完整藏文原文 · 德格版页 当前仅加载第 86 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
འདུ་བའི་དེ་བཞིན་ནོ། །ལག་པའི་ཞགས་པ་ངེས་བཅིངས་པས། །དེ་ནི་ཕྱག་རྒྱར་རབ་ཏུ་བཤད། །འདི་རྣམས་དམ་ཚིག་ཕྱག་རྒྱ་རུ། །དེ་བཞིན་གཤེགས་རྣམས་ལེགས་པར་གསུངས། །ལས་ཀྱི་སྦྱོར་བ་འབད་པ་ཡིས། །འདི་རྣམས་ཀྱང་ནི་ཕྱག་རྒྱར་བཤད། །
D490.086.0028b01.01ཕྱག་རྒྱ་དོར་ནས་སེམས་ཀྱི་ནི། །རིན་ཆེན་ཡང་དང་ཡང་དུ་བསམ། །རྣམ་པར་རྟོག་མེད་གདོད་ནས་ཞི། །ཆོས་དབྱིངས་མཉམ་ཞིང་མི་མཉམ་པ། །སྟོང་པ་མཁའ་འདྲར་ཤེས་ནས་སུ། །མཁས་པ་ཡིས་ནི་བསྒོམ་པར་བྱ། །འདི་དག་ཐམས་ཅད་མ་སྐྱེས་ཤིང་། །རྨི་ལམ་
D490.086.0028b02.01ལྟ་བུར་རབ་ཏུ་གནས། །དྲི་ཟའི་གྲོང་ཁྱེར་ལྟ་བུར་སྣང་། །འཚོ་བའི་འཇིག་རྟེན་ཡང་དང་ཡང་། །མིག་འཕྲུལ་ལྟ་བུར་ཤིན་ཏུ་ནི། །འགྲོ་བ་ཐམས་ཅད་རབ་ཏུ་གསལ། །མི་རྟག་སྡུག་བསྔལ་སྟོང་པ་རུ། །སྲིད་པ་ཐམས་ཅད་མདོར་བསྡུས་པ། །བདག་མེད་པ་
D490.086.0028b03.01ཞེས་མཐོང་ནས་ནི། །སངས་རྒྱས་ཀུན་དང་དཔའ་བོ་ཡིས། །སྒྱུ་མ་སྨིག་རྒྱུ་བྲག་ཅ་དང་། །ལྦུ་བ་ཆུ་ཡི་ཆུ་བུར་དང་། །གཟུགས་བརྙན་ལྟ་བུར་འཇིག་རྟེན་ནི། །དེ་ལྟར་སངས་རྒྱས་རྣམས་ཀྱིས་དགོངས། །ཐམས་ཅད་མགལ་མེའི་འཁོར་ལོ་ལྟར། །ཟོ་ཆུན་
D490.086.0028b04.01ཁྱུད་མོ་ཇི་བཞིན་དུ། །གར་གྱི་གནས་ཀྱི་ཚུལ་འདྲ་བ། །ཟླ་བ་གཉིས་དང་མཚུངས་པར་བལྟ། །རྟག་ཏུ་གློག་གི་ཕྲེང་བ་འདྲ། །སྦྲང་བུའི་སྒྲ་དང་མཚུངས་པར་གནས། །འཁོར་བ་ཤིན་ཏུ་བསླང་བ་སྟེ། །རྒོད་མའི་ཁ་དང་འདྲ་བར་གནས། །འདི་ལྟར་ཤེས་ཤིང་
D490.086.0028b05.01རྟོགས་ནས་ནི། །བསྒོམ་པའི་སྟོབས་ཀྱིས་རང་ཉིད་ཀྱིས། །སེམས་ནི་ལེགས་བསྒྲུབ་རྣལ་འབྱོར་པ། །དེ་ལ་ཕྱག་རྒྱ་རབ་ཏུ་བཤད། །སྟོང་པ་མཚན་མ་མེད་པ་དང་། །སྨོན་པ་མེད་པའི་རང་བཞིན་ལས། །ལུས་དང་ངག་དང་ཡིད་ཀྱིས་ནི། །དམ་ཚིག་གསུམ་ནི་བརྟགས་
D490.086.0028b06.01པའོ། །ཕྱག་རྒྱ་སྔགས་དང་ལྷ་ཉིད་དང་། །དེ་ཉིད་གསུམ་ནི་རབ་ཏུ་གནས། །བདག་ཉིད་སྦྱོར་བའི་རྣལ་འབྱོར་གྱིས། །མཚན་ཉིད་གཅིག་ཏུ་རྣམ་པར་གནས། །དེ་འདི་དམ་པའི་ཕྱག་རྒྱ་རུ། །སངས་རྒྱས་རྣམས་ཀྱིས་བཀའ་སྩལ་ཏོ། །ཕྱག་རྒྱ་ཡི་གེ་བྲལ་བ་སྟེ།།
D490.086.0028b07.01