完整藏文原文 · 德格版页 当前仅加载第 2 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་ལ་གཏུག་པར་བགྱིའམ། རྐང་པ་གཉིས་ལ་གཏུག་པར་མི་བྱ་སྟེ། འོན་ཀྱང་ལག་པ་རྐྱོང་ལ་ཀླུའི་དབང་པོ་བཟོད་པར་གསོལ་ལོ་ཞེས་སྨྲོས་ཤིག་དང་བཟོད་པར་འགྱུར་རོ། །རྒྱལ་པོས་དེ་གཉིས་འོང་བ་ལ་འབད་དེ་སྡོད་ཅིང་འདུག་པ་དང་། ཇི་ཙམ་ན་དེ་གཉིས་
D1.002.0010b01.01ཁྱིམ་བདག་གི་ཆ་བྱད་དུ་བྱས་ནས་བཅོམ་ལྡན་འདས་ཀྱི་སྤྱན་སྔར་འོངས་པ་དང་དེ་མ་ཐག་ཏུ་རྒྱལ་པོ་ཡང་འོངས་ནས་བཅོམ་ལྡན་འདས་ཀྱིས་རྟགས་བསྟན་པ་དང་རྒྱལ་པོས་ལག་པ་མངོན་དུ་བརྐྱང་ནས་སྨྲས་པ། ཀླུའི་དབང་པོ་གཉིས་བཟོད་པར་གསོལ་ལོ། །རྒྱལ་པོ་ཆེན་
D1.002.0010b02.01པོ་བཟོད་པར་བགྱིའོ། །གལ་ཏེ་བཟོད་པར་གྱུར་ན་ནི་འདིར་སྤྱོན་ཅིག །རྒྱལ་པོ་ཆེན་པོ་གང་གི་ཚེ་བཅོམ་ལྡན་འདས་ལས་བདག་ཅག་གིས་སྐྱབས་སུ་འགྲོ་བ་དང་། བསླབ་པའི་གཞི་རྣམས་བླངས་པས་དེ་ཉིད་ཀྱི་ཚེ་བདག་ཅག་གི་ལུས་དང་ལོངས་སྤྱོད་སྐྱེས་ཏེ། གལ་ཏེ་ད་
D1.002.0010b03.01ཆེ་བཞིན་དུ་འདིར་འོངས་ན་ཡུལ་མ་ག་དྷཱར་ཡང་མི་ཤོང་བར་འགྱུར་རོ། །འོ་ན་ཡུལ་མ་ག་དྷཱ་མ་རུང་བར་འགྱུར་མོད། མ་རུང་བར་མི་འགྱུར་རོ། །ཇི་ལྟར་མི་འགྱུར། ཁྱོད་ཀྱིས་ཁོ་བོ་ཅག་གི་ཁང་{བཟངས་,བཟང་}གཉིས་རྩིགས་ལ་ཟླ་བ་དྲུག་ཅིང་དུས་མཆོད་གྱིས་ཤིག་དང་། ཁོ་བོ་
D1.002.0010b04.01ཅག་གི་འཁོར་བཞག་ལ་དུས་མཆོད་ཀྱི་ཚེ་ཡང་འདུ་བར་བྱའོ། །རྒྱལ་པོས་དེ་བཞིན་དུ་བྱས་པ་དང་། དེ་གཉིས་ཀྱིས་འཁོར་དག་ཀྱང་བཞག་ལ་དུས་མཆོད་ཀྱང་རང་ཉིད་ཉམས་སུ་མྱོང་བར་བྱེད་དོ། །ཇི་ཙམ་དུས་གཞན་ཞིག་ན་དེ་དག་གི་འཁོར་བག་མེད་པར་གནས་པ་ན་
D1.002.0010b05.01ཀླུ་གདུག་པ་དག་གིས་གླགས་རྙེད་ནས། དེ་དག་གིས་སེར་བ་དབབ་པར་བརྩམས་སོ། །རྒྱལ་པོའི་ཁབ་ན་བྲམ་ཟེ་སེར་བའི་སྔགས་ལ་མཁས་པ་གཞན་ཞིག་ཡོད་དེ། དེས་དེ་བབ་ཅིང་བབ་པ་དག་བཅད་པ་དང་། དེ་ལ་ཡུལ་མ་ག་དྷཱ་ན་གནས་པའི་སྐྱེ་བོའི་ཚོགས་ཀྱིས་
D1.002.0010b06.01དབང་ཐང་བྱིན་ནོ། །ལྷོ་ཕྱོགས་ན་བྲམ་ཟེ་མེས་བྱིན་ཞེས་བྱ་བ་སེར་བའི་སྔགས་ལ་མཁས་པ་ཞིག་ཡོད་པ་དེས་བྱང་ཕྱོགས་ན་ཡུལ་ནུས་པ་ཅན་ཞེས་བྱ་བ་ཞིག་ཡོད་དེ། དེ་ན་རྒྱལ་པོ་སྡེ་མཆོག་ཅེས་བྱ་བ་རྒྱལ་སྲིད་བྱེད་དུ་འཇུག་གོ། །དེའི་ཡུལ་ན་ཀླུའི་རྒྱལ་པོ་རབ་མཛེས་ཀྱི་
D1.002.0010b07.01