完整藏文原文 · 德格版页 当前仅加载第 2 函德格 39a 版页；藏文 NFD、目录标记与异常页序保留在来源切片中，重复版页行以稳定序号区分。
ནས། བཙུན་པ་བཅོམ་ལྡན་འདས་ནམ་ཡངས་པ་ཅན་དུ་གཤེགས་པ་དེའི་ཚེ་ཐུགས་བརྩེ་བར་དགོངས་ཏེ། ཐོག་མར་བདག་གི་ཨ་མྲའི་ཚལ་དུ་གཤེགས་པར་གསོལ་ཅིག །དེ་ནས་ནེ་ཙོ་བཞིན་རྒྱས་ཀྱིས་ཨ་མྲ་སྐྱོང་མའི་ལྟར་མཉན་ནས། བཅོམ་
D1.002.0039a01.01ལྡན་འདས་གང་ན་བ་དེར་སོང་བ་དེ་ཡངས་པ་ཅན་གྱི་ལིཙྪ་བཱིའི་ཁྱེའུ་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་ནེ་ཙོ་འགྲོ་བ་འདི་ནི་སྨད་འཚོང་མའི་ཡིན་ནོ་ཞེས་དེ་དག་གིས་དེ་ལ་མདའ་འཕང་བར་བརྩམས་པ་ན། དེ་ཡང་དེ་དག་གི་སྟེང་དུ་བབས་སོ། །དེ་ནས་ནེ་ཙོ་དེས་ཚིགས་
D1.002.0039a02.01སུ་བཅད་དེ་སྨྲས་པ། ཡུལ་འཁོར་གཞན་ཡང་འགྱེད་པར་ཡང་། །ཕོ་ཉ་མི་གསོད་ཅེས་གྲག་ན། །བདག་ལྟ་རྒྱལ་བའི་ཕོ་ཉ་བས། །ལུས་ཅན་ཀུན་གྱིས་ག་ལ་སོད། །དེ་རྣམས་ཀྱིས་ཀྱང་ཚིགས་སུ་བཅད་དེ་སྨྲས་པ། ཁྱོད་ཀྱི་ཚིག་གིས་མདའ་འཕངས་པ། །
D1.002.0039a03.01ལྡོག་ན་བདག་ཅག་སྨོས་ཅི་དགོས། །ཁྱོད་ནི་རྫུ་འཕྲུལ་ཆེས་བསྐྱབས་པས། །འཇིགས་པ་མེད་པར་འགྲོ་བར་གྱིས། །དེ་ནས་ནེ་ཙོ་བཞིན་རྒྱས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་
D1.002.0039a04.01བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱི་ཞབས་གཉིས་ལ་ཨ་མྲ་སྐྱོང་མ་མགོ་བོས་ཕྱག་འཚལ་ནས་གནོད་པ་ཆུང་ངམ། ཉམ་ང་བ་ཆུང་ངམ་བསྐྱོད་པ་ཡང་ངམ་འཚོའམ་གནོད་པ་མ་མཆིས་སམ། སྟོབས་དང་བདེ་བ་ལ་
D1.002.0039a05.01རེག་པར་གནས་སམ་ཞེས་སྙུན་གསོལ་ལགས་སོ། །བཞིན་རྒྱས་ཁྱོད་དང་ཨ་མྲ་སྐྱོང་མ་བདེ་བར་གྱུར་ཅིག །བཙུན་པ་ཨ་མྲ་སྐྱོང་མའི་མཆིད་ནས་བཅོམ་ལྡན་འདས་ནམ་ཡངས་པ་ཅན་དུ་གཤེགས་པ་དེའི་ཚེ་ཐུགས་བརྩེ་བ་ཉེ་བར་བཟུང་སྟེ། ཐོག་མར་བདག་གི་ཨ་མྲའི་
D1.002.0039a06.01ཚལ་དུ་གཤེགས་སུ་གསོལ་ཞེས་དེ་སྐད་མཆི་ལགས་སོ། །བཅོམ་ལྡན་འདས་ཀྱིས་ནེ་ཙོ་བཞིན་རྒྱས་ལ་ཅང་མི་གསུང་བས་གནང་ངོ་། །དེ་ནས་ནེ་ཙོ་བཞིན་རྒྱས་ཀྱིས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་
D1.002.0039a07.01