完整藏文原文 · 德格版页 当前仅加载第 2 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་དེ་རྣམས་ལ་སྙིང་བརྩེ་བ་ཆེན་པོ་སྐྱེས་སོ། །དེ་ནས་བྱང་ཆུབ་སེམས་དཔའ་འདི་སྙམ་དུ་སེམས་སོ། །བདག་གིས་སེམས་ཅན་སྡུག་བསྔལ་བར་གྱུར་པ་འདི་རྣམས་ཀྱི་དོན་ལ་བརྩོན་པར་མ་བྱས་ན་བདག་གསོན་ཏེ་ཡང་ཅི་རུང་། བདག་གིས་སེམས་ཅན་རྣམས་
D1.002.0258a01.01འཁོར་བ་ལས་ཇི་ལྟར་བསྒྲལ་བར་བྱ་སྙམ་དུ་བསམས་ནས། བྱང་ཆུབ་སེམས་དཔའི་འདབ་མ་ཆུས་གཤེར་བར་བྱས་ནས་མེའི་ཕུང་པོའི་སྟེང་གི་ནམ་མཁའ་ལ་འདུག་ནས་འདབ་མ་སྤྲུག་ཅིང་ཚིགས་སུ་བཅད་དེ་སྨྲས་པ། འདི་དག་འདབ་མ་ཡོད་མོད་ཀྱི། །འདི་དག་འཕུར་
D1.002.0258a02.01བར་མི་ནུས་སོ། །འདི་དག་རྐང་པ་ཡོད་མོད་ཀྱི། །འདི་དག་འགྲོ་བར་མི་ནུས་སོ། །འདི་དག་ཕ་མ་འཕུར་ཏེ་དོང་། །མེ་ནི་མ་གཡོ་བར་འདུག་ཤིག །བྱམས་པ་ཤིན་ཏུ་བསྒོམས་པ་ཡི། །བདེན་པའི་ཚིག་ནི་གང་ཡིན་པ། །བདེན་པའི་ཚིག་ནི་དེ་ཡིས་སུ། །
D1.002.0258a03.01མེ་ནི་མ་གཡོ་བར་འདུག་ཤིག །ལྷ་རྣམས་ཀྱི་དབང་པོ་བརྒྱ་བྱིན་གྱིས་བྱང་ཆུབ་སེམས་དཔའ་སེམས་ཅན་ལ་ཕན་པར་བྱེད་པ་དེ་མཐོང་ངོ་། །མཐོང་ནས་ཀྱང་མི་དགའ་བར་གྱུར་ཏེ། འདིས་བདག་ཉིད་ཡོངས་སུ་བཏང་བས་དེ་རྣམས་ལ་ཕན་པ་ཅི་ཞིག་ནུས། གཞན་
D1.002.0258a04.01ཡང་བསྐལ་པ་བཟང་པོའི་བྱང་ཆུབ་སེམས་དཔའ་འདི་སེམས་ཅན་རྣམས་ལ་ཕན་པ་བྱེད་པ་ལ་སྐྱོ་བར་འགྱུར་གྱིས། མ་ལ་བདག་གིས་འདིའི་གྲོགས་བྱའོ་སྙམ་ནས། ལྷ་རྣམས་ཀྱི་དབང་པོ་བརྒྱ་བྱིན་གྱིས་ཆར་ཆེན་པོ་རབ་ཏུ་ཕབ་པས་མེ་དེ་རབ་ཏུ་ཞི་བར་གྱུར་ཏེ། དེས་ན་སེམས་
D1.002.0258a05.01ཅན་དེ་ཐམས་ཅད་མེའི་འཇིགས་པ་ལས་ཐར་བར་གྱུར་ཏོ། །རྒྱལ་པོ་ཆེན་པོ་ཇི་སྙམ་དུ་སེམས། དེའི་ཚེ་དེའི་དུས་ཀྱི་སྲེག་པ་གང་ཡིན་པ་དེ་ནི་ང་ཉིད་བྱང་ཆུབ་སེམས་དཔའི་སྤྱད་པ་སྤྱོད་པ་དེ་ཡིན་ནོ། །རྒྱལ་པོ་ཆེན་པོ་དེས་ན་ངའི་བྱང་ཆུབ་སེམས་དཔའི་སྤྱོད་པས་སེམས་ཅན་ལ་
D1.002.0258a06.01ཕན་པ་བྱས་པ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ་སྙམ་ན་ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང་། རྐྱེན་ཙམ་དང་། ཚོགས་ཙམ་ཡིན་ནོ། །རྒྱལ་པོ་ཆེན་པོ་གཞན་
D1.002.0258a07.01