完整藏文原文 · 德格版页 当前仅加载第 2 函德格 165a 版页；藏文 NFD、目录标记与异常页序保留在来源切片中，重复版页行以稳定序号区分。
བགྱིད། བཅོམ་ལྡན་འདས་ཀྱིས་ཀྱང་། བསོད་ནམས་དག་ནི་བྱ་དགོས་ཏེ། །བསོད་ནམས་མ་བྱས་སྡུག་བསྔལ་འགྱུར། །བསོད་ནམས་དག་ནི་བྱས་པ་ཡིས། །འཇིག་རྟེན་འདི་དང་ཕ་རོལ་དགའ། །ཞེས་མ་གསུངས་སམ། དེ་ཕྱིན་ཆད་ཚེ་དང་ལྡན་པ་
D1.002.0165a01.01འོད་སྲུང་ཆེན་པོ་བསམས་ནས་ཁྱིམ་རྣམས་སུ་བསོད་སྙོམས་ལ་འགྲོ་བར་བརྩམས་སོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་ནམ་མཁའ་ལ་འདུག་བཞིན་དུ་ལྷའི་ཞལ་ཟས་ཀྱིས་ཚེ་དང་ལྡན་པ་འོད་སྲུང་གི་ལྷུང་བཟེད་འགེངས་པ་དང་། ཚེ་དང་ལྡན་པ་འོད་སྲུང་ཆེན་པོས་ལྷུང་བཟེད་ཁས་
D1.002.0165a02.01བུབ་པས་བཟའ་བ་དང་བཏུང་བ་བོར་བར་གྱུར་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་རྗེས་སུ་གནང་གིས་ལྷུང་བཟེད་ཀྱི་ཁ་གཡོགས་བཅང་བར་བྱའོ། །གྲོང་ཕྱི་ཉུག་མ་ཆེ་གེ་མོ་ཞེས་བྱ་བས་
D1.002.0165a03.01འཕགས་པ་འོད་སྲུང་ཆེན་པོ་ལ་འབྲས་ཁུ་གསོལ་ནས་དེ་དགའ་ལྡན་གྱི་ལྷ་རྣམས་ཀྱི་རིས་སུ་སྐྱེས་སོ་ཞེས་ཀུན་དུ་སྒྲ་གྲགས་སོ། །ཀོ་ས་ལའི་རྒྱལ་པོ་གསལ་རྒྱལ་གྱིས་གྲོང་ཕྱི་ཉུག་མ་ཆེ་གེ་མོ་ཞེས་བྱ་བས་འཕགས་པ་འོད་སྲུང་ཆེན་པོ་ལ་འབྲས་ཁུ་གསོལ་ནས་དགའ་ལྡན་གྱི་
D1.002.0165a04.01ལྷའི་རིས་སུ་སྐྱེས་སོ་ཞེས་ཐོས་སོ། །ཐོས་ནས་ཀྱང་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་པ་དང་། བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་
D1.002.0165a05.01གསལ་རྒྱལ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད་ཅེས་བྱ་བ་ནས། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ་ཞེས་བྱ་བའི་བར་གོང་མ་བཞིན་ནོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་སྟན་ལས་
D1.002.0165a06.01ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འཕགས་པ་འོད་སྲུང་ཆེན་པོའི་སླད་དུ་དགུང་བདུན་དུ་བདག་
D1.002.0165a07.01