完整藏文原文 · 德格版页 当前仅加载第 2 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། སེང་གེའི་ཁྲི་ལ་འདུག་ན་མི་གཡོ་བར་འདུག་པ་དང་། དབུ་རྒྱན་མགོ་ལ་ཐོགས་ན་མི་གཡོ་བར་འདུག་པ་དང་། བཙུན་མོའི་འཁོར་ཞེས་བྱེད་པ་དང་། ཤེས་རབ་ཀྱིས་སོ་སོར་བརྟག་པར་བྱ་བ་དྲུག་པོ་ནང་གི་གཏེར་དང་། ཕྱིའི་གཏེར་དང་། ཕྱི་ནང་གི་
D1.002.0198b01.01གཏེར་དང་། ཤིང་གི་རྩེ་མོའི་གཏེར་དང་། རིའི་རྩེ་མོའི་གཏེར་དང་། ཆུ་འགྲམ་གྱི་གཏེར་ཏེ། སུ་འདི་དག་ཐམས་ཅད་དང་ལྡན་པར་གྱུར་པ་དེ་ང་འདས་ནས་ཁྱོད་ཅག་གིས་ཆུག་ཤིག་ཅེས་སྨྲས་ནས། བསགས་པ་ཀུན་གྱི་མཐའ་ཟད་ཅིང་། །མཐོན་པོའི་མཐའ་ནི་ལྟུང་
D1.002.0198b02.01བར་འགྱུར། །ཞེས་བྱ་བ་ཡིན་པས་ཤིའོ། །བློན་པོ་དེ་རྣམས་ཀྱིས་གཞོན་ནུ་ཕུ་བོ་ཤོས་ལ་ནོར་བུའི་ལྷམ་ཟུང་དུ་བསྐོན་ན་ཇི་ལྟར་ཡང་དེ་དང་མི་འཚམ་མོ། །སེང་གེའི་ཁྲི་ལ་བཞག་ན་གཡོས་སོ། །དབུ་རྒྱན་བཏགས་ན་རབ་ཏུ་གཡོས་སོ། །བཙུན་མོའི་འཁོར་གྱིས་
D1.002.0198b03.01ཀྱང་ཞེས་མ་བྱས་སོ། །ཤེས་རབ་ཀྱིས་སོ་སོར་བརྟག་པར་བྱ་བ་དྲུག་སྨྲས་ན་མ་ཤེས་ཏེ། ནུ་བོ་ཕྱི་མ་རྣམས་ཀྱང་དེ་བཞིན་ནོ། །གཞོན་ནུ་མེ་ལོང་གདོང་ལ་ནོར་བུའི་ལྷམ་ཟུང་དུ་བསྐོན་ན་ཤིན་ཏུ་འཚམ་པར་འདུག་གོ། །སེང་གེའི་ཁྲི་ལ་འདུག་ན་མི་གཡོ་བར་འདུག་གོ། །
D1.002.0198b04.01དབུ་རྒྱན་ཐོགས་ན་སྤྱི་གཙུག་རྒྱས་པར་འདུག་གོ། །བཙུན་མོའི་འཁོར་གྱིས་ཀྱང་ཞེས་བྱས་པ་དང་། བློན་པོ་རྣམས་ཀྱིས་སྨྲས་པ། ད་དུང་ཤེས་རབ་ཀྱིས་སོ་སོར་བརྟག་པར་བྱ་བ་དྲུག་པོ་ནང་གི་གཏེར་དང་། ཕྱིའི་གཏེར་དང་། ཕྱི་ནང་གི་གཏེར་དང་། ཤིང་གི་རྩེ་མོའི་
D1.002.0198b05.01གཏེར་དང་། རིའི་རྩེ་མོའི་གཏེར་དང་། ཆུ་འགྲམ་གྱི་གཏེར་ཤེས་པར་བྱ་དགོས་སོ། །མེ་ལོང་གདོང་གིས་བསམས་པ། ནང་གི་གཏེར་ཞེས་བྱ་བ་ནང་གི་གཏེར་ཅི་ཞེ་ན། ཐེམ་པའི་ནང་རོལ་ན་ཡོད་པའི་གཏེར་ཡིན་ནོ། །ཕྱིའི་གཏེར་ཞེས་བྱ་བ་ཕྱིའི་གཏེར་ཅི་ཞེ་ན།
D1.002.0198b06.01ཕྱིའི་གཏེར་ཞེས་བྱ་བ་ནི་ཐེམ་པའི་ཕྱི་རོལ་ན་ཡོད་པའི་གཏེར་ཡིན་ནོ། །ཕྱི་ནང་གི་གཏེར་ཞེས་བྱ་བ་ཅི་ཡིན་ཞེ་ན། ཐེམ་པའི་འོག་ན་ཡོད་པའི་གཏེར་ཡིན་ནོ། །ཤིང་གི་རྩེ་མོའི་གཏེར་ཞེས་བྱ་བ་ཤིང་གི་རྩེ་མོའི་གཏེར་ཅི་ཞེ་ན། རྒྱལ་པོ་དེ་བཞུགས་པའི་ཤིང་དེའི་
D1.002.0198b07.01