完整藏文原文 · 德格版页 当前仅加载第 2 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་དང་། ལས་སུ་བྱ་བ་ཐམས་ཅད་བྲམ་ཟེ་གནག་ལྷས་སྐྱེས་ལ་སླར་བཏང་ནས་སྟེང་གི་ཁང་{བཟངས་ཀྱི་,བཟང་གི་}གཞི་ལ་སྐྱེས་པ་མེད་པར་སོང་སྟེ་རོལ་མོ་རྣམས་ཀྱིས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ནས་
D1.002.0266a01.01དུས་གཞན་ཞིག་ན་བྲམ་ཟེ་གནག་ལྷས་སྐྱེས་ཤིའོ། །དེ་ཤི་བ་ན་རྒྱལ་པོ་ཕྱོགས་བདག་ཤིན་དུ་སྡུག་བསྔལ་ཞིང་ཡིད་མི་བདེ་བའི་ཚོར་བ་ཉམས་སུ་མྱོང་ནས། ཀྱི་ཧུད་བྲམ་ཟེ་གནག་ལྷས་སྐྱེས་ཤི་བས་བདག་ཆེ་ཐང་དུ་དམས་པར་གྱུར་ཏོ། །ཀྱི་ཧུད་བྲམ་ཟེ་གནག་
D1.002.0266a02.01ལྷས་སྐྱེས་ཤི་བས་བདག་ཤིན་དུ་ཆེ་ཐང་དུ་དམས་པར་གྱུར་ཏོ་ཞེས་ཟེར་རོ། །དེ་ནས་གཞོན་ནུ་རྡུལ་ཕྲན་རྒྱལ་པོ་ཕྱོགས་བདག་གང་ན་བ་དེར་སོང་སྟེ་ཕྱིན་པ་དང་། རྒྱལ་པོ་ཕྱོགས་བདག་ལ་འདི་སྐད་ཅེས་སྨྲས་སོ། །ལྷ་ཅིའི་སླད་དུ་བྲམ་ཟེ་གནག་ལྷས་སྐྱེས་
D1.002.0266a03.01གུམ་པས་ཤིན་དུ་སྡུག་བསྔལ་ཞིང་ཐུགས་ལ་གཅགས་པར་གྱུར་ཏེ་སྡུག་བསྔལ་ཞིང་ཐུགས་ལ་གཅགས་པའི་ཚོར་བ་ཉམས་སུ་མྱོང་བར་མཛད། གཞོན་ནུ་ཁོ་བོ་གང་གི་ཚེ་རྩེ་བར་འདོད་པའམ། དགའ་བར་འདོད་པའམ། དགའ་མགུར་སྤྱོད་འདོད་པར་གྱུར་
D1.002.0266a04.01པ་དེའི་ཚེ་ཁོ་བོའི་དགོས་པ་ཐམས་ཅད་དང་ལས་སུ་བྱ་བ་ཐམས་ཅད་བྲམ་ཟེ་གནག་ལྷས་སྐྱེས་ལ་སླར་བཏང་ནས་སྟེང་གི་ཁང་{བཟངས་ཀྱི་,བཟང་གི་}གཞི་ན་སྐྱེས་པ་མེད་པར་སོང་ནས་རོལ་མོ་རྣམས་ཀྱིས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །
D1.002.0266a05.01ད་ནི་ཁོ་བོ་འདི་སྙམ་དུ་སེམས་ཏེ། ཀྱི་ཧུད་བྲམ་ཟེ་གནག་ལྷས་སྐྱེས་ཤི་བས་བདག་ཆེ་ཐང་དུ་དམས་པར་གྱུར་ཏོ། །ཀྱི་ཧུད་བྲམ་ཟེ་གནག་ལྷས་སྐྱེས་ཤི་བས་བདག་ཤིན་ཏུ་ཆེ་ཐང་དུ་དམས་པར་གྱུར་ཏོ་སྙམ་མོ། །ལྷ་བྲམ་ཟེ་གནག་ལྷས་སྐྱེས་གུམ་པས་ཤིན་ཏུ་
D1.002.0266a06.01སྡུག་བསྔལ་ཞིང་ཐུགས་མི་དགྱེས་པར་གྱུར་ཏེ། སྡུག་བསྔལ་ཞིང་ཐུགས་མི་དགྱེས་པའི་ཚོར་བ་ཉམས་སུ་མྱོང་བར་མ་མཛད་ཅིག །དེ་ཅིའི་སླད་དུ་ཞེ་ན། ལྷ་བྲམ་ཟེ་གནག་ལྷས་སྐྱེས་ཀྱི་བུ་བྲམ་ཟེའི་ཁྱེའུ་མེ་གསོ་ཞེས་བགྱི་བ་མཁས་པ་གསལ་བ།
D1.002.0266a07.01