完整藏文原文 · 德格版页 当前仅加载第 86 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
སྣ་ཚོགས་དང་། །སྣ་ཚོགས་རས་ཀྱིས་རབ་མཆོད་པ། །གཡོན་གྱི་དྲུང་དུ་ཐམས་ཅད་ནས། །འབད་པ་ཡིས་ནི་གཞག་པར་བྱ། །རིན་ཆེན་སྨན་ཀུན་གྱིས་གང་བའི། །བུམ་པ་ལེགས་པར་གཞག་བྱས་ཏེ། །རྡོ་རྗེ་མིང་གི་དབང་བསྐུར་གྱིས། །དེ་ལ་རང་གིས་དབང་བསྐུར་
D490.086.0025b01.01བྱ། །རྡོ་རྗེ་མིང་གིས་དབང་བསྐུར་བ། །མཁས་པ་ཡིས་ནི་སླར་ཡང་བྱ། །ཀུན་གྱི་ཅོད་པན་དབང་བསྐུར་གྱིས། །ཡང་དང་ཡང་དུ་དབང་བསྐུར་བྱ། །ཆོས་ཀྱི་ཅོད་པན་དབང་བསྐུར་དང་། །སངས་རྒྱས་ཀུན་གྱི་སྐྱོབ་པ་ནི། །སྣ་ཚོགས་ལས་ཀྱི་དབང་བསྐུར་སྦྱིན། །ཆོས་
D490.086.0025b02.01ཀྱི་དབྱིངས་དང་མཉམ་མཚུངས་པའོ། །ཆོས་ཀྱི་སྐུ་ཡི་དབང་བསྐུར་བ། །སངས་རྒྱས་ཀུན་གྱི་སྒྲོན་མ་སྦྱིན། །དེ་ལྟར་སློབ་མ་དབང་བསྐུར་བ། །ཁྱད་པར་དུ་ནི་སྔགས་པས་བྱ། །དེ་ལ་དམ་ཚིག་ཆོ་ག་ཡིས། །སྔགས་དང་ཕྱག་རྒྱས་སྦྱར་བར་བྱ། །སློབ་དཔོན་བརྙས་པར་
D490.086.0025b03.01མི་བྱ་ཞིང་། །སྒྲུབ་པོ་ཀུན་ལ་སྨད་མི་བྱ། །སྔགས་ཀྱི་སྤྱོད་པ་ཐམས་ཅད་ལ། །འདའ་བར་མི་བྱ་སྨད་མི་བྱ། །འཇིག་རྟེན་པ་ཡི་ལྷ་རྣམས་དང་། །གྲུབ་མཐའི་རིགས་པ་ཐམས་ཅད་ལ། །སྨད་པར་མི་བྱ་བླང་མི་བྱ། །དེ་ལ་མངོན་པར་དགའ་བ་སྤངས། །སྡིག་པ་ཐམས་ཅད་
D490.086.0025b04.01རྣམ་སྤང་ཞིང་། །དེ་བཞིན་བསོད་ནམས་ཐམས་ཅད་བསྡུ། །བཟའ་དང་སྟོན་མོ་དུ་མ་ལ། །བཟའ་བར་མི་བྱ་སྨད་མི་བྱ། །འདོད་པས་བཅོམ་ལྡན་སེམས་པ་སྟེ། །སངས་རྒྱས་ཀུན་གྱི་སྲས་བདག་སྐྱེས། །ཐོག་མ་ཐ་མ་མེད་ཞི་བ། །ནམ་ཡང་དོར་བར་མི་བྱའོ། །སངས་རྒྱས་
D490.086.0025b05.01ཐམས་ཅད་ཆགས་ལས་འཁྲུངས། །དེ་བཞིན་ཞེ་སྡང་རྨོངས་ལས་འཁྲུངས། །མཉམ་དང་མི་མཉམ་ཆོས་ཀུན་དང་། །དབུ་མའི་གནས་ལ་གནས་ནས་སུ། །དེ་ཉིད་དམ་ཚིག་ཤེས་ནས་སུ། །སངས་རྒྱས་བྱང་ཆུབ་ཡོང་མི་སྤོང་། །ལུས་ཅན་ཀུན་ལ་འཚེ་མི་བྱ། །ཁྱོད་ཀྱིས་
D490.086.0025b06.01སེར་སྣ་མི་བྱ་སྟེ། །ཕྲག་དོག་བྱ་བར་མི་བྱའོ། །དམ་པའི་ཆོས་ནི་སྤང་མི་བྱ། །བྱང་ཆུབ་སེམས་ནི་མཆོག་ཏུ་བདེ། །ཆང་གི་བཏུང་བ་སྤང་བྱ་སྟེ། །ཕ་རོལ་བུད་མེད་རྣམ་པར་སྤང་། །ཐམས་ཅད་མཁྱེན་པ་ཡོངས་མི་དོར། །རྟག་ཏུ་སྲོག་ཆགས་གསད་མི་བྱ། །སེམས་ཅན་
D490.086.0025b07.01