完整藏文原文 · 德格版页 当前仅加载第 2 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །དེ་སོང་བ་ལས་ཇི་ཙམ་ན་རྒྱལ་པོ་གླང་པོ་ཆེ་ལ་ཞོན་ནས་བྱུང་ངོ་། །བྲམ་ཟེ་དེས་བསམས་པ། ཅི་བདག་གིས་རྒྱལ་པོ་ལ་བསྟོད་དམ། འོན་ཏེ་གླང་པོ་ཆེ་དམ་པ་ལ་སྙམ་པ་ལས་དེ་འདི་སྙམ་དུ་སེམས་ཏེ། གླང་པོ་ཆེ་དམ་པ་འདི་ནི་འཇིག་རྟེན་
D1.002.0113a01.01ཐམས་ཅད་ཀྱིས་སྡུག་ཅིང་ཡིད་དུ་འོང་བ་ཡིན་ལ་རྒྱལ་པོ་ལ་ནི་ཁྱད་པར་དུ་ཡིན་པས། རེ་ཞིག་གླང་པོ་ཆེ་དམ་པ་མངོན་པར་བསྟོད་པར་བྱའོ་སྙམ་ནས་དེས་ཚིགས་སུ་བཅད་དེ་སྨྲས་པ། ས་སྲུང་བུ་ཡི་ལུས་ཀྱི་ཤ་ཚུགས་ལྟར། །མཚན་མཆོག་ལྡན་པའི་གཟུགས་ནི་ཕུན་སུམ་
D1.002.0113a02.01ཚོགས། །མདོག་དང་ཚད་ཀྱིས་ལུས་ཀྱི་གཟུགས་ལེགས་པ། །གླང་ཆེན་དབང་པོ་བཀྲ་ཤིས་རབ་ཏུ་བསྔགས། །དེ་ནས་རྒྱལ་པོ་མངོན་པར་དགའ་ནས་ཚིགས་སུ་བཅད་དེ་སྨྲས་པ། ཁོ་བོའི་གླང་ཆེན་སྡུག་ཅིང་ཡིད་འོང་བ། །མི་རྣམས་མིག་འཕྲོག་དགའ་བ་སྐྱེད་པ་གང་། །
D1.002.0113a03.01དེ་ལ་ཁྱོད་ཀྱིས་བསྟོད་པའི་ཚིག་སྨྲས་ཀྱིས། །ཁྱོད་ལ་གྲོང་གི་མཆོག་ནི་ལྔ་སྦྱིན་ནོ། །དགེ་སློང་དག་དེའི་ཚེ་དེའི་དུས་ཀྱི་གླང་པོ་ཆེ་དམ་པ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་བྲམ་ཟེ་གང་ཡིན་པ་དེ་ནི་བྲམ་ཟེ་འདི་ཉིད་ཡིན་ཏེ། དེ་ན་ཡང་ང་ལ་འདིས་ཚིགས་སུ་བཅད་པ་
D1.002.0113a04.01གཅིག་གིས་བསྟོད་པས་ངས་འདི་ལ་གྲོང་མཆོག་ལྔ་བྱིན་ནོ། །ད་ལྟར་ཡང་ང་ལ་འདིས་ཚིགས་སུ་བཅད་པ་གཅིག་གིས་བསྟོད་པས་ངས་ཡང་འདི་རང་བྱང་ཆུབ་ཏུ་ལུང་བསྟན་ཏོ། །གྲོང་ཁྱེར་ཆེན་པོར་གཤེགས་ནས་གྲོང་ཁྱེར་ཆེན་པོར་སངས་རྒྱས་བཞིའི་གདན་ཞེས་བྱ་བའི་བར་རྒྱས་པར་གོང་
D1.002.0113a05.01མ་བཞིན་དུའོ། །ཡུལ་སྲུག་ནར་གཤེགས་པ་དང་ཡུལ་སྲུག་ན་ན་བྲམ་ཟེ་དབང་པོ་ཞེས་བྱ་བ་གཟུགས་དང་ལང་ཚོ་དང་། ཐོས་པས་རྒྱགས་པར་གྱུར་ནས་བདག་དང་འདྲ་བ་ནི་འགའ་ཡང་ཡོད་པ་མ་ཡིན་ནོ་ཞེས་སྒྲོགས་ཤིང་རྣམ་པར་སྒྲོགས་སོ། །བཅོམ་ལྡན་འདས་ཀྱང་ཕྱོགས་གཞན་ཞིག་
D1.002.0113a06.01ན་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་ཏེ་ཆོས་འཆད་དོ། །བྲམ་ཟེ་དབང་པོ་ཞེས་བྱ་བས་དགེ་སྦྱོང་གཽ་ཏ་མ་ཡུལ་སྲུག་ནར་བྱོན་ཏོ་ཞེས་ཐོས་ནས་དེ་འདི་སྙམ་དུ་སེམས་ཏེ། དགེ་སྦྱོང་གཽ་ཏ་མ་གཟུགས་བཟང་བ་མཛེས་པ་བལྟ་ན་སྡུག་པ་ཞེས་ཐོས་ཀྱིས། ཅི་བདག་
D1.002.0113a07.01