་སངས་རྒྱས་ཞེས། །སངས་རྒྱས་རང་བཞིན་སྤྲིན་ཆེན་པོས། །ནམ་མཁའི་མཐོངས་རྣམས་ཡོངས་གང་བ། །བདག་ཉིད་གཉིས་མེད་ངོ་བོ་ཡིས། །རྣལ་འབྱོར་གཅིག་ཏུ་བསྒོམ་པར་བྱ། །སྔགས་
D490.086.0045b03.01ཀྱི་ཡི་གེ་འཁོར་ལོ་ཆེ། །འབར་བའི་ཕྲེང་བ་འཁྲུགས་པའི་འོད། །སྔགས་པས་སྙིང་གར་བསྒོམ་པར་བྱ། །རྒྱལ་བ་དམ་པ་ཉིད་དུ་འགྱུར། །སྔགས་ནི། ཨོཾ་ཛྭ་ལ་ཛྭ་ལོ་ཥྞཱི་ཥ་ཛྭ་ལ་ཛྭ་ལ་བནྡྷ་བནྡྷ་ད་མ་ད་མ་དྲུ་མ་དྲུ་མ་ད་ཧ་ད་ཧ་ན་ཧཱུྃ། རྒྱལ་བའི་གཙུག་ཏོར་རལ་གྲི་ཆེ། །
D490.086.0045b04.01ཤེས་རབ་ཡེ་ཤེས་དྲི་མ་མེད། །སྔགས་པས་ཀུན་ནས་བསྒོམས་ནས་ནི། །རྒྱལ་བའི་གཙུག་ཏོར་འདྲ་བར་འགྱུར། །རྒྱལ་བའི་གཙུག་ཏོར་གྱི་སྒྲུབ་པའི་ཐབས་སོ།། །།སངས་རྒྱས་ཀུན་གྱི་རང་བཞིན་སྐུ། །འབར་བའི་ཕྲེང་བས་འཁྲུགས་པའི་འོད། །སེང་གེའི་ཁྲི་ཡི་སྟེང་
D490.086.0045b05.01དུ་བསམ། །ཡང་ན་རྡོ་རྗེའི་གདན་ལ་གནས། །ཀུན་དུ་གཙུག་ཏོར་ཆེ་འབར་བ། །སྙིང་གར་ཡོངས་སུ་བསྒོམ་པར་བྱ། །སངས་རྒྱས་ཀུན་གྱི་བདག་ཉིད་ནི། །ཡི་གེ་དམ་པ་ཡི་ནི་གནས། །ཐོག་མ་ཐ་མ་མེད་ཞི་བ། །ཆོས་ཀྱི་སྐུ་ནི་མཆོག་ཏུ་ཆེ། །འདི་ནི་
D490.086.0045b06.01བསྒྲུབས་པ་ཙམ་གྱིས་ནི། །ཀུན་དུ་གཙུག་ཏོར་སྟོབས་པོ་ཆེ། །སྐད་ཅིག་དེ་ལ་འགྲུབ་འགྱུར་ཏེ། །རྡོ་རྗེ་སངས་རྒྱས་ཀུན་གྱི་བཀའ་བཞིན་ནོ། །སྔགས་ནི། ཨོཾ་བཛྲ་བན་དྷ་ཧཱུྃ། གསང་སྔགས་འདི་ནི་དམ་པ་གཙོ། །སངས་རྒྱས་ཐམས་ཅད་དབང་བསྐུར་བྱེད། །རྟག་
D490.086.0045b07.01