完整藏文原文 · 德格版页 当前仅加载第 2 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
ནད་ཀྱིས་ཡོངས་སུ་ཉམས་པ་ཞེས་བྱའོ། །ཤེས་ལྡན་ཡུལ་འཁོར་སྐྱོང་ནི་ནད་ཀྱིས་ཡོངས་སུ་ཉམས་པས་ཡོངས་སུ་ཉམས་པ་མ་ཡིན་ནོ། །སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཞེས་བྱ་བ་ནས་རབ་ཏུ་བྱུང་ཞེས་བྱ་
D1.002.0108a01.01བའི་བར་གོང་མ་བཞིན་དུའོ། །དེ་ཅིའི་ཕྱིར་ཞེ་ན། ཤེས་ལྡན་ཡུལ་འཁོར་སྐྱོང་གནོད་པ་མེད་ཅིང་ནད་མེད་པའི་རང་བཞིན་ཅན་དང་། རན་པར་འཇུག་པའི་དྲོད་དང་ལྡན་པ་སྟེ། ཧ་ཅང་བསིལ་བ་མ་ཡིན་པ་དང་། ཧ་ཅང་ཚ་བ་མ་ཡིན་པ་དང་། ཁམས་སྙོམས་པས་གནོད་
D1.002.0108a02.01པ་མེད་པ་དང་ལྡན་པས་ཁྱོད་ཀྱིས་ཟོས་པ་དང་། འཐུངས་པ་དང་། འཆོས་པ་དང་། མྱངས་པ་རྣམས་ལེགས་པར་བདེ་བར་འཇུ་བར་འགྱུར་ན། ཤེས་ལྡན་ཡུལ་འཁོར་སྐྱོང་དེ་ལ་ཅི་ཞིག་ཤེས་མཐོང་ཞེས་བྱ་བ་ནས་རབ་ཏུ་འབྱུང་ཞེས་བྱ་བའི་བར་གོང་མ་བཞིན་དུའོ། །
D1.002.0108a03.01དེ་ལ་ནི་ཁོ་བོ་རངས་པ་མ་ཡིན་ཏེ་མི་བཟོད་དོ། །ཀྱེ་ཡུལ་འཁོར་སྐྱོང་ཉེ་དུས་ཡོངས་སུ་ཉམས་པ་གང་ཞེ་ན། འདི་ལ་རིགས་ཀྱི་བུའི་ཉེ་དུ་རྣམས་རབས་ཆད་ཉེ་དུ་རྣམས་ཁ་དག་ནས་དེ་འདི་སྙམ་དུ་སེམས་ཏེ། བདག་གི་ཉེ་དུ་རྣམས་རབས་ཆད་ཉེ་དུ་རྣམས་ཁ་དག་པས་མ་ལ་བདག་སྐྲ་དང་ཁ་སྤུ་
D1.002.0108a04.01བྲེགས་ནས་ཞེས་བྱ་བ་ནས་རབ་ཏུ་འབྱུང་བར་བྱའོ་ཞེས་བྱ་བའི་བར་གོང་མ་བཞིན་དུའོ། །དེ་ཉེ་དུའི་ཡོངས་སུ་ཉམས་པས་ཡོངས་སུ་ཉམས་པས་སྐྲ་དང་ཁ་སྤུ་བྲེགས་ཏེ་ཞེས་བྱ་བ་ནས་རབ་ཏུ་འབྱུང་ངོ་ཞེས་བྱ་བའི་བར་གོང་མ་བཞིན་དུའོ། །འདི་ནི་ཉེ་དུས་ཡོངས་སུ་ཉམས་པ་ཞེས་བྱའོ། །ཤེས་
D1.002.0108a05.01ལྡན་ཡུལ་འཁོར་སྐྱོང་ནི་ཉེ་དུས་ཡོངས་སུ་ཉམས་པས་ཡོངས་སུ་ཉམས་པ་མ་ཡིན་ན། སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ་། །དེ་ཅིའི་ཕྱིར་ཞེ་ན། ཡུལ་འཁོར་སྐྱོང་གི་ཉེ་དུ་ནི་ཀཽ་རབ་བྱའི་རིགས་ནས་བཟུང་སྟེ་
D1.002.0108a06.01བརྒྱུད་པ་བང་མཛོད་སྟུག་པོ་ཅན་འདི་ཉིད་ན་རྒྱས་པར་ཡོད་ན། ཤེས་ལྡན་ཡུལ་འཁོར་སྐྱོང་གིས་ཅི་ཞིག་ཤེས་མཐོང་ཞེས་བྱ་བ་ནས་རབ་ཏུ་བྱུང་ཞེས་བྱ་བའི་བར་གོང་མ་བཞིན་དུའོ། །དེ་ལ་ནི་ཁོ་བོས་རངས་པ་མ་ཡིན་ཏེ་མི་བཟོད་དོ། །ཀྱེ་ཡུལ་འཁོར་སྐྱོང་ལོངས་སྤྱོད་ཀྱིས་ཡོངས་སུ་ཉམས་
D1.002.0108a07.01