完整藏文原文 · 德格版页 当前仅加载第 2 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར་ཏེ། དེའི་མིང་གར་མཁན་དཔའ་བོ་ཞེས་བྱ་བར་འགྱུར་ཞིང་ལྷག་མཐོང་དང་ཞི་གནས་ཀྱི་རྗེས་སུ་མཐུན་པའི་གནས་མལ་རྣམས་ཀྱི་མཆོག་ཏུ་འགྱུར་རོ། །ཀུན་དགའ་བོ་བཅོམ་བརླག་འདིར་སྤོས་འཚོང་གི་ཁྱེའུ་སྦས་པ་ཞེས་བྱ་བ་འབྱུང་བར་
D1.002.0123a01.01འགྱུར་ཏེ། དེའི་བུ་ཉེ་སྦས་ཞེས་བྱ་བ་སངས་རྒྱས་ཀྱི་མཚན་མེད་པ་ཞིག་འབྱུང་བ་དེ་ང་ཡོངས་སུ་མྱ་ངན་ལས་འདས་ནས་ལོ་བརྒྱ་ལོན་པ་དང་བསྟན་པ་ལ་རབ་ཏུ་བྱུང་ནས་སངས་རྒྱས་ཀྱི་བྱ་བ་བྱེད་པར་འགྱུར་རོ། །དགེ་སློང་ཀུན་དགའ་བོའི་ལྷན་ཅིག་གནས་པ་ཉི་མའི་གུང་ཞེས་བྱ་བས་ཉེ་
D1.002.0123a02.01སྦས་དེ་རབ་ཏུ་འབྱིན་པར་འགྱུར་ཏེ། གདམས་ངག་སྟོན་པ་རྣམས་ཀྱི་ཕྱི་མ་ནི་ཉེ་སྦས་ཡིན་པར་འགྱུར་རོ། །གར་མཁན་དཔའ་བོ་དེ་ལ་ཕུག་སྲིད་དུ་ཁྲུ་{བཅྭ་,བཅོ་}བརྒྱད་པ། ཞེང་དུ་ཁྲུ་བཅུ་གཉིས་པ། འཕང་དུ་ཁྲུ་བདུན་པ་ཞིག་ཡོད་པར་འགྱུར་ཏེ། དེས་གང་དང་གང་དག་ལ་གདམས་ངག་
D1.002.0123a03.01བསྟན་ནས་དགྲ་བཅོམ་པ་མངོན་སུམ་དུ་བྱས་པ་དེ་དང་དེ་རྣམས་ཀྱིས་ཐུར་མ་སོར་བཞི་ཙམ་པ་རེ་རེ་ཕུག་དེའི་ནང་དུ་འདོར་བར་འགྱུར་རོ། །གང་གི་ཚེ་ཕུག་དེ་དགྲ་བཅོམ་པའི་ཐུར་མས་གང་བར་གྱུར་པ་དེའི་ཚེ་ཉེ་སྦས་ཡོངས་སུ་མྱ་ངན་ལས་འདའ་བར་འགྱུར་ཏེ། དེ་ཡོངས་སུ་མྱ་ངན་
D1.002.0123a04.01ལས་འདས་ནས་དགྲ་བཅོམ་པའི་ཐུར་མ་དེ་དག་ཉིད་སྤུངས་ནས་དེ་རྣམས་ཀྱིས་སྲེག་པར་བྱེད་དོ། །དགེ་སློང་རྣམས་ཐེ་ཙོམ་སྐྱེས་ནས་ཐེ་ཙོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་མ་འོངས་པ་ན་སྐྱེ་བོ་མང་པོ་ལ་སྙིང་བརྩེ་བ་དང་
D1.002.0123a05.01ཚེ་དང་ལྡན་པ་ཉེ་སྦས་ལུང་བསྟན་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེའི་ཚེར་མ་ཟད་ཇི་ལྟར་འདི་འདས་པའི་དུས་ན་སྐྱེ་བོ་མང་པོ་ལ་ཕན་པའི་ཕྱིར་ཞུགས་པ་དེ་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །དགེ་སློང་དག་སྔོན་བྱུང་
D1.002.0123a06.01བ་རི་བོ་རྩེ་མཐོན་འདི་ཉིད་ཀྱི་ངོས་གསུམ་ལ་རང་སངས་རྒྱས་དང་དྲང་སྲོང་དང་། སྤྲེའུ་རྣམས་གནས་ཏེ། ངོས་གཅིག་ན་ནི་རང་སངས་རྒྱས་ལྔ་བརྒྱའོ། །གཉིས་པ་ལ་ནི་དྲང་སྲོང་ལྔ་བརྒྱའོ། །གསུམ་པ་ལ་ནི་སྤྲེའུ་ལྔ་བརྒྱའོ། །སྤྲེའུའི་སྡེ་དཔོན་གྱི་ཀུན་དུ་སྤྱོད་པ་ནི་སྤྲེའུའི་ཕྲུ་
D1.002.0123a07.01