完整藏文原文 · 德格版页 当前仅加载第 2 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱོང་གིས་སྔོན་གྱི་ཆུང་མ་ལ་སྲིང་མོ་ཞེས་ཚིག་ཏུ་སྨྲས་པས་བརྒྱལ་ནས་ས་ལ་འགྱེལ་ཏོ། །དེ་ནས་ཚེ་དང་ལྡན་པ་ཡུལ་འཁོར་སྐྱོང་གིས་ཕ་དང་མ་ལ་སྨྲས་པ། དེ་ཡབ་ཡུམ་གལ་ཏེ་ཁ་ཟས་བཏང་བ་ལགས་ན་ཅི་མི་སྩལ་ཏམ། བཏང་སྙོམས་སུ་བཞག་སྟེ་ཅི་མཐོ་
D1.002.0105b01.01འཚམ་ལགས་སམ། བུ་ཡུལ་འཁོར་སྐྱོང་ལོངས་སྤྱོད་ཅིག །ཅེས་དེ་ནས་ཚེ་དང་ལྡན་པ་ཡུལ་འཁོར་སྐྱོང་གི་ཕ་དང་མས་ཚེ་དང་ལྡན་པ་ཡུལ་འཁོར་སྐྱོང་ལ་གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་སྟོབས་ཤིང་ཚིམ་པར་བྱེད་དེ། རྣམ་གྲངས་དུ་མར་གཙང་
D1.002.0105b02.01ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་བསྟབས་ཤིང་ཚིམ་པར་བྱས་སོ། །ཚེ་དང་ལྡན་པ་ཡུལ་འཁོར་སྐྱོང་གིས་ཟོས་ནས་ལག་པ་བཀྲུས་ཏེ་ལྷུང་བཟེད་གྱུ་བར་རིག་ནས་སྟན་ཆེས་དམའ་བ་ཞིག་བླངས་ཏེ་ཆོས་མཉན་པའི་ཕྱིར་འཁོད་དོ། །དེ་ནས་ཚེ་དང་ལྡན་པ་ཡུལ་
D1.002.0105b03.01འཁོར་སྐྱོང་གིས་དེའི་ཚེ་ཚིགས་སུ་བཅད་དེ་སྨྲས་པ། ལྟོས་ཤིག་ལུས་ནི་ནོར་བུ་དང་། །རྣ་རྒྱན་གྱིས་ནི་བཀྲ་བྱས་པའང་། །ནད་དང་སླུ་བའི་ཆོས་ཅན་ཏེ། །བརྟན་པར་གནས་པ་ཡོད་མ་ཡིན། །སྐྲ་ཡི་ལན་བུ་བརྒྱད་ལྷས་ཤིང་། །མིག་ནི་མིག་སྨན་གྱིས་བསྐུས་པའང་། །
D1.002.0105b04.01བྱིས་པ་རྨོངས་པར་བྱེད་ནུས་ཀྱི། །ཕ་རོལ་ཚོལ་བ་མ་ཡིན་ནོ། །དྲི་རྣམས་ཀྱིས་ནི་ལུས་བསྐུས་ལ། །རྐང་པ་བཙག་གིས་བྱུགས་པ་ཡང་། །བྱིས་པ་རྨོངས་པར་བྱེད་ནུས་ཀྱི། །ཕ་རོལ་ཚོལ་བ་མ་ཡིན་ནོ། །མིག་སྨན་གསེར་གྱིས་བཀྲ་བྱས་ཤིང་། །དུལ་བའི་ལུས་ནི་
D1.002.0105b05.01བརྒྱན་པ་ཡང་། །བྱིས་པ་རྨོངས་པར་བྱེད་ནུས་ཀྱི། །ཕ་རོལ་ཚོལ་བ་མ་ཡིན་ནོ། །{རི་དགས་,རི་དྭགས་}འཆོར་བས་རྙི་བཙུགས་ནས། །{རི་དགས་,རི་དྭགས་}གཟུང་བར་མ་ནུས་ལྟར། །རྔོན་པ་འོ་དོད་འབོད་བཅུག་ལ། །ཟོས་ནས་གནས་སུ་འགྲོ་བར་བྱ། །དེ་ནས་ཚེ་དང་ལྡན་པ་ཡུལ་འཁོར་
D1.002.0105b06.01སྐྱོང་གིས་ཕ་དང་མ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་དེ་ཉིད་ནས་སྟེང་གི་ནམ་མཁའ་ལ་སོང་ངོ་། །དེ་ནས་ཚེ་དང་ལྡན་པ་ཡུལ་འཁོར་སྐྱོང་
D1.002.0105b07.01