完整藏文原文 · 德格版页 当前仅加载第 86 函德格 43b 版页；藏文 NFD、目录标记与异常页序保留在来源切片中，重复版页行以稳定序号区分。
རྩིབས་བཅུ་དྲུག་པར་རྣམ་པར་བྲི། །ལྟེ་བར་དེ་བཞིན་གཤེགས་པ་དགོད། །འཁོར་ལོའི་ཕྲེང་བས་རྣམ་པར་བརྒྱན། །མཐའ་རུ་རིན་ཆེན་རྣམ་པ་བདུན། །མཁས་པ་ཡིས་ནི་སྤེལ་བར་བྱ། །དེ་ཡི་ལྟེ་བར་བདག་ཉིད་ནི། །འཁོར་ལོས་སྒྱུར་བ་སྟོབས་པོ་ཆེ། །སངས་རྒྱས་
D490.086.0043b01.01ཀུན་གྱི་སྐུ་ཆེན་པོ། །ཆོས་ཀྱི་དབྱིངས་དང་མཚུངས་པའི་མཆོག །དེ་ཡི་ཕྱག་རྒྱ་བགྲང་ལས་འདས། །སྐད་ཅིག་མ་ནི་ཉིད་ལ་འཐོན། །འགྲོ་བ་ཐམས་ཅད་སྣང་བྱས་ནས། །སྔགས་ཀྱི་དབང་ཕྱུག་ཉིད་ལ་གཞུག །འཁོར་ལོའི་དངོས་གྲུབ་གཟི་བརྗིད་ཆེ། །འཁོར་ལོས་
D490.086.0043b02.01སྒྱུར་བར་བདག་ཉིད་འགྱུར། །ཆུང་དང་ཆེ་དང་དབང་ཕྱུག་དང་། །རང་དབང་འདོད་དགུར་སྤྱོད་པ་དང་། །ཀུན་དུ་འགྲོ་བ་ཉིད་དང་ནི། །ཀུན་གྱི་དབང་ཕྱུག་ཕུན་ཚོགས་འབྲས། །རྒ་དང་འཆི་བ་མེད་ཐོབ་ཅིང་། །ངེས་པར་འཁོར་ལོས་སྒྱུར་དང་མཚུངས། །གསེར་གྱི་འཁོར་
D490.086.0043b03.01ལོ་རིན་པོ་ཆེ། །དེ་བཞིན་དངུལ་དང་ཤེལ་ཉིད་དང་། །མེ་ཏོག་ཅན་གྱི་ལྕགས་ཀྱང་རུང་། །རང་གི་ལག་གིས་བཟུང་ནས་སུ། །དབང་ཆེན་དཀྱིལ་འཁོར་དབུས་སུ་ནི། །སངས་རྒྱས་ཐམས་ཅད་བསྒོམ་པར་བྱ། །འཁོར་ལོས་སྒྱུར་བ་གཟི་བརྗིད་ཆེ། །མཚན་
D490.086.0043b04.01རྣམས་ཀྱིས་ནི་རྣམ་པར་བརྒྱན། །དེ་ལྟར་བདག་ཉིད་བསྒོམས་ན་ནི། །འཁོར་ལོས་སྒྱུར་བ་ཉིད་དུ་འགྱུར། །དེ་ལ་དེའི་སྔགས་ཀྱི་ཚིག་ཏུ་གྱུར་པ་ནི། ཨོཾ་སརྦྦ་ཏ་ཐཱ་ག་ཏོཥྞཱི་ཥ་ཨ་བ་ལོ་ཀི་ཏི། མུཥྚི་ཙཀྲ་ཝརྟི་ཛྭ་ལ་ཛྭ་ལ་དྷུ་ན་བི་དྷུ་ན་ཏྲཱ་ས་ཡ་མཱ་ར་ཡ། ཨུཙྪཱ་ཊ་ཡ་ཧ་ན་
D490.086.0043b05.01བྷཉྫ་པྲོཾ་ཁི་ནི་ཀུཎྜ་ལི་ནི། ཨ་པ་རཱ་ཛི་ཏཱ་སྟྲ་དྷཱ་རི་ཎི་ཧཱུྃ་ཧཱུྃ་ཕཊ་ཕཊ་སྭཱ་ཧཱ། རྩ་བའི་སྔགས་སོ། །ཨོཾ་ཨོཾ་ཨ་པ་རཱ་ཛི་ཏཱ་དྷི་ཀ་སྭཱ་ཧཱ། སྙིང་པོའོ། །ན་མཿས་མནྟ་བུད་དྷཱ་ནཱཾ་ཨ་པྲ་ཏི་ཧ་ཏ་ཤཱ་ས་ནཱ་ནཱཾ་ཨ་པ་རཱ་ཛི་ཏཱ་དྷི་ཀ་སྭཱ་ཧཱ། ཆོ་གའི་སྙིང་པོའོ། །འཁོར་ལོས་སྒྱུར་བ་རང་གྲུབ་སྟེ། །
D490.086.0043b06.01སངས་རྒྱས་ཉིད་ཀུན་ཐོབ་ནས་ནི། །ཡེ་ཤེས་ཚེ་དང་སྟོབས་དང་ཤུགས། །ཡང་ན་དབང་ཕྱུག་དམ་པ་ཀུན། །དཔའ་བོ་ཐམས་ཅད་སྟེར་བྱེད་ན། །དངོས་གྲུབ་གཞན་ལྟ་སྨོས་ཅི་དགོས། །འཁོར་ལོས་སྒྱུར་བའི་སྒྲུབ་ཐབས་སོ། །ཉི་མའི་དཀྱིལ་འཁོར་བྲི་བར་བྱ། །ནམ་
D490.086.0043b07.01