完整藏文原文 · 德格版页 当前仅加载第 2 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱིས། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་སྲོག་དང་ཡང་བསྔོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་
D1.002.0058b01.01ལ་བཀའ་སྩལ་པ། ཀུན་དགའ་བོ་ང་བྱང་ཆུབ་སེམས་དཔར་གྱུར་པ་ན་ཕྱོགས་འདི་ཉིད་དུ་དྲང་སྲོང་ངན་སྤོང་གི་བུས་གདན་དང་རྩ་བ་དང་འབྲས་བུ་ལ་སྤྱན་དྲངས་སོ། །ཕྱོགས་གཞན་ཞིག་ཏུ་ཡང་བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ང་བྱང་ཆུབ་སེམས་དཔར་གྱུར་
D1.002.0058b02.01པ་ན་རྒ་བ་ལ་སོགས་པས་ཡིད་བྱུང་སྟེ། ཕྱོགས་འདི་ཉིད་དུ་ལྷའི་དབང་པོ་བརྒྱ་བྱིན་རྔོན་པའི་ཆ་བྱད་དུ་བྱས་པ་ལ་ཀ་ཤི་ཀའི་རས་ཕྲན་བྱིན་ནས་གོས་ངུར་སྨྲིག་བླངས་པ་ཡིན་ཏེ། བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་ངུར་སྨྲིག་བླངས་པ་ཞེས་བྱ་བའི་མཆོད་རྟེན་བརྩིགས་ཏེ།
D1.002.0058b03.01ད་དུང་དུ་ཡང་དགེ་སློང་མཆོད་རྟེན་ལ་ཕྱག་འཚལ་བ་དག་ཕྱག་བྱེད་དོ། །ལྷའི་དབང་པོ་བརྒྱ་བྱིན་གྱིས་ཀྱང་ཀ་ཤི་ཀའི་རས་ཕྲན་སུམ་བཅུ་རྩ་གསུམ་པའི་ལྷའི་ནང་དུ་ཁྱེར་ཏེ་བཞག་ནས་ཀ་ཤི་ཀའི་དུས་མཆོད་ཆེན་པོ་བཙུགས་ཏེ། ད་དུང་དུ་ཡང་དེ་ལ་སུམ་བཅུ་རྩ་གསུམ་པའི་ལྷ་
D1.002.0058b04.01དག་བྱ་བ་བྱེད་དོ། །ཕྱོགས་གཞན་ཞིག་ཏུ་ཡང་བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ང་བྱང་ཆུབ་སེམས་དཔར་གྱུར་པ་ན་ཕྱོགས་འདིར་རལ་གྲི་ཨུཏྤ་ལ་སྔོན་པོ་འདྲ་བས་དབུ་སྐྲ་བྲེགས་ནས་སྟེང་གི་ནམ་མཁའ་ལ་འཕངས་པ་ཡིན་ཏེ། བྲམ་ཟེ་དང་ཁྱིམ་བདག་དད་པ་
D1.002.0058b05.01ཅན་རྣམས་ཀྱིས་དབུ་སྐྲ་བླངས་པ་ཞེས་བྱ་བའི་མཆོད་རྟེན་བརྩིགས་ཏེ། ད་དུང་དུ་ཡང་དགེ་སློང་མཆོད་རྟེན་ལ་ཕྱག་འཚལ་བ་དག་ཕྱག་བྱེད་དོ། །ལྷའི་དབང་པོ་བརྒྱ་བྱིན་གྱིས་ཀྱང་དབུ་སྐྲ་སུམ་བཅུ་རྩ་གསུམ་པའི་ལྷའི་ནང་དུ་ཁྱེར་ཏེ་བཞག་ནས་གཙུག་ཕུད་ཀྱི་དུས་མཆོད་ཆེན་པོ་
D1.002.0058b06.01བཙུགས་ཏེ། ད་དུང་དུ་ཡང་དེ་ལ་སུམ་བཅུ་རྩ་གསུམ་པའི་ལྷ་རྣམས་བྱ་བ་བྱེད་དོ། །ཕྱོགས་གཞན་ཞིག་ཏུ་ཡང་བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཕྱོགས་འདིར་རྟའི་རྒྱལ་པོ་བསྔགས་ལྡན་འདུན་པས་བཀྲི་ནས་སླར་བཏང་བ་ཡིན་ཏེ། བྲམ་ཟེ་དང་
D1.002.0058b07.01