完整藏文原文 · 德格版页 当前仅加载第 2 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་སུ་ཞུགས་ཏེ་མི་དགའ་བཞིན་བལྟས་ན་བུ་གཉིས་མ་མཐོང་ནས། དེ་ནས་རྨོངས་ཤིང་སྙིང་འདར་ནས་བསྟི་གནས་ཀྱི་གཞི་དེའི་རྗེས་བཞིན་དུ་སེམས་ཏེ། ཕྱོགས་འདི་ན་ནི་གཞོན་ནུ་ནག་པོ་སྲིང་མོ་དང་ལྷན་ཅིག་{རི་དགས་,རི་དྭགས་}ཀྱི་ཕྲུ་གུ་དང་རྟག་ཏུ་རྩེ་རྩེ། འདི་ནི་དེ་གཉིས་
D1.002.0224b01.01ཀྱི་ས་རྡུལ་ལས་བྱས་པའི་ཁྱིམ་ཡིན། འདི་ནི་དེ་གཉིས་ཀྱི་རྩེད་མོའི་ཆ་སྤྱད་ཡིན་ན་དེ་གཉིས་མི་སྣང་ན། གལ་ཏེ་ཞིག་ན་བདག་གིས་མ་མཐོང་གི །ལོ་མའི་སྤྱིལ་བུར་ཞུགས་ནས་ཉལ་ལྟ་སྲིད་དམ་སྙམ་དུ་དེ་ལྟར་སྙིང་ལ་རེ་ཞིང་། བུ་མཐོང་བར་འདོད་པས་རྩ་བ་དང་འབྲས་
D1.002.0224b02.01བུ་ཕྱོགས་གཅིག་ཏུ་བཞག་ནས་མིག་མཆི་མས་གང་བཞིན་དུ་ཁྱིམ་ཐབ་ཀྱི་རྐང་པ་གཉིས་ལ་གཏུགས་ཏེ་སྨྲས་པ། རྗེའི་སྲས་ཁྱེའུ་དང་བུ་མོ་གཉིས་གང་དུ་མཆིས། ཐམས་ཅད་སྒྲོལ་གྱིས་སྨྲས་པ། ཁོ་བོའི་དྲུང་དུ་བྲམ་ཟེ་ཞིག །རེ་བས་ཡང་དག་འོངས་གྱུར་
D1.002.0224b03.01ནས། །བུས་པ་དེ་གཉིས་དེ་ལ་བྱིན། །དེ་དག་རྗེས་སུ་ཡི་རང་རིགས། །དེ་སྐད་ཅེས་སྨྲས་པ་དང་། རྒྱགས་སྦྱིན་མ་{རི་དགས་,རི་དྭགས་}མོ་མདའ་དུག་ཅན་གྱིས་ཕོག་པ་བཞིན་དུ་ས་ལ་སྒྱེལ་ནས་ཉ་ཆུའི་གནས་ནས་ཕྱུང་བ་བཞིན་དུ་ནི་འགྲེ་ལྡོག་པར་བྱེད། ཀྲུང་ཀྲུང་བུ་སྟོར་བ་
D1.002.0224b04.01བཞིན་དུ་ནི་སྙིང་རྗེ་རྗེ་སྐད་དུ་ངུ་། བ་བེའུ་ཤི་བ་བཞིན་དུ་ནི་འབའ་སྒྲ་སྣ་ཚོགས་འདོན་ཅིང་སྨྲས་པ། པད་མ་གཞོན་ནུ་ལྟ་བུའི་བྱད་བཞིན་ཅན། །ལག་པ་པད་མའི་འདབ་ལྟར་གཞོན་ཤ་ཅན། །བདག་གི་བུ་གཉིས་སྡུག་བསྔལ་མ་མྱོང་བ། །འགྲོ་བ་གང་དུ་སོང་
D1.002.0224b05.01ནས་སྡུག་བསྔལ་འགྱུར། །{རི་དགས་,རི་དྭགས་}བུ་ལྟར་དྲང་ཞིང་{རི་དགས་,རི་དྭགས་}མིག །{རི་དགས་,རི་དྭགས་}ལྷན་ཅིག་བསྟི་གནས་དགའ་དགའ་ན། །དེ་རིང་བདག་གི་བུ་གཉིས་ཇི་ལྟ་བུར། །གཞན་གྱི་དབང་གིས་དོང་ཞིང་སྡུག་བསྔལ་གྱུར། །མིག་ནི་མཆི་མས་གང་བའི་མིག་གིས་ནི། །སྙིང་
D1.002.0224b06.01རྗེས་ངུ་བ་ཤིན་ཏུ་སྡུག་བསྔལ་བ། །དེ་རིང་བདག་གིས་ལེགས་པར་མ་མཐོང་བས། །སྐྱེ་བོ་བཀྲེན་པའི་ནང་ན་སྡུག་པས་འཚོ། །དེ་གཉིས་བདག་གིས་པང་ནས་བསྐྱེད་བསྐྱེད་པ། །ཟས་སུ་རྩ་བ་མེ་ཏོག་འབྲས་བུ་ཟ། །བཟོད་དང་གནམ་པས་བླ་མ་བརྟག་དཀའ་བ། །
D1.002.0224b07.01