完整藏文原文 · 德格版页 当前仅加载第 2 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
དཔེར་ན་ཀུན་དགའ་བོ་ལམ་པོ་ཆེའི་བཞི་མདོར་རྡུལ་གྱི་མཆོད་རྟེན་ཞིག་བརྩིགས་པར་གྱུར་ལ་ལྷོ་ཕྱོགས་ནས་བཞོན་པ་ཅན་ནམ། ཁྱོགས་སམ། ཤིང་རྟས་འཁྱམ་པ་འོངས་ན་ཞེས་བྱ་བ་ནས། ཚོར་བ་ལ་ཚོར་བའི་རྗེས་སུ་ལྟའོ་ཞེས་བྱ་བའི་བར་གོང་མ་བཞིན་དུའོ། །དེའི་
D1.002.0100b01.01ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་སོ། །གང་གི་ཚེ་འཕགས་པའི་ཉན་ཐོས་སེམས་སོ་སོར་མྱོང་བ་དང་སེམས་རབ་ཏུ་དགའ་བ་དང་། སེམས་མཉམ་པར་འཇོག་པ་དང་སེམས་རྣམ་པར་གྲོལ་བར་བྱེད་ཅིང་དབུགས་བརྔུབས་སོ་ཞེས་
D1.002.0100b02.01སློབ་པ་དང་། སེམས་རྣམ་པར་གྲོལ་བར་བྱེད་ཅིང་དབུགས་ཕྱུང་ན་སེམས་རྣམ་པར་གྲོལ་བར་བྱེད་ཅིང་དབུགས་ཕྱུང་ངོ་ཞེས་སློབ་སྟེ། སེམས་ལ་སེམས་ཀྱི་རྗེས་སུ་ལྟ་བ་དེའི་ཚེ་འཕགས་པའི་ཉན་ཐོས་སེམས་ལ་སེམས་ཀྱི་རྗེས་སུ་ལྟ་ཞིང་གནས་སོ། །དེའི་ཚེ་འཕགས་
D1.002.0100b03.01པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་སོ། །དཔེ་ནི་ནུབ་ཕྱོགས་ནས་ཁྱོགས་འོང་བ་དེ་ཉིད་བྱའོ། །དེ་ལུས་དེ་དང་ཚོར་བ་དེ་དང་སེམས་དེ་ལ་བརྣབ་སེམས་དང་། ཡིད་མི་བདེ་བ་དེ་དག་ནུབ་པས་ཆོས་ལ་ཆོས་ཀྱི་རྗེས་སུ་ལྟ་ཞིང་བཏང་སྙོམས་སུ་
D1.002.0100b04.01གནས་སོ། །དེའི་ཚེ་འཕགས་པའི་ཉན་ཐོས་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་སོ། །དེའི་ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་ཏེ། འདི་ལྟ་སྟེ་ལམ་པོ་ཆེའི་བཞི་མདོར་རྡུལ་གྱི་མཆོད་རྟེན་ཞིག་བརྩིགས་པར་གྱུར་ལ། དེ་ནས་བྱང་
D1.002.0100b05.01ཕྱོགས་ནས་ནི་བཞོན་པ་ཅན་ནམ། ཁྱོགས་སམ། ཤིང་རྟས་འཁྱམ་པ་འོངས་ན། ཀུན་དགའ་བོ་ཇི་སྙམ་དུ་སེམས། རྡུལ་གྱི་མཆོད་རྟེན་འཇིག་པར་འགྱུར་རམ། བཙུན་པ་དེ་ལྟར་འགྱུར་ལགས་སོ་ཞེས་བྱ་བ་ནས་དེ་ལྟར་ཆོས་རྣམས་ལ་ཆོས་ཀྱི་རྗེས་སུ་ལྟའོ་ཞེས་བྱ་བའི་བར་
D1.002.0100b06.01གོང་མ་བཞིན་དུའོ། །དེའི་ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་ཏེ། ཀུན་དགའ་བོ་དེ་ལྟར་ན་དྲན་པ་ཉེ་བར་གཞག་པ་བཞི་ལ་བརྟེན་ནས་བསྒོམས་པ་ཡིན་ནོ། །བཅོམ་ལྡན་འདས་ཡུལ་སྒྲ་ངན་ནས་ལྗོངས་རྒྱུ་ཞིང་གཤེགས་པ་ན། བང་
D1.002.0100b07.01