完整藏文原文 · 德格版页 当前仅加载第 86 函德格 66b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཡོངས་སུ་སྒྲུབ། །རྡོ་རྗེ་རྒྱལ་པོའི་དཀྱིལ་འཁོར་རོ།། །།དེ་ནས་དཀྱིལ་འཁོར་ཆེན་པོ་མཆོག །ཡང་དག་རབ་ཏུ་བཤད་བྱ་བ། །སངས་རྒྱས་དཔའ་བོ་ཐམས་ཅད་ཀྱིས། །རྡོ་རྗེ་ཆགས་པ་ཞེས་སུ་བཤད། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་
D490.086.0066b01.01མཛེས་པར་བྱས། །ཐིག་བཞི་དང་ནི་ཡང་དག་ལྡན། །ཆགས་པའི་དཀྱིལ་འཁོར་བྲི་བར་བྱ། །ཐམས་ཅད་དམར་པོས་རབ་དྲེགས་པ། །དབང་དུ་བྱེད་པའི་དམ་པ་ཡིན། །དེ་ཡི་དབུས་སུ་པད་ཆེན་པོ། །འདབ་མ་བརྒྱད་པ་གེ་སར་བཅས། །དེ་ཡི་ལྟེ་བའི་དབུས་སུ་ནི། །
D490.086.0066b02.01རྡོ་རྗེ་ཆགས་པ་བྲི་བར་བྱ། །པདྨ་རཱ་ག་མཚུངས་པའི་འོད། །ཕྱག་བཞི་པ་ལ་ཞལ་བཞི་པ། །སྤྱན་གསུམ་འོད་ཀྱི་ཕྲེང་བ་ཅན། །དེ་ཡི་ཕྱག་རྒྱ་མཆོག་ཏུ་ནི། །མཛེས་པ་ཡི་ནི་མདའ་གཞུར་འགྱུར། །རྒྱན་རྣམས་ཀུན་གྱིས་མཛེས་པའི་ལུས། །འགྲོ་བ་ཀུན་ལ་ཆེས་མཆོག་གྱུར། །
D490.086.0066b03.01དེ་ཡི་གསང་སྔགས་མཛེས་གྱུར་པ། །རྡོ་རྗེ་ཆགས་པ་མཆོག་ཏུ་བདེ། །ཤ་ཥའི་སྡེ་ཡི་མཐར་གྱུར་པ། །ཀྵ་ཡི་ཡི་གེའི་སྔོན་དུ་གནས། །དབྱངས་དགུ་པ་དང་ཡང་དག་ལྡན། །སྔགས་ཀྱི་ཕྲེང་བས་ཡང་དག་བརྒྱན། །མེ་ཏོག་མདའ་ནི་ཡོངས་སུ་འཕེན། །རེ་བ་ཐམས་ཅད་
D490.086.0066b04.01ཡོངས་རྫོགས་མཛད། །དེ་ལྟའི་དཀྱིལ་འཁོར་བྲིས་ནས་ནི། །སངས་རྒྱས་ཐམས་ཅད་རབ་མཆོད་བྱེད། །རྡོ་རྗེ་ཆགས་པའི་དཀྱིལ་འཁོར་རོ།། །།དེ་ནས་དཀྱིལ་འཁོར་ཆེན་པོ་མཆོག །ཡང་དག་རབ་ཏུ་བཤད་བྱ་བ། །རྡོ་རྗེ་ལེགས་པ་ཞེས་གྲགས་པ། །གཉིས་སུ་མེད་
D490.086.0066b05.01པའི་དགའ་བའང་འཕེལ། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་མཛེས་པར་བྱས། །དེ་ཡི་དབུས་སུ་ཆེར་མཛེས་པའི། །དཀྱིལ་འཁོར་དམ་པ་གྲུ་བཞི་པ། །དེ་ཡི་དབུས་སུ་པད་ཆེན་པོ། །ཟེ་འབྲུ་ཡིས་ནི་ཉེ་བར་མཛེས། །དེ་ཡི་ལྟེ་བའི་དཀྱིལ་དུ་ནི། །ཟླ་བའི་གཟུགས་
D490.086.0066b06.01བརྙན་ཡང་དག་འབར། །དེར་གནས་དཔའ་བོ་བསམ་པར་བྱ། །རྡོ་རྗེ་ལེགས་པ་སྟོབས་པོ་ཆེ། །དུང་དང་ཀུནྡ་ཟླ་བ་དཀར། །ཁ་བ་བ་ཞོའི་འོད་ལྟར་མཛེས། །ལེགས་སོ་སྩོལ་བ་ཚིམ་པར་མཛད། །ཏིང་ངེ་འཛིན་དབང་མང་པོ་སྒྱུར། །རྡོ་རྗེ་སྒེག་མོ་སོགས་མཆོད་པ། །དེ་བཞིན་
D490.086.0066b07.01