完整藏文原文 · 德格版页 当前仅加载第 2 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡིན་ནོ་ཞེས་བྱ་བའི་བར་གོང་མ་བཞིན་དུའོ། །དེ་ནས་རྒྱལ་པོ་ལྷ་ཆེན་པོས་གཞོན་ནུ་ཐུ་བོ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་བཅུག་ནས་རྒྱལ་པོའི་དྲང་སྲོང་གི་ཚངས་པར་སྤྱོད་པ་སྤྱད་དོ། །ཀུན་དགའ་བོ་བུ་དང་། ཚ་བོ་དང་། ཡང་ཚ་དང་། སུམ་ཚ་ལ་སོགས་པ་
D1.002.0054b01.01དེ་ལྟར་བརྒྱུད་པས་ལྷ་ཆེན་པོ་བརྒྱད་ཁྲི་བཞི་སྟོང་མི་ཐི་ལའི་ལྷ་ཆེན་པོའི་ཨ་མྲའི་ཚལ་འདི་ཉིད་དུ་རྒྱལ་པོའི་དྲང་སྲོང་གི་ཚངས་པར་སྤྱོད་པ་སྤྱད་དོ། །དེ་རྣམས་ཀྱི་ཐ་མ་རྒྱལ་པོ་མུ་ཁྱུད་ཅེས་བྱ་བ་ཆོས་ཀྱི་རྒྱལ་པོ་ཆོས་དང་ལྡན་པ་ཆོས་ལ་གནས་པའི་རྒྱལ་པོ་ཆེན་པོ་ཞིག་བྱུང་སྟེ།
D1.002.0054b02.01དེ་བཙུན་མོ་དང་། གཞོན་ནུ་དང་། བློན་པོ་དང་། ཁྲོམ་གྱི་རུ་པ་དང་། གྲོང་མི་དང་། ཡུལ་མི་དག་དང་ཆོས་སྤྱོད་དེ་སྦྱིན་པ་དག་གཏོང་། བསོད་ནམས་དག་བྱེད་ཅིང་བསྙེན་གནས་ལ་གནས་ཏེ་ཚུལ་ཁྲིམས་ཡང་དག་པར་བླངས་ནས་འདུག་གོ། །དེའི་ཚེ་ལྷའི་དབང་པོ་
D1.002.0054b03.01བརྒྱ་བྱིན་ལྷའི་འདུན་ས་ཆོས་བཟང་དུ་སུམ་བཅུ་རྩ་གསུམ་པའི་ལྷ་འདུས་ཤིང་འཁོད་པ་རྣམས་ཀྱི་མདུན་དུ་བསྔགས་པ་རྗོད་པར་བྱེད་དེ། གྲོགས་པོ་དག་ལུས་འཕགས་ཀྱི་མི་རྣམས་ཀྱིས་རྙེད་པ་ལེགས་པར་རྙེད་དེ། ལུས་འཕགས་ཀྱི་མི་དེ་རྣམས་ཀྱི་རྒྱལ་པོ་མུ་ཁྱུད་ནི་
D1.002.0054b04.01ཆོས་ཀྱི་རྒྱལ་པོ་ཆོས་དང་ལྡན་པ་ཆོས་ལ་གནས་པའི་རྒྱལ་པོ་ཆེན་པོ་དེ་བཙུན་མོ་དང་ཞེས་བྱ་བ་ནས་ཚུལ་ཁྲིམས་ཡང་དག་པར་བླངས་ཏེ་འདུག་གོ་ཞེས་བྱ་བའི་བར་གོང་མ་བཞིན་དུའོ། །གྲོགས་པོ་དག་ཁྱེད་ཅག་རྒྱལ་པོ་མུ་ཁྱུད་ལྟ་བར་འདོད་དམ། ཀཽ་ཤི་ཀ་ཤིན་ཏུ་འཚལ་
D1.002.0054b05.01ལོ། །གྲོགས་པོ་དག་དེའི་ཕྱིར་ཁྱེད་ཅག་སྡོད་ཅིག་དང་ཁོ་བོས་རེ་ཞིག་རྒྱལ་པོ་མུ་ཁྱུད་བལྟའོ། །དེ་ནས་ལྷའི་དབང་པོ་བརྒྱ་བྱིན་དཔེར་ན་སྐྱེས་བུ་སྟོབས་དང་ལྡན་པའི་ལག་པ་བསྐུམ་པ་ལས་བརྐྱང་བའམ། བརྐྱང་བ་ལས་བསྐུམ་པ་ཙམ་གྱིས་སུམ་བཅུ་རྩ་གསུམ་པའི་ལྷ་
D1.002.0054b06.01རྣམས་ཀྱི་ལྷའི་འདུན་ས་ཆོས་བཟང་ནས་མི་སྣང་བར་གྱུར་ཏེ། མི་ཐི་ལར་རྒྱལ་པོ་མུ་ཁྱུད་ཀྱི་ཁང་{བཟངས་སུ་,བཟང་དུ་}འདུག་གོ། །འདི་སྐད་ཅེས་ཀྱང་སྨྲས་ཏེ། མུ་ཁྱུད་ཁྱོད་ལ་ལྷའི་འདུན་ས་ཆོས་བཟང་དུ་སུམ་བཅུ་རྩ་གསུམ་པའི་ལྷ་འདུས་ཤིང་འདུག་པ་རྣམས་བསྔགས་པ་རྗོད་པ་ནི་ཁྱོད་
D1.002.0054b07.01