完整藏文原文 · 德格版页 当前仅加载第 86 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་ཐམས་ཅད་ཀྱི་སྐུའི་སྒྲུབ་པའི་ཐབས་ཞེས་བྱ་བ་སྟེ་དང་པོའོ།། །།སྒྲུབ་པའི་ཐབས་གཉིས་པ་ནི་དེ་བཞིན་གཤེགས་པ་ཐམས་ཅད་མཆོད་པར་བྱ་སྟེ། གི་ཝང་ངམ་ལྡོང་རོས་པདྨའི་སྣོད་དུ་གཞག་ལ་ཇི་སྲིད་དངོས་གྲུབ་རྣམ་པ་གསུམ་བྱུང་བ་དེ་སྲིད་དུ་
D490.086.0035b01.01བཟླས་པར་བྱའོ། །སེམས་ཅན་ཐམས་ཅད་དབང་དུ་འགྱུར་བ་དང་། མི་སྣང་བ་དང་། རིག་པ་ཐམས་ཅད་འཛིན་པར་འགྱུར་བ་ཉིད་དོ། །རིག་པ་འཛིན་པར་གྱུར་ནས་ཉི་མ་སྟོང་ཤར་བའི་ཁ་དོག་དང་། ལོ་བརྒྱད་གཉིས་ཀྱི་རྣམ་པར་སྐྲ་ལི་ཞིང་འཁྱིལ་བ་དང་། གདུ་བུ་
D490.086.0035b02.01དང་ལྡན་ཞིང་ལྷའི་བུ་མོ་བྱེ་བ་ཕྲག་དུ་མས་ཡོངས་སུ་བསྐོར་ཅིང་རིག་པ་འཛིན་པའི་གྲུབ་པ་ཐམས་ཅད་ཀྱིས་ཡོངས་སུ་བསྐོར་བ་དང་། བསྐལ་པ་ཆེན་པོའི་མཐར་གནས་པ་དང་། རིག་པ་འཛིན་པ་ཐམས་ཅད་ཀྱི་དབང་ཕྱུག་ཏུ་འགྱུར་རོ། །རིམ་པ་འདིས་རྩེ་གསུམ་བསྒྲུབས་
D490.086.0035b03.01ན་དབང་ཕྱུག་ཆེན་པོར་འགྱུར་རོ། །མཆོད་ཕྱིར་ཐོགས་བསྒྲུབས་ན་ཚངས་པར་འགྱུར་རོ། །འཁོར་ལོས་ཁྱབ་འཇུག་ཏུ་འགྱུར་རོ། །གྲོག་མཁར་གྱི་རྩེ་མོའི་ས་བཟུང་སྟེ་ས་སྲུངས་ཀྱི་བུ་བྱས་ལ་དེ་ལ་ཞོན་ཏེ་བཟླས་ན་དབང་པོར་འགྱུར་རོ། །ཉི་མའི་དཀྱིལ་འཁོར་བྱས་
D490.086.0035b04.01ཏེ་དེའི་སྟེང་དུ་བསྡད་ན་ཉི་མ་དང་མཚུངས་པར་འགྱུར་རོ། །ཟླ་བའི་དཀྱིལ་འཁོར་གྱི་ཟླ་བའི་སྟེ་འདི་ཉིད་ཀྱིས་ལྷའི་བྱེ་བྲག་གང་གི་མཚན་མ་བཟུང་སྟེ། དེས་དེའི་ལོངས་སྤྱོད་ལ་སྤྱོད་པར་འགྱུར་རོ། །དེ་བཞིན་དུ་རིམ་པ་འདིས་དངུལ་ཆུའམ་བཅུད་ལེན་གང་བསྒྲུབས་པ་དེ་
D490.086.0035b05.01འགྲུབ་པར་འགྱུར་རོ། །གལ་ཏེ་མ་གྲུབ་ན་དེའི་ཚེ་སྒྲུབ་པ་ལན་བདུན་བྱའོ། །བདུན་བྱས་པས་ཅི་ནས་ཀྱང་འགྲུབ་པར་འགྱུར་རོ། །ཞེས་དེ་བཞིན་གཤེགས་པ་ཐམས་ཅད་ཀྱི་འཁོར་ལོས་སྒྱུར་བས་བཀའ་སྩལ་པ། འབུམ་ཕྲག་གསུམ་བཟླས་པས་རི་ལྷུན་པོའི་ཚད་
D490.086.0035b06.01ཙམ་གྱི་རི་བོ་ཡང་ཧཱུཾ་ཞེས་བརྗོད་པས་ལྟུང་བ་དང་། རྒྱ་མཚོ་སྐེམས་པ་དང་། ལྗོན་པ་དྲུངས་ནས་འབྱིན་པ་དང་། བུམ་པ་ནམ་མཁའ་ལ་འཕེན་པ་དང་། གླང་པོ་ཆེ་རེངས་པར་བྱེད་པ་དང་། ཕ་རོལ་གྱི་སྡེ་མངོན་པར་འཇོམས་པར་བྱེད་པ་དང་། བར་སྣང་ན་གནས་པ་
D490.086.0035b07.01