完整藏文原文 · 德格版页 当前仅加载第 2 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ཀྱང་རྗེས་སུ་ཡི་རངས་ནས་མཁན་པོ་དེ་དེ་ལྟ་ལགས་ཏེ། དགེ་སྦྱོང་མགོ་རེག་འདི་དག་ནི་ཚོད་མ་རོ་སྣ་ཚོགས་དང་ལྡན་པ་དང་འབྲས་ཆན་འཚལ་བར་འོས་པ་མ་ལགས་ཀྱི་ནས་རུལ་པ་འཚལ་བར་འོས་པ་ལགས་སོ། །དེ་ན་ཡང་བྲམ་ཟེའི་ཁྱེའུ་བཟང་པོ་དད་པ་ཅན་
D1.002.0146a01.01དགེ་བའི་བསམ་པ་ཅན་གཉིས་ཤིག་འདུག་པ་དེ་དག་གིས་མཁན་པོ་དེ་སྐད་མ་གསུང་ཤིག །འདི་དག་ནི་བདག་ཉིད་ཆེན་པོ་སྟེ། ལྷའི་བདུད་རྩི་འཚལ་བར་འོས་པ་ལགས་ཀྱི། ནས་རུལ་པ་ནི་འོས་པ་མ་ལགས་སོ་ཞེས་སྨྲས་སོ། །དགེ་སློང་དག་ཇི་སྙམ་དུ་སེམས།
D1.002.0146a02.01དེའི་ཚེ་དེའི་དུས་ན་དེ་བཞིན་གཤེགས་པ་རྣམ་པར་གཟིགས་ཀྱི་ཚོགས་རྣམས་ལ་སྨོད་པར་བྱེད་པ་གང་ཡིན་པ་དེ་ང་ཉིད་ཡིན་ནོ། །བྲམ་ཟེའི་ཁྱེའུ་ལྔ་བརྒྱར་གཉིས་ཀྱིས་མ་ཚང་བ་གང་ཡིན་པ་དེ་དག་ནི་དགེ་སློང་ལྔ་བརྒྱར་གཉིས་ཀྱིས་མ་ཚང་བ་འདི་དག་ཡིན་ནོ། །བྲམ་ཟེའི་ཁྱེའུ་བཟང་
D1.002.0146a03.01པོ་དད་པ་ཅན་དགེ་བའི་བསམ་པ་ཅན་གཉིས་པོ་གང་ཡིན་པ་དེ་ནི་དགེ་སློང་ཤཱ་རིའི་བུ་དང་། མཽད་གལ་གྱི་བུ་འདི་གཉིས་ཡིན་ཏེ། ངས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་ཉན་ཐོས་སློབ་པ་དང་མི་སློབ་པ་རྣམས་ལ་སེམས་གདུག་པས་ངག་གི་ལས་རྩུབ་མོ་ཕྱུང་བ་དང་།
D1.002.0146a04.01བྲམ་ཟེའི་ཁྱེའུ་ལྔ་བརྒྱར་གཉིས་ཀྱིས་མ་ཚང་བས་རྗེས་སུ་ཡི་རང་བ་དང་། གཉིས་ཀྱིས་རྗེས་སུ་ཡི་མ་རང་བ་གང་ཡིན་པའི་ལས་དེའི་རྣམ་པར་སྨིན་པས་དེའི་བར་ཡུལ་དགྲ་མཐར་དེ་བཞིན་གཤེགས་པ་དགེ་སློང་ལྔ་བརྒྱར་གཉིས་ཀྱིས་མ་ཚང་བ་དང་ཐབས་ཅིག་ཏུ་ནས་རུལ་གསོལ་ཏོ། །
D1.002.0146a05.01ཤཱ་རིའི་བུ་དང་མཽད་གལ་གྱི་བུ་གཉིས་ནི་ལྷའི་བདུད་རྩི་ལ་ལོངས་སྤྱོད་དོ། །དགེ་སློང་དག་དེ་ལྟ་བས་ན་གཅིག་ཏུ་གནག་པ་རྣམས་ཀྱི་ལས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ་ཞེས་བྱ་བ་ནས། གཅིག་ཏུ་དཀར་བའི་ལས་རྣམས་ལ་བརྩལ་བར་བྱ་སྟེ། དགེ་སློང་དག་
D1.002.0146a06.01ཁྱེད་ཀྱིས་དེ་ལྟ་བུ་ལ་བསླབ་པར་བྱའོ་ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཚུགས་དཀའ་གང་ན་བ་དེར་འདོང་ངོ་། །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་
D1.002.0146a07.01