完整藏文原文 · 德格版页 当前仅加载第 86 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
བར་ལྷག་པར་གནས་པར་བྱ་སྟེ། ཉེ་བར་རྒྱས་པར་ཐུན་མཚམས་བཞིར་བཟླས་པ་བརྩམ་པར་བྱ་སྟེ། ཐུན་མཚམས་གསུམ་དུ་དུས་ཇི་ལྟ་བར་ཡི་གེ་ལ་རྗེས་སུ་གཞོལ་བའི་ཡིད་ཀྱིས་འབུམ་ཕྲག་ཉི་ཤུ་བཟླས་པར་བྱ་ཞིང་ཉི་མ་རེ་རེར་སྟོང་ཕྲག་བརྒྱད་དམ་སྟོང་ཕྲག་རེ་བཟླས་ཏེ་ཇི་
D490.086.0034b01.01སྲིད་མཚན་མ་ཐོབ་པ་དེ་སྲིད་དུའོ། །ཙནྡན་དང་ག་པུར་དང་། གུར་ཀུམ་ལ་སོགས་པ་རྣམས་ཀྱིས་དཀྱིལ་འཁོར་བྱས་ཏེ། ཉེ་བར་མཁོ་བ་ཐམས་ཅད་ཀྱིས་མཆོད་པ་བྱས་ནས་ཆོ་འཕྲུལ་གྱི་ཟླ་བའམ་ས་གའི་ཉ་གང་བ་ལ་མར་གྱི་མར་མེ་སྟོང་ཕྲག་བརྒྱད་སྦར་ལ་རྡོ་རྗེ་སྐྱིལ་ཀྲུང་
D490.086.0034b02.01གིས་གནས་ཏེ་སྣ་མའི་མེ་ཏོག་གམ་མེ་ཏོག་པདྨས་དེ་བཞིན་གཤེགས་པ་ཐམས་ཅད་དང་། མཆོད་རྟེན་ལ་མཆོད་དེ་ཇི་སྲིད་འབྲུག་གི་སྒྲ་སྒྲོགས་པ་མ་ཐོས་པ་དེ་སྲིད་དུ་བཟླས་པར་བྱའོ། །དེ་ནས་དེ་བཞིན་གཤེགས་པའི་སྐུ་བདག་ལ་གསལ་བར་འགྱུར་བར་ཤེས་པར་བྱའོ། །
D490.086.0034b03.01དེ་ནས་སྲེག་བླུགས་འབུམ་ཕྲག་གཅིག་དགང་བར་བྱས་པས་མཚན་མ་ཐམས་ཅད་གསལ་བར་འགྱུར་རོ། །བྱེ་བ་ཕྲག་བཞི་བཟླས་པས་དབང་ཕྱུག་ཆེན་པོ་ལ་སོགས་པའི་སེམས་ཅན་ཐམས་ཅད་དབང་དུ་འགྱུར་རོ། །དེ་ནས་སྒྲུབ་པ་ཆེན་པོ་བྱེད་པར་འདོད་པས་དེ་བཞིན་
D490.086.0034b04.01གཤེགས་པའི་མཐོ་གང་བའི་ཚད་ཀྱིས་དེ་བཞིན་གཤེགས་པའི་མཆོད་རྟེན་བྱས་ལ་མཆོད་རྟེན་རེ་རེའི་མདུན་དུ་སྟོང་ཕྲག་རེ་རེ་བཟླས་པའམ། ཡང་ན་དྲིའི་མཆོད་རྟེན་གྱི་དྲུང་དུ་འབུམ་ལྷག་པའི་བྱེ་བ་ཕྲག་བདུན་བཟླས་སོ། །བདེ་བར་གཤེགས་པའི་མཐོ་གང་པའི་ཚད་ཀྱི་མཆོད་
D490.086.0034b05.01རྟེན་ཉི་མ་རེ་རེ་ལ་རེ་རེ་ཇི་སྲིད་བྱེ་བ་ཕྲག་བདུན་བཟླས་པ་རྫོགས་པ་དེ་སྲིད་དུ་བྱའོ། །ཐ་མ་ཡང་མཆོད་རྟེན་འབར་བའི་འོད་དེས་སྒྲུབ་པའི་ལུས་ལ་ཞུགས་པས་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ལ་སོགས་ནས་ཇི་སྲིད་དག་པའི་གནས་ཀྱི་དབང་ཕྱུག་ཆེན་པོ་ལ་
D490.086.0034b06.01སོགས་པའི་ལྷ་རྣམས་མེ་ཏོག་གི་ཆར་འབེབས་པར་འོང་བར་འགྱུར་རོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་ལ་སོགས་པ་འོངས་ནས་ཀྱང་སྟོད་པར་བྱེད་ཅིང་ཇི་སྲིད་ཨ་བཱི་ཙི་མནར་མེད་པའི་བར་གྱི་
D490.086.0034b07.01