完整藏文原文 · 德格版页 当前仅加载第 86 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་ཡེ་ཤེས་ཆེ། །དེ་ཉིད་ཁོ་ན་བསྒྲུབ་པར་བྱ། །དབང་ཆེན་མེ་ནི་སྦྱོར་བ་ལས། །འཁོར་ལོས་སྒྱུར་བའི་གོ་འཕང་གནས། །ཡེ་ཤེས་རྒྱ་ཆེན་བསྒྲུབ་པར་བྱ། །ཡང་ན་ཕུན་སུམ་ཚོགས་པའི་དོན། །རིག་པ་འཛིན་དང་སངས་རྒྱས་ཉིད། །རྣལ་འབྱོར་ཡེ་ཤེས་ཕུན་སུམ་
D490.086.0041b01.01ཚོགས། །སྐྱེ་བ་འདི་ལ་འགྲུབ་འགྱུར་ཏེ། །འདི་ལ་ཐེ་ཙོམ་མི་བྱའོ། །དབྱངས་དང་ཡི་གེ་ཐམས་ཅད་ལ། །སྦྱོར་བའི་དབྱེ་བས་རྣམ་པར་དབྱེ། །ཚིག་དང་ངག་གི་ཚད་རྣམས་དང་། །ཏིང་ངེ་འཛིན་དང་སྔགས་འབྱུང་བ། །སློབ་དཔོན་མན་ངག་ལས་ཤེས་བྱ། །གཞན་དུ་
D490.086.0041b02.01བྱ་བ་མ་ཡིན་ནོ། །རྡོ་རྗེ་སྙིང་པོའི་རྒྱན་ཅེས་བྱ་བའི་རྒྱུད་ཆེན་པོ་ལས་རྡོ་རྗེ་ཀ་ཀྵའི་སྦྱོར་བ་མདོར་བསྡུས་ཏེ་བསྟན་པ་སྟེ་རྒྱས་པར་སློབ་དཔོན་གྱིས་མངོན་པར་སྤྱད་པར་བྱའོ།། །།དེ་ནས་བཅོམ་ལྡན་འདས་རྣམས་སླར་ཡང་འདུས་པར་གྱུར་པས་བཅོམ་ལྡན་འདས་རྡོ་རྗེ་རྣལ་འབྱོར་
D490.086.0041b03.01གྱི་དབང་ཕྱུག་ཆེན་པོ་ལ་གསུང་གི་དཀྱིལ་འཁོར་གསོལ་བ་བཏབ་བོ།།དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་གསོལ་བ་བཏབ་པའི་ཚིག་གི་རྗེས་ཉིད་ལ། འབྲུག་གི་སྒྲ་མཐའ་ཡས་པའི་ལེགས་པར་བསྒྲགས་པ། ནམ་མཁའི་མཛོད་ཀུན་ནས་རྡོ་རྗེ་རྒྱ་ཆེ་བ་ཚངས་པ་
D490.086.0041b04.01ཆེན་པོའི་སྒྲ་ཡོངས་སུ་རྫོགས་པའི་དོན་དང་། དེ་བཞིན་གཤེགས་པ་ཐམས་ཅད་ཀྱི་གསུང་གི་འཁོར་ལོའི་དཀྱིལ་འཁོར་སོ་སོར་ཡོངས་སུ་རྟོགས་པའི་དོན་དུ་དེ་བཞིན་གཤེགས་པ་ཐམས་ཅད་ཀྱི་གསུང་གྲུབ་པ་ཞེས་བྱ་བའི་དཀྱིལ་འཁོར་ཆེན་པོ་བཀའ་སྩལ་པ། དེ་ནས་ཡང་དག་བཤད་བྱ་བ། །
D490.086.0041b05.01གསུང་གི་འཁོར་ལོའི་དཀྱིལ་འཁོར་ཆེ། །ཟླུམ་པོ་ཀུན་ནས་བཟང་པོ་སྟེ། །ཟླ་བའི་དཀྱིལ་འཁོར་ལྟ་བུར་གནས། །དེ་ཡི་སྟེང་དུ་པད་ཆེན་པོ། །འདབ་མ་བརྒྱད་ལ་གེ་སར་ཅན། །དེ་ཡི་ལྟེ་བའི་དབུས་སུ་ནི། །ཡི་གེ་མཆོག་གི་གོ་འཕང་ཉིད། །བདག་གི་དངོས་གྲུབ་བསྒོམ་
D490.086.0041b06.01པར་བྱ། །ངག་གི་དབང་ཕྱུག་འོད་ཆེན་པོ། །སྙིང་གར་ཟླ་བ་དེར་པདྨ། །དེ་ཡི་སྟེང་དུ་དུང་བརྟག་བྱ། །དུང་གི་དབུས་སུ་ལྕེ་ཡིན་ཏེ། །རྡོ་རྗེའི་རང་བཞིན་དགེ་བའོ། །དེ་ཡི་སྟེང་དུ་རིན་ཆེན་པད། །ཡང་ན་སངས་རྒྱས་གཟུགས་བརྙན་ཡང་། །འབར་ཞིང་རྐན་གྱི་མཐར་
D490.086.0041b07.01