完整藏文原文 · 德格版页 当前仅加载第 2 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་སྦྱངས་ཏེ་ཚོར་བ་རྣམས་ལ་ཚོར་བའི་རྗེས་སུ་ལྟ་ཞིང་དབུགས་ཕྱུང་ངོ་ཞེས་སློབ་བོ་ཞེས་བྱ་བའི་བར་གོང་མ་བཞིན་དུའོ། །དེའི་ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་སོ། །དཔེར་ན་ཀུན་
D1.002.0098a01.01དགའ་བོ་ལམ་པོ་ཆེའི་བཞི་མདོར་རྡུལ་གྱི་མཆོད་རྟེན་ཞིག་བརྩིགས་པར་གྱུར་ལ། དེ་ནས་ལྷོ་ཕྱོགས་ནས་བཞོན་པ་ཅན་ནམ། ཁྱོགས་སམ། ཤིང་རྟས་འཁྱམ་པ་ཞིག་འོངས་ན་ཞེས་བྱ་བ་ནས། ཚོར་བ་རྣམས་ལ་ཚོར་བའི་རྗེས་སུ་ལྟའོ་ཞེས་བྱ་བའི་བར་གོང་མ་
D1.002.0098a02.01བཞིན་དུའོ། །དེའི་ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་སོ། །གང་གི་ཚེ་འཕགས་པའི་ཉན་ཐོས་སེམས་སོ་སོར་མྱོང་བ་དང་། སེམས་རབ་ཏུ་དགའ་བ་དང་། སེམས་མཉམ་པར་འཇོག་པ་དང་སེམས་རྣམ་པར་གྲོལ་བར་བྱེད་
D1.002.0098a03.01ཅིང་དབུགས་བརྔུབས་ན་སེམས་རྣམ་པར་གྲོལ་བར་བྱེད་ཅིང་དབུགས་བརྔུབས་སོ་ཞེས་སློབ་བོ་སེམས་རྣམ་པར་གྲོལ་བར་བྱེད་ཅིང་དབུགས་ཕྱུང་ན་སེམས་རྣམ་པར་གྲོལ་བར་བྱེད་ཅིང་དབུགས་ཕྱུང་ངོ་ཞེས་སློབ་སྟེ། སེམས་ལ་སེམས་ཀྱི་རྗེས་སུ་ལྟའོ། །གང་གི་ཚེ་འཕགས་པའི་
D1.002.0098a04.01ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་ཏེ་མཆོད་རྟེན་དེ་ཉིད་ལ་ནུབ་ཕྱོགས་ནས་ཞེས་དཔེར་བྱའོ། །དེ་ལུས་དེ་དང་ཚོར་བ་དེ་དང་སེམས་དེ་ལ་བརྣབ་སེམས་ཡིད་མི་བདེ་བ་གཉིས་ཀ་ནུབ་པས་ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་བཏང་སྙོམས་སུ་གནས་སོ། །དེའི་
D1.002.0098a05.01ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་ཏེ། དཔེར་ན་ལམ་པོ་ཆེའི་བཞི་མདོར་རྡུལ་གྱི་མཆོད་རྟེན་བརྩིགས་པར་གྱུར་ལ། དེ་ནས་བྱང་ཕྱོགས་ནས་བཞོན་པ་ཅན་ནམ་ཁྱོགས་སམ། ཤིང་རྟས་འཁྱམ་པ་ཞིག་འོངས་ན། ཀུན་དགའ་བོ་ཇི་སྙམ་
D1.002.0098a06.01དུ་སེམས། རྡུལ་གྱི་མཆོད་རྟེན་འཇིག་པར་འགྱུར་རམ། བཙུན་པ་དེ་ལྟར་འགྱུར་ལགས་སོ། །ཞེས་བྱ་བ་ནས་དེ་ལྟར་ཆོས་ལ་ཆོས་ཀྱི་རྗེས་སུ་ལྟ་བ་ཞེས་བྱ་བའི་བར་གོང་མ་བཞིན་དུའོ། །དེའི་ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་ཏེ།
D1.002.0098a07.01