完整藏文原文 · 德格版页 当前仅加载第 2 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། འཁོར་གདོལ་པ་སྟོང་ཕྲག་དུ་མ་དང་། གདོལ་པ་བརྒྱ་སྟོང་ཕྲག་དུ་མ་ཡོད་པ། བྱམས་པའི་བདག་ཉིད་སྙིང་རྗེ་ཅན། སེམས་ཅན་ཐམས་ཅད་ལ་ཕན་པ་དང་སྙིང་བརྩེ་བ་ཞིག་བྱུང་སྟེ། དེའི་ཡུལ་དུ་ནམ་ལོ་ཉེས་བྱུང་བ་དེའི་ཚེ་བདེན་པ་གསོལ་བས་ལྷས་ཆར་པ་འབེབས་པས་ལན་འགའ་ཡང་
D1.002.0193b01.01ལོ་ཉེས་འབྱུང་བར་མི་འགྱུར་རོ། །དེ་དྲང་སྲོང་གི་ནང་དུ་རབ་ཏུ་བྱུང་ནས་དེས་མངོན་པར་ཤེས་པ་ལྔ་མངོན་སུམ་དུ་བྱས་སོ། །དེའི་ཚེ་ཡུལ་བཱ་རཱ་ཎ་སཱི་ན་རྒྱལ་པོ་ཚངས་སྦྱིན་ཞེས་བྱ་བ་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ། སྐྱེ་བོ་དང་། མི་ཕལ་པོ་ཆེས་རབ་ཏུ་གང་བ་ན་རྒྱལ་
D1.002.0193b02.01སྲིད་བྱེད་དུ་འཇུག་གོ། །ཇི་ཙམ་དུས་གཞན་ཞིག་ན་ལྟས་མཁན་རྣམས་ཀྱིས་ལོ་བཅུ་གཉིས་སུ་ཆར་མི་འབབ་བོ་ཞེས་ལུང་བསྟན་ཏོ། །དེ་ནས་རྒྱལ་པོ་ཚངས་སྦྱིན་གྱིས་གྲོང་ཁྱེར་བཱ་རཱ་ཎ་སཱིར་དྲིལ་སྒྲོག་ཏུ་བཅུག་པ། བཱ་རཱ་ཎ་སཱི་ན་གནས་པའི་ཤེས་ལྡན་གྲོང་ཁྱེར་པ་དག་ཉོན་ཅིག །ལྟས་མཁན་རྣམས་
D1.002.0193b03.01ཀྱིས་ལོ་བཅུ་གཉིས་སུ་ཆར་མི་འབབ་བོ་ཞེས་ལུང་བསྟན་གྱིས། ཁྱེད་ཅག་ལས་གང་དག་ལ་དུས་དེ་ཙམ་གྱི་བཟའ་བ་ཡོད་པ་དེ་ནི་འདུག་ཤིག །གང་དག་མེད་པ་དེ་ནི་དེང་ཤིག །དེ་ནས་སྐྱེ་བོའི་ཚོགས་ཆེན་པོ་དེ་དག་མུ་གེས་དུས་མ་ཡིན་པར་འཆི་བས་འཇིགས་སྐྲག་ནས་གྲོས་བྱ་བར་བརྩམས་པ། ཤེས་
D1.002.0193b04.01ལྡན་དག་རྒྱལ་པོས་ཡུལ་རྣམས་སུ་འདི་ལྟ་བུའི་དྲིལ་སྒྲོག་ཏུ་བཅུག་ན་དེ་ཇི་ལྟར་བསྒྲུབ་པར་བྱ། གང་དུ་དོང་། དེ་རྣམས་ཀྱིས་གདོལ་པའི་ཡུལ་ན་གདོལ་པའི་རིགས་ལས་བྱུང་བའི་དྲང་སྲོང་ཞིག་ཡོད་དེ། དེའི་བདེན་པ་གསོལ་བས་ལྷས་ཆར་འབེབས་སོ་ཞེས་ཐོས་ནས་དེ་ནས་ལོ་བཅུ་གཉིས་ཀྱི་
D1.002.0193b05.01བར་གྱི་བཟའ་བ་མེད་པ་གང་ཡིན་པ་དེ་རྣམས་གདོལ་པའི་ཡུལ་དུ་དོང་བ་དང་། གདོལ་པའི་རིགས་ལས་བྱུང་བའི་དྲང་སྲོང་གི་བུ་གདོལ་པའི་རྒྱལ་པོ་དེས་སྐྱེ་བོའི་ཚོགས་དེའི་བཟའ་བ་དང་བཏུང་བ་ལོ་བཅུ་གཉིས་སུ་སྦྱར་ན་མུ་གེ་རྒྱུན་ཆགས་ཁོ་ནར་བྱུང་བ་ནས་རྒྱལ་པོ་ཚངས་སྦྱིན་གྱིས་བློན་པོ་རྣམས་ལ་དྲིས་པ། སྐྱེ་
D1.002.0193b06.01བོའི་ཚོགས་དེ་གང་དུ་དོང་། བློན་པོ་རྣམས་ཀྱིས་སྨྲས་པ། ལྷ་ཡུལ་ཀ་ལིང་ཀ་ན་གདོལ་པའི་རྒྱལ་པོ་ཕུར་བུ་གསུམ་པ་ཞེས་བགྱི་བ་བྱམས་པའི་བདག་ཉིད་སྙིང་རྗེ་ཅན་སེམས་ཅན་ཐམས་ཅད་ལ་ཕན་པ། འོ་བྱམས་པ་ཞིག་མཆིས་ཏེ། དེའི་བདེན་པ་གསོལ་བས་ལྷས་ཆར་འབེབས་པས་དེར་སྐྱེ་བོའི་
D1.002.0193b07.01