完整藏文原文 · 德格版页 当前仅加载第 2 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
རྗེ་ཚུར་བཞོན་པ་བཟང་པོ་མྱུར་དུ་སྡོགས་ཤིག །དེ་ལ་ང་ཞོན་ནས་དེང་ཁོ་ན་ཤེས་ལྡན་ཡུལ་འཁོར་སྐྱོང་བལྟ་བའི་ཕྱིར་འགྲོའོ། །ལྷ་བཀའ་བཞིན་འཚལ་ཞེས་མི་དེས་རྒྱལ་པོ་ཀཽ་རབ་བྱའི་ལྟར་མཉན་ནས་བཞོན་པ་བཟང་པོ་མྱུར་དུ་བསྡོགས་ཏེ། རྒྱལ་པོ་ཀཽ་རབ་བྱ་གང་ན་བ་དེར་སོང་
D1.002.0106b01.01ནས་ཕྱིན་པ་དང་། རྒྱལ་པོ་ཀཽ་རབ་བྱ་ལ་འདི་སྐད་ཅེས་སྨྲས་སོ། །ལྷ་བཅིབས་པ་བཟང་པོ་བསྡོགས་ལགས་ཏེ། ལྷ་ད་དེའི་དུས་ལ་བབ་པར་དགོངས་སུ་གསོལ། དེ་ནས་རྒྱལ་པོ་ཀཽ་རབ་བྱ་བཞོན་པ་བཟང་པོ་ལ་ཞོན་ནས་བང་མཛོད་སྟུག་པོ་ཅན་ནས་བྱུང་སྟེ། ཚེ་དང་ལྡན་པ་ཡུལ་
D1.002.0106b02.01འཁོར་སྐྱོང་ལ་བལྟ་བ་དང་། བསྙེན་བཀུར་བྱ་བའི་ཕྱིར་སོང་ནས། དེ་ཇི་ཙམ་བཞོན་པའི་བར་དུ་བཞོན་པས་སོང་སྟེ། བཞོན་པ་ལས་བབས་ནས་རྐང་པ་ཁོ་ནས་ཀུན་དགའ་ར་བར་ཞུགས་སོ། །ཚེ་དང་ལྡན་པ་ཡུལ་འཁོར་སྐྱོང་གིས་རྒྱལ་པོ་ཀཽ་རབ་བྱ་རྒྱང་རིང་པོ་ཁོ་ན་ནས་འོངས་པ་
D1.002.0106b03.01མཐོང་ངོ་། །མཐོང་ནས་ཀྱང་འདི་སྐད་ཅེས་སྨྲས་སོ། །རྒྱལ་པོ་ཆེན་པོ། རྒྱལ་པོ་ཆེན་པོ་བྱོན་པ་ལེགས་སོ་ཚུར་སྤྱོན། རྒྱལ་པོ་ཆེན་པོ་ཁྱོད་ཉིད་ཀྱི་ཡུལ་ལགས་པས་བཞེད་ན་བདག་ཀྱང་སྟན་ལ་གཡར་དྲོངས་ཤིག །ཀྱེ་ཡུལ་འཁོར་སྐྱོང་བདག་གི་ཡུལ་ལགས་མོད་ཀྱི། འོན་ཀྱང་
D1.002.0106b04.01ཡུལ་འཁོར་སྐྱོང་གིས་བདག་སྟན་ལ་གཡར་དྲང་བར་འཚལ་ལོ། །རྒྱལ་པོ་ཆེན་པོ་གདན་མཆིས་ཀྱིས་གལ་ཏེ་བཞེད་ན་བཞུགས་ཤིག །དེ་ནས་རྒྱལ་པོ་ཀཽ་རབ་བྱ་ཚེ་དང་ལྡན་པ་ཡུལ་འཁོར་སྐྱོང་དང་ལྷན་ཅིག་མངོན་དུ་ཡང་དག་པར་དགའ་བར་འགྱུར་བ་དང་། མགུ་བར་འགྱུར་བའི་གཏམ་
D1.002.0106b05.01རྣམ་པ་སྣ་ཚོགས་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་རྒྱལ་པོ་ཀཽ་རབ་བྱས་ཚེ་དང་ལྡན་པ་ཡུལ་འཁོར་སྐྱོང་ལ་འདི་སྐད་ཅེས་སྨྲས་སོ། །ཤེས་ལྡན་ཡུལ་འཁོར་སྐྱོང་གལ་ཏེ་རིགས་དམན་པའམ། ལོངས་སྤྱོད་རྣམས་ཡོངས་སུ་ཟད་པའམ། གཏུགས་
D1.002.0106b06.01པར་གྱུར་ན་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བ་ཡོད་ན། བདག་ཅག་རིགས་ནི་ཀཽ་རབ་བྱ་ཡིན་ལ། ལོངས་སྤྱོད་ནི་རྒྱ་ཆེ་བ་ཡིན་གྱིས། འདི་ལྟར་ཁོ་བོས་ཤེས་ལྡན་ཡུལ་འཁོར་སྐྱོང་ལ་ལོངས་སྤྱོད་ཀྱི་སྐལ་
D1.002.0106b07.01