完整藏文原文 · 德格版页 当前仅加载第 86 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་གནས་གང་ཡིན་པ་དེ་ནི་འདི་ལྟ་སྟེ་བྱང་ཆུབ་སེམས་དཔའི་གནས་སོ། །རོ་རྣམ་པར་དག་པའི་གནས་གང་ཡིན་པ་དེ་ནི་འདི་ལྟ་སྟེ་བྱང་ཆུབ་སེམས་དཔའི་གནས་སོ། །རེག་རྣམ་པར་དག་པའི་གནས་གང་ཡིན་པ་དེ་ནི་འདི་ལྟ་སྟེ་བྱང་ཆུབ་སེམས་དཔའི་གནས་སོ། །དངོས་
D490.086.0004b01.01པོ་ཐམས་ཅད་རྣམ་པར་དག་པའི་གནས་གང་ཡིན་པ་དེ་ནི་འདི་ལྟ་སྟེ་བྱང་ཆུབ་སེམས་དཔའི་གནས་སོ། །དེའི་རྒྱུ་ཅིའི་ཕྱིར་ཞེ་ན། འདི་ལྟར་ཆོས་ཐམས་ཅད་ནི་རང་བཞིན་གྱིས་རྣམ་པར་དག་པ་སྟེ། ཆོས་ཐམས་ཅད་རང་བཞིན་གྱིས་རྣམ་པར་དག་པས་ཤེས་རབ་ཀྱི་ཕ་རོལ་ཏུ་
D490.086.0004b02.01ཕྱིན་པ་ཡོངས་སུ་དག་པའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་གསང་སྔགས་ཐམས་ཅད་ཀྱི་དབང་ཕྱུག་གསང་སྔགས་ཐམས་ཅད་ཀྱི་འདྲེན་པ་པོ། སྔགས་ཐམས་ཅད་ཀྱི་བླ་མར་གྱུར་པ། ཐམས་ཅད་གཙུག་ཏོར་འཁོར་ལོས་སྒྱུར་བ། བསྟན་པ་ལ་
D490.086.0004b03.01བརྫི་བ་མེད་པ། འཁོར་ལོས་སྒྱུར་བའི་སྙིང་པོ་བཀའ་སྩལ་པ། བྷྲུྃ། འཇམ་དཔལ་གང་ལ་ལས་ཆོས་ཐམས་ཅད་བསྡུས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ་འདི་ལན་ཅིག་ཙམ་ཡང་ཐོས་ན་དེའི་བྱང་ཆུབ་ཀྱི་སྙིང་པོ་ལ་ཐུག་པའི་བར་དུ་སྒྲིབ་པ་ཐམས་ཅད་དང་ཆོད་པ་དང་
D490.086.0004b04.01ཉོན་མོངས་པའི་སྒྲིབ་པ་དང་། ཆོས་ཀྱི་སྒྲིབ་པ་དང་ལས་ཀྱི་སྒྲིབ་པ་ཆེན་པོ་ཉེ་བར་བསགས་ཀྱང་ནམ་ཡང་དམྱལ་བ་ལ་སོགས་པའི་ངན་སོང་རྣམས་སུ་ལྟུང་བར་མི་འགྱུར་རོ། །སྡིག་པ་རྣམས་བྱས་པ་ཙམ་ན་ཡང་སྡུག་བསྔལ་མེད་ཅིང་ཟད་པར་འགྱུར་རོ། །གང་གིས་འདི་
D490.086.0004b05.01འཆང་བ་དང་། ཉི་མ་རེ་རེ་འདོན་པ་དང་། ཀློག་པ་དང་རྒྱུན་མ་ཆད་པར་ཚུལ་བཞིན་ཡིད་ལ་བྱེད་པ་དེ་ནི་སྐྱེ་བ་འདི་ཉིད་ལ་ཆོས་ཐམས་ཅད་མཉམ་པ་ཉིད་རྡོ་རྗེའི་ཏིང་ངེ་འཛིན་སོ་སོར་ཐོབ་ནས་ཆོས་ཐམས་ཅད་ཀྱི་དབང་ཕྱུག་ཏུ་འགྱུར་རོ། །ཆོས་ཐམས་ཅད་ལ་དགའ་ཞིང་མགུ་
D490.086.0004b06.01ལ་རབ་ཏུ་དགའ་བ་མྱོང་བར་འགྱུར་རོ། །བྱང་ཆུབ་སེམས་དཔའ་ཆེན་པོ་སྐྱེ་བ་བཅུ་དྲུག་ན། དེ་བཞིན་གཤེགས་པ་ཉིད་དམ་རྡོ་རྗེ་འཛིན་པ་ཉིད་ཐོབ་པར་འགྱུར་རོ། །ཧཱུྃ། དེ་ནས་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ཀྱིས་སླར་ཡང་ཤེས་རབ་ཀྱི་ཕ་
D490.086.0004b07.01