完整藏文原文 · 德格版页 当前仅加载第 2 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ལ་བལྟ་བ་དང་བསྙེན་བཀུར་བྱ་བའི་ཕྱིར་བཅོམ་ལྡན་འདས་ཀྱི་སྤྱན་སྔར་སོང་སྟེ། དེ་ཇི་ཙམ་བཞོན་པའི་སའི་བར་དུ་བཞོན་པས་སོང་ནས། བཞོན་པ་ལས་བབས་ཏེ་རྐང་པ་ཁོ་ནས་ཀུན་དགའ་ར་བའི་ནང་དུ་ཞུགས་ནས་བྲམ་ཟེ་ཤིང་སཱ་ལ་ཆེན་པོ་ལྟ་བུ་ཨོ་ཏ་ལའི་བུ་
D1.002.0130b01.01བཅོམ་ལྡན་འདས་གང་ན་བ་དེ་ལོགས་སུ་སོང་སྟེ་ཕྱིན་ནས། བཅོམ་ལྡན་འདས་དང་ལྷན་ཅིག་ཡང་དག་པར་དགའ་བར་འགྱུར་བ་དང་། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་
D1.002.0130b02.01འདས་ལ་བྲམ་ཟེ་ཤིང་སཱ་ལ་ཆེན་པོ་ལྟ་བུ་ཨོ་ཏ་ལའི་བུས་འདི་སྐད་ཅེས་གསོལ་ཏོ། །ཀྱེ་གཽ་ཏ་མ་དབང་པོ་ལྔ་པོ་སྤྱོད་ཡུལ་ཐ་དད་པ་དང་ཡུལ་ཐ་དད་པ་ཅན་རང་རང་གི་སྤྱོད་ཡུལ་དང་ཡུལ་ཉམས་སུ་མྱོང་བར་འགྱུར་གྱི། གཞན་གྱིས་སྤྱོད་ཡུལ་དང་ཡུལ་གཞན་ཉམས་སུ་མྱོང་བར་མི་
D1.002.0130b03.01འགྱུར་བ་འདི་ལྟ་སྟེ། མིག་གི་དབང་པོ་དང་། རྣ་བའི་དབང་པོ་དང་། སྣའི་དབང་པོ་དང་། ལྕེའི་དབང་པོ་དང་། ལུས་ཀྱི་དབང་པོ་གང་དག་ལགས་པ་དེ་རྣམས་ཀྱི་སྤྱོད་ཡུལ་དང་ཡུལ་ཉམས་སུ་མྱོང་བར་བགྱིད་པ་ནི་གང་ལགས། དེ་རྣམས་ཀྱི་སྟོན་པ་ཡང་གང་ལགས།
D1.002.0130b04.01བྲམ་ཟེ་དབང་པོ་ལྔ་པོ་སྤྱོད་ཡུལ་ཐ་དད་པ་དང་། ཡུལ་ཐ་དད་པ་ཅན་འདི་ལྟ་སྟེ། མིག་གི་དབང་པོ་དང་། རྣ་བའི་དབང་པོ་དང་། སྣའི་དབང་པོ་དང་། ལྕེའི་དབང་པོ་དང་། ལུས་ཀྱི་དབང་པོ་གང་དག་ཡིན་པ་དེ་རྣམས་ཀྱི་སྤྱོད་ཡུལ་དང་ཡུལ་ཉམས་སུ་མྱོང་བ་ནི་ཡིད་ཡིན་ནོ། །
D1.002.0130b05.01དེ་རྣམས་ཀྱི་རྟོན་པ་ཡང་ཡིད་ཡིན་ནོ། །ཀྱེ་གཽ་ཏ་མ་ཡིད་ཀྱི་རྟོན་པ་གང་ལགས། བྲམ་ཟེ་ཡིད་ཀྱི་རྟོན་པ་ནི་དྲན་པ་ཡིན་ནོ། །ཀྱེ་གཽ་ཏ་མ་དྲན་པའི་རྟོན་པ་གང་ལགས། བྲམ་ཟེ་དྲན་པའི་རྟོན་པ་ནི་དྲན་པ་ཉེ་བར་གཞག་པ་བཞི་ཡིན་ནོ། །ཀྱེ་གཽ་ཏ་མ་དྲན་པ་ཉེ་བར་གཞག་པ་བཞིའི་རྟོན་
D1.002.0130b06.01པ་གང་ལགས། བྲམ་ཟེ་དྲན་པ་ཉེ་བར་གཞག་པ་བཞིའི་རྟོན་པ་ནི་བྱང་ཆུབ་ཀྱི་ཡན་ལག་བདུན་ཡིན་ནོ། །ཀྱེ་གཽ་ཏ་མ་བྱང་ཆུབ་ཀྱི་ཡན་ལག་བདུན་གྱི་རྟོན་པ་གང་ལགས། བྲམ་ཟེ་བྱང་ཆུབ་ཀྱི་ཡན་ལག་བདུན་གྱི་རྟོན་པ་ནི་རིག་པ་དང་རྣམ་པར་གྲོལ་བ་ཡིན་ནོ། །ཀྱེ་གཽ་ཏ་མ་རིག་པ་དང་
D1.002.0130b07.01