完整藏文原文 · 德格版页 当前仅加载第 86 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
མཁའ་ལ་ནི་ཡོངས་སུ་བསྒོམ། །གཟི་བརྗིད་ཕུང་པོ་ཡེ་ཤེས་ཆེ། །སངས་རྒྱས་ཐམས་ཅད་ཐོབ་པར་འགྱུར། །གཉིས་སུ་མེད་འབྱུང་སེམས་ཀྱི་མཆོག །དཀྱིལ་འཁོར་མཆོག་ཏུ་རྨད་འབྱུང་བ། །དེ་ནི་མེ་ཡིར་ཤེས་པར་བྱ། །སངས་རྒྱས་བྱང་ཆུབ་
D490.086.0044a01.01རབ་སྒྲུབ་བྱེད། །དེ་ཡང་འཁོར་ལོ་འཛིན་རྒྱལ་པོ། །འཁོར་ལོས་སྒྱུར་བ་ལེགས་འབར་བ། །དེ་ལ་དེ་བཞིན་རིན་ཆེན་བདུན། །འཁོར་ལོའི་ཕྲེང་བས་རྣམ་པར་བརྒྱན། །འཁོར་ལོའི་དཀྱིལ་འཁོར་དབུས་གནས་པར། །ཉི་མ་རེ་རེར་བཀྲ་ཤིས་བསྒོམ། །གཟི་བརྗིད་
D490.086.0044a02.01ཕུང་པོ་སྐུ་ཆེན་པོ། །སུམ་ཅུ་རྩ་གཉིས་མཚན་འཆང་བ། །འབར་བའི་ཕྲེང་འཁྲུགས་དཔའ་བོ་ནི། །སྣང་བ་ཤར་བ་ལྟ་བུར་གནས། །དེ་ཡི་ཕྱག་རྒྱ་རྟག་ཏུ་བསམ། །ནམ་མཁའི་རྣམ་པར་ལེགས་པར་གནས། །ཆོས་ཀྱི་དབྱིངས་ཀྱི་མཐས་ཀླས་པ། །འོད་ཟེར་ཕྲེང་བས་
D490.086.0044a03.01རྣམ་པར་ཁྱབ། །དེ་དང་བདག་ཉིད་རྡོ་རྗེར་བསྒོམ། །སངས་རྒྱས་བྱང་ཆུབ་རབ་སྒྲུབ་བྱེད། །ཀུན་དུ་ཀུན་ནས་ཐམས་ཅད་དུ། །དངོས་པོ་ཀུན་ལས་འབྱུང་བར་འགྱུར། །ཡེ་ཤེས་ཚེ་དང་སྟོབས་དང་ཤུགས། །ཀུན་དུ་འགྲོ་བ་ཉིད་དང་ནི། །སངས་རྒྱས་ཐམས་ཅད་
D490.086.0044a04.01ཉིད་དག་དང་། །རྡོ་རྗེ་ཅན་ཀུན་ཉིད་དང་ནི། །གཟི་བརྗིད་མཆོག་ཀུན་ཐོབ་གྱུར་ནས། །གཟི་བརྗིད་ཕུང་པོ་འདྲ་བར་འགྱུར། །དེ་ལ་སྔགས་ཀྱི་ཚིག་ཏུ་གྱུར་པ་ནི། ཨོཾ་ཏ་ཐཱ་ག་ཏོཥྞཱི་ཥ་ཨ་བ་ལོ་ཀི་ཏེ་མཱུརྟྟི་ཏེ་ཏེ་ཛོ་རཱ་ཤི་ཛྭཱ་ལ་ཛྭཱ་ལ། དྷ་ཀ་དྷ་ཀ། ད་ར་ད་ར། བི་དྷ་བི་དྷ་ཧཱུྃ་ཧཱུྃ་ཕཊ་ཕཊ་
D490.086.0044a05.01སྭཱ་ཧཱ། རྩ་བའི་སྔགས་སོ། །ཨོཾ་ཏེ་ཛོ་རཱ་ཤི་སྭཱ་ཧཱ། སྙིང་པོའོ། །ཨོཾ་ཛྭཱ་ལ་ཏེ་ཛོ་རཱ་ཤི་ཧཱུྃ་ཕཊ་སྭཱ་ཧཱ། ཉེ་བའི་སྙིང་པོའོ། །དག་པའི་སྔགས་ཚིག་འདི་རྣམས་ཀྱིས། །ཉི་མའི་ཡེ་ཤེས་རབ་ཏུ་གསལ། །ཀུན་དུ་འགྲོ་བ་བསྒྲུབ་པར་བྱ། །རིག་པ་འཛིན་པ་ཉིད་ཐོབ་འགྱུར། །གཟི་
D490.086.0044a06.01བརྗིད་ཕུང་པོའི་གསང་སྔགས་ཀྱི་སྒྲུབ་པའི་ཐབས་སོ།། །།ཀུན་ནས་སྣང་བ་ཞེས་བྱ་མཆོག །ཡི་གེ་གསུམ་པ་སྟོབས་པོ་ཆེ། །གསེར་གྱི་ཁ་དོག་ལེགས་འབར་ཞིང་། །གཙུག་ཏོར་སྟེང་སོན་འོད་གསལ་བ། །སྔགས་པ་རང་བདག་གིས་བསྒོམ་བྱ། །ཀུན་ནས་སྣང་བ་
D490.086.0044a07.01