完整藏文原文 · 德格版页 当前仅加载第 2 函德格 294a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་ཚེ་དང་ལྡན་པ་གནས་བརྟན་གནས་བརྟན་ཞེས་བྱ་བས་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། སྔོན་གྱི་ཚེ་རབས་གཞན་རྣམས་སུ། །བདག་ནི་ལྷམ་མཁན་གྱུར་པ་ན། །མུ་གེ་བྱུང་ནས་དེ་ནས་བདག །ཀོ་བའི་རས་མ་རྣམས་འཚེད་དོ། །བཟའ་
D1.002.0294a01.01བར་བྱ་བ་ཁོ་ནའི་ཕྱིར། །ཀོ་བའི་རས་མ་འཚེད་པ་ལས། །དགེ་སྦྱོང་གཞན་ཞིག་ཟས་ཀྱི་ཕྱིར། །བསོད་སྙོམས་ལ་ནི་བྱོན་པ་དང་། །དེ་ལ་བདག་གིས་སེམས་དད་པས། །ཀོ་རས་ཀྱི་ནི་ཐུག་པ་བྱིན། །དགེ་སྦྱོང་དེས་ནི་ལོངས་སྤྱད་ནས། །དེ་ནས་ནམ་མཁར་འཕགས་པར་གྱུར། །
D1.002.0294a02.01བདག་ནི་རབ་ཏུ་དགའ་གྱུར་ནས། །ཐལ་མོ་ལེགས་པར་སྦྱར་བྱས་ཏེ། །དེ་ནས་གང་དང་གང་དུ་ནི། །སོང་བ་ཀུན་དུ་འབྲེང་བྱས་སོ། །དགའ་བ་རྒྱ་ཆེན་ཐོབ་ནས་ཀྱང་། །དེ་ཚེ་སྨོན་ལམ་བཏབ་པ་ནི། །གནས་བརྟན་འདི་ལྟ་བུ་དང་བདག །ལྷན་ཅིག་འདུག་པར་གྱུར་པར་
D1.002.0294a03.01ཤོག །དགེ་སློང་འདི་ཡི་ལས་ཀྱིས་ནི། །དྲི་མེད་ཆོས་ནི་གང་རེག་པ། །བདག་གིས་ཆོས་དེ་རིག་གྱུར་ཅེས། །དེ་ཚེ་སྨོན་ལམ་བཏབ་པར་གྱུར། །ཁ་དོག་ལྡན་པ་མ་ཡིན་ཞིང་། །དྲི་ནི་སྨད་པར་གྱུར་པ་དང་། །རོ་དང་ལྡན་པ་མ་ཡིན་པའི། །སྦྱིན་པ་བདག་གིས་དེ་
D1.002.0294a04.01ཚེ་བཏང་། །དགེ་བ་ཆུང་ངུ་བྱས་པས་ཀྱང་། །བདེ་བ་མང་པོ་མྱོང་བར་གྱུར། །བསོད་ནམས་བྱས་པས་མཛེས་པ་ཡི། །ལྷ་དང་མི་ནི་རྣམས་སུ་གྱུར། །བདག་ནི་སྐྱེ་བ་ཐ་མ་ནི། །མིའི་སྲིད་ཐོབ་པ་འདི་ཡིན་ཏེ། །རྫོགས་སངས་བླ་ན་མེད་པ་ཡི། །དེད་དཔོན་འདི་ནི་མཉེས་པར་
D1.002.0294a05.01བྱས། །བདག་གིས་སྨོན་ལམ་གང་བཏབ་པའི། །བྱང་ཆུབ་དམ་པ་འདི་རེག་སྟེ། །བདག་གིས་ད་ལྟར་བསིལ་གྱུར་པའི། །མྱ་ངན་འདས་པ་ལེགས་པར་ཐོབ། །དེ་ནས་གནས་བརྟན་ཆེན་པོ་ནི། །གནས་བརྟན་ཞེས་བྱ་མཐུ་ཆེན་གྱིས། །མ་དྲོས་པ་ཡི་མཚོ་ཆེན་དུ། །རང་གི་
D1.002.0294a06.01ལས་ནི་ལུང་བསྟན་ཏོ། །གནས་བརྟན་གནས་བརྟན་ཞེས་བྱ་བའི་ལེའུ་སྟེ་བཅུ་བཞི་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས་ཚེ་དང་ལྡན་པ་ལྟེང་རྒྱས་འོད་སྲུང་ལ་སོགས་པ་གནས་བརྟན་གསུམ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག་གནས་
D1.002.0294a07.01