完整藏文原文 · 德格版页 当前仅加载第 86 函德格 9b 版页；藏文 NFD、目录标记与异常页序保留在来源切片中，重复版页行以稳定序号区分。
བྱིན་གྱིས་བརླབས་ནས་དེ་ལས་འཐོན་ཏེ། དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་རྣམ་པར་གནས་སོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་འབྱུང་གནས། རྡོ་རྗེ་སྙིང་པོའི་རྒྱན་བྱིན་གྱིས་རློབ་པ་ཞེས་བྱ་བའི་ཏིང་ངེ་
D490.086.0009b01.01འཛིན་ལ་སྙོམས་པར་ཞུགས་ནས་ཆོས་ཀྱི་དབྱིངས་ཀྱི་རྡོ་རྗེ་ཆེན་པོ་སྙིང་པོའི་རྒྱན་དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་བཀོད་པ་ཆེན་པོ་བཀའ་སྩལ་པ། དེ་ནས་ཡང་དག་བཤད་བྱ་བ། །དཀྱིལ་འཁོར་ཆེན་པོ་མཆོག་གྱུར་པ། །རྡོ་རྗེ་སྙིང་པོ་
D490.086.0009b02.01གསང་ཆེན་པོ། །དེ་བཞིན་གཤེགས་པ་ཀུན་ལྡན་དགེ། །རྡོ་རྗེ་སྙིང་པོ་དང་མཚུངས་པ། །ཁམས་རྣམས་ཐམས་ཅད་རྣམ་པར་སྤྲུལ། །སངས་རྒྱས་ཀུན་གྱི་བདུད་རྩི་དང་། །གཞན་ཡང་བཅུད་ལེན་དང་མཚུངས་པ། །དེ་བཞིན་གཤེགས་པ་ཀུན་གྱི་གསང་། །རྡོ་རྗེ་
D490.086.0009b03.01ཀུན་གྱི་རང་བཞིན་གྲོང་། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ནི་རྣམ་པར་མཛེས། །ཐིག་བཞི་དང་ནི་ཡང་དག་ལྡན། །དར་དང་མེ་ཏོག་ཆུན་པོས་སྤྲས། །གྲྭ་ཡི་ཆ་རྣམས་ཐམས་ཅད་དང་། །སྒོ་ཁྱུད་ཀྱི་ནི་མཚམས་རྣམས་སུ། །རྡོ་རྗེ་རིན་ཆེན་རྣམས་ཀྱིས་སྤྲས། །རྡོ་རྗེའི་
D490.086.0009b04.01ཐིག་རྣམས་ཀྱིས་སྤྲས་པའི། །ཕྱི་རོལ་དཀྱིལ་འཁོར་ཐིག་གདབ་བྱ། །དེ་ཡིའང་ཕྱི་རོལ་དུ་བྱ་བ། །དཀྱིལ་འཁོར་བདུད་རྩི་ཡི་ནི་འོང་། །ཁྱད་པར་ཇི་ལྟ་བ་བཞིན་དུ། །སྔགས་པས་ཀུན་ནས་ཡོངས་བསྐོར་བྱ། །དེ་ལྟར་རྣམ་བཞིའི་རྣམ་པ་
D490.086.0009b05.01དང་། །ཇི་སྲིད་གྲོང་ནི་རྣམ་པ་བདུན། །སྦྱོར་བ་བདུན་དང་ཡང་དག་ལྡན། །དར་དང་མེ་ཏོག་ཕྲེང་བས་བརྒྱན། །སྒོ་དང་སྒོ་ཁྱུད་རིན་ཆེན་ནི། །ཡང་དག་མཐོ་བ་ལེགས་པར་གནས། །དེ་ཡི་གྲོང་གི་ནང་དུ་ནི། །རབ་ཞུགས་འཁོར་ལོ་འདྲ་བ་རུ། །རྡོ་རྗེ་ཐིག་གིས་ཡོངས་སུ་བསྐོར། །ཀ་བ་བརྒྱད་
D490.086.0009b06.01ཀྱིས་ཉེ་བར་མཛེས། །རྡོ་རྗེ་ཀ་མདུན་གནས་རྣམས་སུ། །དཀྱིལ་འཁོར་ལྔ་ཡིས་བརྒྱན་པའོ། །དེ་ལྟར་འཁོར་ལོ་རྣམ་པ་གཉིས། །ནང་གི་དཀྱིལ་འཁོར་དང་མཚུངས་པ། །ཚད་མཛེས་པ་ཡི་སྙིང་པོ་ཆེ། །རྡོ་རྗེ་འཁོར་ལོས་རྣམ་པར་བརྒྱན། །གྲུ་བཞི་པ་དང་ཟླུམ་
D490.086.0009b07.01