完整藏文原文 · 德格版页 当前仅加载第 86 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་ནི། །མཆོག་གི་དབང་ཕྱུག་རྒྱུ་གཅིག་པོ། །དྲུག་པའི་དབྱངས་ཀྱིས་ལེགས་གསལ་བ། །ཐིག་ལེ་ནཱ་དས་ལེགས་པར་བརྒྱན། །རྟེན་ཅིང་འབྲེལ་འབྱུང་འཁོར་ལོ་ཡི། །དོན་ཅན་རབ་ཏུ་བསྐྱེད་པར་བྱ། །དེ་ཉིད་བཅོམ་ལྡན་རྣལ་འབྱོར་ཅན། །གཅིག་པུ་ཉིད་ནི་ལྷག་
D490.086.0059b01.01པའི་ལྷ། །ཆོས་ཀྱི་སྐུ་ནི་ཡེ་ཤེས་ཆེ། །རྡོ་རྗེ་རྣལ་འབྱོར་དབང་ཕྱུག་བཤད། །དེ་ནས་ཡང་དེ་བཞིན་གཤེགས་པ་མི་བསྐྱོད་པ་དང་། ཡེ་ཤེས་ཀྱི་འོད་ཟེར་དང་། དེ་བཞིན་གཤེགས་པ་སྤྱན་རས་གཟིགས་དབང་ཕྱུག་གི་རྒྱལ་པོ་དང་། དེ་བཞིན་གཤེགས་པ་རྡོ་རྗེ་རྣམ་པར་
D490.086.0059b02.01གནོན་པ་དང་། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་ཉིད་དུ་རང་གི་བདག་ཉིད་བྱིན་གྱིས་བརླབས་ཏེ། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པའི་ཕྱོགས་ཐམས་ཅད་མཉམ་པ་ཉིད་དུ་དམིགས་ནས་ཕྱོགས་བཞིར་འཁོད་དོ། །
D490.086.0059b03.01དབང་ཆེན་དཀྱིལ་འཁོར་མི་བསྐྱོད་པ། །མེ་ཡི་དཀྱིལ་འཁོར་ཡེ་ཤེས་འོད། །ཆུ་ཡི་དཀྱིལ་འཁོར་འོད་དཔག་མེད། །རྡོ་རྗེས་རྣམ་གནོན་རླུང་དཀྱིལ་འཁོར། །དེ་ནས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོའི་དམ་ཚིག་ལས་བྱུང་བ་སེམས་དཔའ་
D490.086.0059b04.01བྱིན་གྱིས་རློབ་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པ་ཞེས་བྱ་བ། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་སྙིང་པོའི་རྒྱན་གྱི་སྙིང་པོ་འདི་ཉིད་ཀྱི་ཐུགས་ཀ་ནས་ཕྱུང་བའོ། །ཨོཾ་
D490.086.0059b05.01བཛྲ་ས་ཏྭ། དེ་ནས་འདི་རྣམ་པར་ཕྱུང་བ་ཙམ་གྱིས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་རྡོ་རྗེའི་འོད་ཟེར་རྣམས་ཕྱུང་སྟེ། རྡོ་རྗེའི་འོད་ཟེར་དེ་རྣམས་ཀྱིས་འཇིག་རྟེན་གྱི་ཁམས་ཐམས་ཅད་སྣང་བར་བྱས་ཏེ་གསལ་བར་གྱུར་ནས། དེ་ནས་རྡོ་རྗེའི་འོད་ཟེར་དེ་རྣམས་ཀྱིས་
D490.086.0059b06.01འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་རབ་དང་མཉམ་པའི་དེ་བཞིན་གཤེགས་པ་ཐམས་ཅད་ཀྱི་སྐུས་འཇིག་རྟེན་གྱི་ཁམས་རྣམས་སུ་གཤེགས་ནས་འཇིག་རྟེན་གྱི་ཁམས་ཐམས་ཅད་སྣང་བར་མཛད་དེ། སེམས་ཅན་ཐམས་ཅད་ཀྱི་དོན་བྱ་བ་མངོན་པར་རྫོགས་ནས་
D490.086.0059b07.01