完整藏文原文 · 德格版页 当前仅加载第 86 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བུར་འགྱུར། །ཨོཾ་ཨཱཿཧཱུྃ། གསང་སྔགས་རྩེ་མོ་དམ་པ་འདི། །བསྒོམས་པ་ཙམ་གྱིས་ཐམས་ཅད་དུ། །བརྟན་པ་དང་ནི་གཡོ་བ་ཡི། །འགྲོ་ཀུན་ཀུན་ནས་སྣང་བར་འགྱུར། །ཀུན་ནས་སྣང་བའི་གཙུག་ཏོར་གྱི་སྒྲུབ་པའི་ཐབས་སོ།། །།ཆོས་ཀྱི་འཁོར་ལོ་ཕྱག་
D490.086.0044b01.01རྒྱ་ཆེ། །ལེགས་པར་མཉམ་པར་བཞག་པས་བསྒོམ། །སངས་རྒྱས་ཀུན་ཉིད་ཀུན་གྱི་མཆོག །ཆོས་ཀྱི་འཁོར་ལོ་རབ་སྐོར་བྱེད། །འཁོར་ལོ་འདི་ནི་རྩིབས་བཅུ་གཉིས། །རྩིབས་བཅུ་གཉིས་པ་ཡོངས་སུ་གནས། །རྣམ་གསུམ་གསུམ་ནི་ཡོངས་བསྐོར་བ། །
D490.086.0044b02.01བྱ་བའི་དོན་དུ་དག་པ་སྟེར། །སངས་རྒྱས་རང་བཞིན་སྐུ་ཆེན་པོ། །ནམ་མཁའི་ཁྲུགས་ན་གནས་པ་སྟེ། །ཆོས་ཀྱི་དབྱིངས་ནི་ཁྱབ་པ་ནི། །ལེགས་པར་མཉམ་པར་བཞག་པས་བསྒོམ། །འགྲོ་བ་བརྟན་དང་གཡོ་བ་ནི། །འདི་ཀུན་རྟེན་ཅིང་འབྲེལ་འབྱུང་བ། །འདི་ནི་
D490.086.0044b03.01ཆོས་ཀྱི་ཕྱག་རྒྱ་ཆེ། །སངས་རྒྱས་བྱང་ཆུབ་རབ་སྒྲུབ་བྱེད། །དེ་ཡི་སྔགས་སུ་གྱུར་པ་ནི། །ཨོཾ་དྷུ་ན་པཱ་ཏ་ཡ་ཙྪིནྡ་ཙཀྲེ་ཎ་བཛྲི་ཎི་ཧཱུྃ། གསང་སྔགས་འདི་ནི་དཔལ་ལྡན་མཆོག །ཆོས་ཀྱི་འཁོར་ལོ་གཉིས་མེད་འཆར། །སྐད་ཅིག་ཙམ་གྱིས་ཐམས་ཅད་དུ། །དམ་
D490.086.0044b04.01པའི་ཆོས་ནི་རབ་སྐོར་བྱེད། །ཆོས་ཀྱི་འཁོར་ལོ་སྒྲུབ་པའི་ཐབས་སོ།། །།པདྨ་རཱ་གའི་རྣམ་པ་འདྲ། །སངས་རྒྱས་སྐུ་གཟུགས་ལེགས་འབར་བ། །རྣལ་འབྱོར་སྦྱོར་བའི་མཆོག་བསྒྲུབས་ན། །ཉོན་མོངས་རྡོ་རྗེ་འདྲ་བར་འགྱུར། །སྙིང་གནས་རྡོ་རྗེ་གཟུགས་
D490.086.0044b05.01བརྙན་འདྲ། །འབར་བའི་ཕྲེང་བ་འཁྲུགས་པའི་འོད། །དེ་ཡི་སྙིང་ལ་རྡོ་རྗེ་མེ། །དྲི་མ་མེད་པ་སྐྱེ་བར་འགྱུར། །ཉོན་མོངས་རྟག་ཏུ་ཡོངས་ཟད་ཅིང་། །དགྲ་རྣམས་ཀུན་ལས་རྒྱལ་བར་བྱེད། །བདེན་པ་བཞི་ནི་རྟོགས་པས་ན། །བདེན་པའི་ཡེ་ཤེས་ཐོབ་པར་འགྱུར། །
D490.086.0044b06.01སྔགས་ནི། ཨོཾ་ཀླེ་ཤ་ཨ་ཤ་ནི་ཧཱུྃ་ཕཊ། འདི་ནི་ཉོན་མོངས་རྡོ་རྗེའི་སྔགས། །དྲག་ཅིང་དྲག་པོའི་གཞན་གནོན་པའོ། །སངས་རྒྱས་ཉིད་ཀྱང་སྟེར་བྱེད་ན། །དངོས་གྲུབ་གཞན་ལྟ་སྨོས་ཅི་དགོས། །ཉོན་མོངས་རྡོ་རྗེ་སྒྲུབ་པའི་ཐབས་སོ།། །།དབང་ཆེན་དཀྱིལ་
D490.086.0044b07.01