完整藏文原文 · 德格版页 当前仅加载第 2 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
གི་ནམ་མཁའ་ལ་འཕགས་ནས་འདུག་གོ། །ལྷ་མ་ཡིན་དེ་རྣམས་ཀྱིས་སྨྲས་པ། བདག་ཅག་གི་ལྟག་ན་ནམ་མཁའ་ལ་སྤགས་ཏེ་འདུག་པ་འདི་སུ་ཞིག་ཡིན། དེ་རྣམས་ཀྱིས་འདི་ནི་མིའི་རྒྱལ་པོ་ང་ལས་ནུ་ཞེས་བྱ་བ་ཡིན་ནོ་ཞེས་ཐོས་སོ། །ཐོས་ནས་དེ་རྣམས་ཀྱིས་བསམས་པ། གང་
D1.002.0179b01.01གི་ཤིང་རྟ་བདག་ཅག་གི་ལྟག་ཏུ་ནམ་མཁའ་ལས་འགྲོ་བའི་སེམས་ཅན་འདི་ནི་བསོད་ནམས་ཀྱི་རྣམ་པར་སྨིན་པས་དབང་ཆེ་བར་གྲགས་པ་ཡིན་ནོ་སྙམ་ནས། དེ་རྣམས་ཕམ་པར་གྱུར་ཏེ་འཇིགས་སྐྲག་ཅིང་བཅོམ་པས་རྒྱབ་བསྟན་ནས་ལྷ་མ་ཡིན་རྣམས་ཀྱི་གནས་སུ་ཞུགས་སོ། །རྒྱལ་པོ་
D1.002.0179b02.01ང་ལས་ནུས་སྨྲས་པ། གང་རྒྱལ། བློན་པོ་རྣམས་ཀྱིས་སྨྲས་པ། ལྷ་རྒྱལ་ལགས་སོ། །རྒྱལ་པོས་བསམས་པ། སུམ་བཅུ་རྩ་གསུམ་པའི་ལྷ་རྣམས་པས་ནི་བདག་ལྷག་གོ་སྙམ་མོ། །དེ་ནས་རྒྱལ་པོ་ང་ལས་ནུ་འདི་སྙམ་དུ་སེམས་ཏེ། བདག་ལ་འཛམ་བུའི་གླིང་འབྱོར་པ་དང་།
D1.002.0179b03.01རྒྱས་པ་དང་། བདེ་བ་དང་། ལོ་ལེགས་པ། སྐྱེ་བོ་དང་། མི་མང་པོས་རབ་ཏུ་གང་བ་ཡང་ཡོད། བདག་ལ་ཤར་གྱི་ལུས་འཕགས་དང་། ནུབ་ཀྱི་བ་ལང་སྤྱོད་དང་། བྱང་གི་སྒྲ་མི་སྙན་གྱི་གླིང་ཡང་ཡོད། བདག་ལ་རིན་པོ་ཆེ་སྣ་བདུན་འདི་ལྟ་སྟེ། འཁོར་ལོ་རིན་པོ་ཆེ་དང་། གླང་པོ་
D1.002.0179b04.01རིན་པོ་ཆེ་དང་། རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བཙུན་མོ་རིན་པོ་ཆེ་དང་། ཁྱིམ་བདག་རིན་པོ་ཆེ་དང་། བདུན་པ་བློན་པོ་རིན་པོ་ཆེ་ཡང་ཡོད། བདག་ལ་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པར་བྱེད་པ་
D1.002.0179b05.01སྟོང་ཡང་ཚང་བར་ཡོད། བདག་གི་ཕོ་བྲང་གི་ནང་དུ་ཡང་གསེར་གྱི་ཆར་ཞག་བདུན་དུ་བབ། བདག་སུམ་བཅུ་རྩ་གསུམ་པའི་ལྷ་རྣམས་ཀྱི་ནང་དུ་ཡང་ཕྱིན། ལྷའི་འདུན་ས་ཆོས་བཟང་དུ་ཡང་ཞུགས། ལྷ་རྣམས་ཀྱི་དབང་པོ་བརྒྱ་བྱིན་གྱིས་ཀྱང་བདག་ལ་སྟན་ཕྱེད་བསྟབས་
D1.002.0179b06.01ཀྱིས་ཀྱེ་མའོ་བདག་གིས་ལྷ་རྣམས་ཀྱི་དབང་པོ་བརྒྱ་བྱིན་གནས་འདི་ནས་ཕྱུང་ལ། བདག་ཁོ་ནས་ལྷ་དང་མི་རྣམས་ཀྱི་རྒྱལ་སྲིད་ཀྱི་དབང་ཕྱུག་ལ་དབང་བྱའོ་སྙམ་པ་དང་། སེམས་བསྐྱེད་མ་ཐག་ཏུ་རྒྱལ་པོ་ཆེན་པོ་རྒྱལ་པོ་ང་ལས་ནུ་འབྱོར་པ་དེ་ལས་ཡོངས་སུ་ཉམས་ཏེ། འཛམ་བུའི་གླིང་
D1.002.0179b07.01