完整藏文原文 · 德格版页 当前仅加载第 86 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་གྱི་ཁམས་ཐམས་ཅད་དུ་རྣམ་པར་སྤྱོད་པ་དང་། རྒ་ཤི་མེད་པ་དང་། ཉི་མ་རེ་རེ་ཞིང་སངས་རྒྱས་ཀྱི་བདག་ཉིད་ཆེ་བ་མཐོང་བ་དང་། མཆོད་པའི་སྤྲིན་ཐམས་ཅད་ཀྱིས་སངས་རྒྱས་ཀྱི་ཞིང་ཐམས་ཅད་དུ་མཆོད་པའི་ཆར་འབེབས་པ་དང་། བསྐལ་པ་ཆེན་པོ་སྟོང་
D490.086.0036b01.01ཕྲག་ཏུ་འཚོ་བར་འགྱུར་རོ། །དེ་ནས་སྒྲུབ་པའི་ཐབས་གཞན་ཡང་འཁོར་ལོའམ་པ་ཊི་ས་བླངས་ཏེ་འབུམ་ཕྲག་ཉི་ཤུ་བཟླས་པ་ཡོངས་སུ་རྫོགས་པ་དང་དཔལ་གྱི་སྒོར་སོང་སྟེ། ནིམ་པའི་ལོ་མ་ཚ་བའི་མར་ཁུ་ལ་བཏགས་པ་འབུམ་ཕྲག་གཅིག་སྲེག་བླུགས་བྱའོ། །
D490.086.0036b02.01ལྷ་མ་ཡིན་གྱི་འཁྲུལ་འཁོར་ཐམས་ཅད་འབྱེད་པར་འགྱུར་རོ། །ལྷ་མ་ཡིན་གྱི་བུ་མོ་ཐམས་ཅད་འོང་བར་འགྱུར་རོ། །གལ་ཏེ་མ་གྲུབ་ན་འབུམ་ཕྲག་གཉིས་སམ་གསུམ་དུ་སྲེག་བླུགས་བྱའོ། །ལྷ་མ་ཡིན་གྱི་བུ་མོ་ཐམས་ཅད་བསྲེགས་བཞིན་དུ་འོང་བར་འགྱུར་རོ། །
D490.086.0036b03.01འོངས་ནས་ཀྱང་སྒྲུབ་པ་པོ་ལ་ཞུ་བར་བྱེད་དེ། ཀྱེ་སྐྱེས་བུ་དཔའ་བོ་འཇུག་ཏུ་གསོལ་ཞེས་སྨྲའོ། །དེ་ནས་གྲོགས་དང་བཅས་པ་འཇུག་པར་བྱའོ། །རལ་གྲིའམ་འཁོར་ལོ་དེ་བཟུང་ནས་ལྷ་མ་ཡིན་གྱི་རིག་པ་འཛིན་པའི་རྒྱལ་པོར་འགྱུར་རོ། །ས་འོག་གི་རྫས་རྣམས་
D490.086.0036b04.01ཀྱི་མངའ་བདག་ལྷ་མ་ཡིན་གྱི་བུ་མོ་ཐམས་ཅད་ཀྱི་བདག་པོ། གསང་སྔགས་གྲུབ་པ་གཞན་ཐམས་ཅད་དང་། ལྷ་མ་ཡིན་གྱི་རིག་པ་འཛིན་པ་རྣམས་ཀྱི་དབང་ཕྱུག་ས་འོག་ཐམས་ཅད་ཀྱི་བདག་པོ་ལྷ་མ་ཡིན་ཆེན་པོའི་སྤྲུལ་པ་བྱེད་པ་པོ་བསྐལ་པ་ཆེན་པོར་གནས་པ། ཁྱབ་
D490.086.0036b05.01འཇུག་གི་འཁོར་ལོ་ཧཱུྃ་ཞེས་བྱ་བ་བརྗོད་པ་ཙམ་གྱིས་རླག་པར་བྱེད་པ། ཁྱབ་འཇུག་ཀྱང་ཧཱུྃ་ཞེས་བརྗོད་པ་ཙམ་གྱིས་རླག་པར་བྱེད་ན་གཞན་ལྟ་སྨོས་ཀྱང་ཅི་དགོས། སྒྲུབ་པའི་ཐབས་གཞན་ཡང་བདེ་བར་གཤེགས་པའི་མཆོད་རྟེན་འབུམ་ཕྲག་སུམ་ཅུ་བྱས་ཏེ་མཆོད་
D490.086.0036b06.01རྟེན་རེ་རེའི་མདུན་དུ་སྟོང་ཕྲག་བརྒྱད་བརྒྱད་བཟླ་བར་བྱའོ། །ཐམས་ཅད་ལ་ཉེ་བར་སྤྱོད་པ་ཐམས་ཅད་ཀྱིས་མཆོད་ལ་ཐ་མར་མེ་ཏོག་ཅན་གྱི་ལྕགས་ལས་བྱུང་བའི་འཁོར་ལོ་རྩིབས་དྲུག་པ་མཐོ་གང་ཙམ་པ་བཟུང་ནས་ཆོ་འཕྲུལ་གྱི་ཟླ་བ་ཕྱེད་པ་ལ་སྐྱིལ་མོ་ཀྲུང་བཅིངས་ཏེ། ཇི་
D490.086.0036b07.01