完整藏文原文 · 德格版页 当前仅加载第 86 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
མཛུབ་མོ་བསྐུམ་པར་བྱས་ནས་ནི། །གུང་མོའི་སྟེང་དུ་ཡོངས་སུ་གཞག །ཞགས་པའི་རྣམ་པ་རབ་ལྡན་པས། །གཤིན་རྗེ་ཡང་ནི་འཇིགས་པར་བྱེད། །དེ་ཉིད་རལ་གྲིར་བྱས་པ་ནི། །སྐྲ་ཅན་མ་རུ་རབ་ཏུ་བཤད། །ཁུ་ཚུར་ཐམས་ཅད་ངེས་བཅིངས་ཏེ། །མཛུབ་མོ་
D490.086.0027b01.01གཅིག་ནི་བསྐུམ་པར་བྱ། །འདི་ནི་ཉེ་བའི་སྐྲ་ཅན་རྒྱར། །འཇམ་པའི་དབྱངས་ཀྱིས་བཀའ་སྩལ་ཏོ། །རྡོ་རྗེ་བསྡམས་པ་སྟེང་བཅིངས་ཏེ། །དབུ་མ་གཉིས་ནི་རྣམ་པར་སྤང་། །མཛུབ་མོ་རྡོ་རྗེའི་རྣམ་པར་བྱ། །མཐེའུ་ཆུང་དང་ནི་མཐེ་བོང་བརྐྱང་། །འདི་ནི་རྡོ་རྗེ་འཛིན་ཆེན་
D490.086.0027b02.01པོའི། །ཕྱག་རྒྱ་དོན་ཀུན་སྒྲུབ་བྱེད་ཡིན། །མཛུབ་མོ་མཐེ་བོས་བསྡམས་པ་ནི། །མཱ་མ་ཀཱིར་ནི་ཡོངས་སུ་བཤད། །མཛུབ་མོར་ལྕགས་སྒྲོག་རྣམ་པ་ལས། །གུང་མོའི་དབུ་མ་རྡོ་རྗེར་བྱ། །འདི་ནི་རྡོ་རྗེ་ལྕགས་སྒྲོག་རྒྱ། །རྡོ་རྗེ་ལྟ་བུར་ཡོངས་སུ་བཤད། །རྡོ་རྗེ་ཆེན་པོ་རྩེ་
D490.086.0027b03.01ལྔ་པ། །ཁྲོ་བོ་གཟེགས་མར་རྣམ་པར་བཤད། །མཆོག་གི་རྩེ་མོ་རྩེ་གཅིག་བྱ། །རྡོ་རྗེ་རྩེ་མོ་ཉིད་ཀྱིར་བཤད། །ལག་ན་རིན་ཆེན་ཕྱག་རྒྱ་ནི། །ལག་གཉིས་ལེགས་པར་བརྐྱང་བར་བྱ། །སོར་མོ་པདྨའི་དབྱིངས་སུ་བྱ། །སྐུལ་བྱེད་ལྷ་མོར་ཡོངས་སུ་བཤད། །ཐལ་མོ་
D490.086.0027b04.01ཡོངས་སུ་སྦྱར་བ་ལས། །མཛུབ་མོ་དང་ནི་མཐེ་བོང་དག །མིག་གི་ཚུལ་དུ་སྦྱར་བར་བྱ། །སངས་རྒྱས་སྤྱན་གྱི་རྣམ་པར་བཤད། །བཀྲ་ཤིས་ཀྱི་ནི་སྐྱིལ་ཀྲུང་བཅའ། །རྣལ་འབྱོར་རིག་པས་ལུས་བསྲང་སྟེ། །ལག་གཉིས་ལྷུང་བཟེད་འཛིན་འདྲ་བ། །བསམ་གཏན་ཕྱག་
D490.086.0027b05.01རྒྱར་རབ་ཏུ་བཤད། །འདི་ནི་རྣམ་པར་སྣང་མཛད་རྒྱ། །སངས་རྒྱས་ཀུན་གྱི་དོན་མཛད་པའོ། །མི་བསྐྱོད་པ་ཡི་ས་ལ་རེག །རིན་ཆེན་ཏོག་གི་མཆོག་སྦྱིན་བཤད། །བསམ་གཏན་ཕྱག་རྒྱ་འོད་དཔག་མེད། །ངོ་བོ་ཉིད་ཀྱི་དོན་རྟོགས་བྱེད། །དོན་ཡོད་གཟིགས་པའི་ཕྱག་རྒྱ་
D490.086.0027b06.01ནི། །མི་འཇིགས་འཇིགས་པ་མེད་པ་སྦྱིན། །བློ་ལྡན་རྣལ་འབྱོར་སྐྱིལ་ཀྲུང་གནས། །སངས་རྒྱས་ཀུན་གྱི་རང་བཞིན་བདག །མཉམ་པར་བཞག་པ་ཕྱག་རྒྱ་ཀུན། །འཆིང་བ་འམ་ནི་འཆིང་དུ་གཞུག །འཇིག་རྟེན་པ་ཡི་ཕྱག་རྒྱ་ལ། །ལག་པ་གཅིག་ནི་རབ་བརྐྱང་སྟེ།།
D490.086.0027b07.01