完整藏文原文 · 德格版页 当前仅加载第 86 函德格 62a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཤེས་པ། བཅོམ་ལྡན་འདས་རྡོ་རྗེ་རྣལ་འབྱོར་གྱི་དབང་ཕྱུག་ཆེན་པོས་དངོས་གྲུབ་ཐམས་ཅད་ཀྱིས་བྱིན་གྱིས་བརླབས་པ། དབང་བསྐུར་བ་ཐམས་ཅད་ཐོབ་པ། རྡོ་རྗེ་རྣལ་འབྱོར་གྱི་དབང་ཕྱུག་ལྟ་བུ། ཐམས་ཅད་མཁྱེན་པའི་ཡེ་ཤེས་ཀྱིས་དེ་བཞིན་གཤེགས་པ་ཐམས་ཅད་
D490.086.0062a01.01ཀྱི་དམ་ཚིག་གི་ཕྱག་རྒྱ་ལ་བསླབ་པར་བྱའོ། །དེ་ནས་འདིར་དམ་ཚིག་གི་ཕྱག་རྒྱ་བཅིང་བར་འགྱུར་བ་ནི་སྐྱིལ་ཀྲུང་བཅིངས་ནས་དྲི་ལ་སོགས་པ་རྣམས་ཀྱིས་ལག་པ་གཉིས་བྱུགས་ནས་ཕྱག་རྒྱ་བཅིང་བ་རབ་ཏུ་བསྒྲུབ་པར་བྱའོ། །ལག་པ་གཉིས་རྡོ་རྗེ་བསྡམས་པ་བྱས་ཏེ་སོར་མོ་ཕན་ཚུན་
D490.086.0062a02.01བཅིངས་ནས་སྐྱིལ་ཀྲུང་གི་དབུས་སུ་རྡོ་རྗེ་བསྡམས་པར་གཞག་པ་ནི་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའོ། །རྡོ་རྗེ་སེམས་དཔའ་ལ་སོགས་པ་ནི་གར་གྱི་ཚོགས་ཀྱི་སྦྱོར་བས་སོ། །རྡོ་རྗེ་བསྡམས་པ་དེ་ཉིད་རྐེད་པའི་ཕྱོགས་སུ་གཟུང་བ་ནི་རྡོ་རྗེ་སེམས་དཔའི་ཕྱག་རྒྱའོ། །རྡོ་
D490.086.0062a03.01རྗེ་བསྡམས་པ་ལས་མཛུབ་མོ་ལྕགས་ཀྱུ་ལྟར་གཟུང་བ་ནི་རྡོ་རྗེ་རྒྱལ་པོའི་ཕྱག་རྒྱའོ། །དེ་ཉིད་མདའ་འཕེན་པ་ལྟ་བུའི་སྦྱོར་བ་ནི་རྡོ་རྗེ་མདའི་ཕྱག་རྒྱའོ། །དེ་ཉིད་ལས་ལེགས་སོ་བ་སྦྱིན་པས་རྒྱབ་ཏུ་འཇོག་པ་ནི་རྡོ་རྗེ་ལེགས་པའིའོ། །བྱང་ཆུབ་ཀྱི་སེམས་ཀྱི་ཕྱག་རྒྱ་རྣམས་སོ། །
D490.086.0062a04.01རྡོ་རྗེ་བསྡམས་པ་དེ་ཉིད་དཔྲལ་བར་འཇོག་པ་ནི་རྡོ་རྗེ་རིན་ཆེན་གྱི་ཕྱག་རྒྱའོ། །རྡོ་རྗེ་བསྡམས་པ་ལས་འོད་ཀྱི་དཀྱིལ་འཁོར་གྱི་སྦྱོར་བ་ནི་རྡོ་རྗེ་ཉི་མའི་འོད་ཀྱི་དཀྱིལ་འཁོར་གྱི་ཕྱག་རྒྱའོ། །རྡོ་རྗེ་བསྡམས་པ་སྤྱི་བོར་སྦྱར་བ་ནི་ཏོག་གི་ཕྱག་རྒྱའོ། །ཁའི་ཐད་དུ་བསྐོར་བ་ནི་རྡོ་རྗེ་བཞད་པའི་
D490.086.0062a05.01ཕྱག་རྒྱའོ། །རྡོ་རྗེ་བསྡམས་པ་དེ་ཉིད་ཁའི་ཐད་དུ་བསྐོར་བ་ནི་རྡོ་རྗེ་ཆོས་ཀྱི་ཕྱག་རྒྱའོ། །དེ་ཉིད་སྙིང་གར་བྱས་པ་ནི་རྡོ་རྗེ་རལ་གྲིའི་ཕྱག་རྒྱའོ། །དེ་ཉིད་འཁོར་ལོ་ལྟར་ཡོངས་སུ་བསྐོར་བ་ནི་རྡོ་རྗེ་རྒྱུའི་ཕྱག་རྒྱའོ། །དེ་ཉིད་སྙིང་གར་བསྒྲེང་བ་ནི་རྡོ་རྗེ་སྨྲ་བའི་ཕྱག་རྒྱའོ། །ཆོས་ཀྱི་ཕྱག་རྒྱ་
D490.086.0062a06.01རྣམས་སོ། །རྡོ་རྗེ་བསྡམས་པ་དེ་ཉིད་གར་ཉིད་དུ་སྟོན་པ་ནི་ལས་སྣ་ཚོགས་པའི་ཕྱག་རྒྱའོ། །ལག་པ་གཉིས་སྤྱི་བོ་དང་སྙིང་ག་དང་མགྲིན་པར་འཇོག་པ་ནི་རྡོ་རྗེ་བསྲུང་བའི་ཕྱག་རྒྱའོ། །རྡོ་རྗེ་བསྡམས་པ་འགྲམ་པ་གཉིས་སུ་འཇོག་པ་ནི་རྡོ་རྗེ་གནོད་སྦྱིན་གྱི་ཕྱག་རྒྱའོ། །རྡོ་རྗེ་བསྡམས་
D490.086.0062a07.01