完整藏文原文 · 德格版页 当前仅加载第 86 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
མེ་ཏོག་བདུག་པ་སོགས། །སྒོ་ཡི་སྐྱོང་བ་ཉིད་ཀྱང་ནི། །རབ་ཏུ་འབད་དེ་བྲི་བར་བྱ། །དེ་ཡི་སྔགས་གྱུར་མཛེས་པ་ནི། །གསང་བ་ཆེན་པོ་མཆོག་ཏུ་འབར། །ཧ་ཡི་ཡི་གེ་སྔོན་གང་དེ། །སེམས་ཅན་དོན་ནི་རབ་སྒྲུབ་བྱེད། །ཐིག་ལེ་གཉིས་དང་ཡོངས་སུ་ལྡན། །
D490.086.0067a01.01ལེགས་སྩོལ་བས་ནི་རྣམ་པར་གནས། །དེ་ལྟའི་དཀྱིལ་འཁོར་བྲིས་ནས་ནི། །མཆོད་པ་ཐམས་ཅད་རབ་ཏུ་བསྐོར། །བདག་ཉིད་དག་པས་གཞུག་པ་སོགས། །ཐམས་ཅད་ཡོངས་སུ་སྤྱད་པར་བྱ། །རྡོ་རྗེ་ལེགས་པའི་དཀྱིལ་འཁོར་རོ།། །།དེ་ནས་དཀྱིལ་འཁོར་ཆེན་པོ་མཆོག །
D490.086.0067a02.01ཡང་དག་རབ་ཏུ་བཤད་བྱ་བ། །རྡོ་རྗེ་གཟི་བརྗིད་ཞེས་སུ་གྲགས། །རྡོ་རྗེ་ཉི་མ་བློ་གྲོས་ལྡན། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་མཛེས་པར་བྱས། །ཐིག་བཞི་དང་ནི་ཡང་དག་ལྡན། །དཀྱིལ་འཁོར་དམ་པ་བྲི་བར་བྱ། །དེ་ཡི་ནང་དུ་བྲི་བྱ་བ། །རྡོ་རྗེ་ཉི་མ་
D490.086.0067a03.01འོད་ཆེན་པོ། །རྡོ་རྗེ་ཉི་མའི་སྟེང་དུ་ནི། །གྲུ་གསུམ་རྣམ་པ་ལས་བྱུང་བ། །དེ་ཡི་དབུས་སུ་གཟི་བརྗིད་ཆེ། །འབར་བ་ཡི་ནི་མེ་ལྟ་བུ། །པདྨ་ཆེན་པོ་འདབ་བརྒྱད་པ། །ཟེ་འབྲུ་ཡིས་ནི་ཤིན་ཏུ་མཛེས། །དེ་ཡི་ལྟེ་བའི་དཀྱིལ་དུ་ནི། །རྡོ་རྗེ་གཟི་བརྗིད་སྟོབས་པོ་ཆེ། །
D490.086.0067a04.01བཟང་པོའི་མཚལ་དང་མཚུངས་པའི་འོད། །རྒྱ་སྐྱེགས་ཁུ་བ་མཚུངས་པའི་མདོག །ཕྱག་བཞི་པ་ལ་ཞལ་བཞི་པ། །རྒྱན་རྣམས་ཀུན་གྱིས་བརྒྱན་པའོ། །དེ་ཡི་སྔགས་སུ་ཡོངས་གྲགས་པ། །ཀུན་ནས་སངས་རྒྱས་མཚུངས་པ་ཉིད། །དབྱངས་ཡིག་བཅུ་གཅིག་པ་ཡི་མཐའ། །
D490.086.0067a05.01ཉི་མའི་དཀྱིལ་འཁོར་དབུས་སུ་ནི། །སྔགས་ཀྱི་ཕྲེང་བས་ཡོངས་སུ་བསྐོར། །རང་གི་ཕྱག་རྒྱའི་མཚན་མ་ལྡན། །དེ་ལྟའི་དཀྱིལ་འཁོར་བྲིས་ནས་ནི། །སངས་རྒྱས་ཐམས་ཅད་རབ་མཆོད་བྱ། །རྡོ་རྗེ་གཟི་བརྗིད་ཀྱི་དཀྱིལ་འཁོར་རོ།། །།དེ་ནས་དཀྱིལ་འཁོར་ཆེན་པོ་མཆོག །ཡང་
D490.086.0067a06.01དག་རབ་ཏུ་བཤད་བྱ་བ། །ཡིད་བཞིན་ནོར་བུའི་རྒྱལ་མཚན་མིང་། །བདག་ཉིད་ཆེན་པོ་རྡོ་རྗེའི་ཏོག །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་མཛེས་པར་བྱས། །ཐིག་བཞི་དང་ནི་ཡང་དག་ལྡན། །ཟླ་བའི་དཀྱིལ་འཁོར་བྲི་བར་བྱ། །དཀྱིལ་འཁོར་དེ་ཡི་དབུས་སུ་ནི། །མཆོག་
D490.086.0067a07.01