完整藏文原文 · 德格版页 当前仅加载第 2 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ལྟ་བུ་བདུན་དང་། ཁྱིམ་བདག་ཤིང་སཱ་ལ་ཆེན་པོ་ལྟ་བུ་བདུན་དང་། ཐབས་རིར་བབ་པའི་ཆུང་མ་བཞི་བཅུ་ལ་སྨྲས་པ། ཤེས་ལྡན་དག་བདག་ནི་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་ན་ཤེས་ལྡན་དག་ཅི་བྱེད་རྗེའི་སྲས་
D1.002.0271b01.01བདག་ཅག་བཙུན་མོ་བགྱི་བའི་དུས་ན་ནི་བཙུན་མོ། གྲོགས་བགྱི་བའི་དུས་ན་ནི་གྲོགས་ལགས་པས་རྗེའི་སྲས་གལ་ཏེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་ན། རྗེའི་སྲས་རབ་ཏུ་བྱུང་བའི་རྗེས་སུ་བདག་ཅག་ཀྱང་རབ་ཏུ་འབྱུང་
D1.002.0271b02.01བར་བགྱིའོ། །ཤེས་ལྡན་དག་ད་དེའི་དུས་ལ་བབ་པར་ཤེས་པར་གྱིས་ཤིག །དེ་ནས་བྲམ་ཟེ་ཆེན་པོ་གནག་ལྷས་སྐྱེས་ཀྱིས་བྲམ་ཟེའི་ཁྱེའུ་ལྔ་བརྒྱ་ཙམ་ལ་སྨྲས་པ། ཤེས་ལྡན་དག་བདག་ནི་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་
D1.002.0271b03.01ཏུ་འབྱུང་ན་ཤེས་ལྡན་དག་ཅི་བྱེད། མཁན་པོ་བདག་ཅག་གང་ཅུང་ཟད་ཅི་འཚལ་བ་དེ་ཐམས་ཅད་ནི་མཁན་པོ་ལས་བརྟེན་ཏེ་ལགས་ཀྱིས། གལ་ཏེ་མཁན་པོ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་ན། མཁན་པོ་རབ་
D1.002.0271b04.01ཏུ་བྱུང་བའི་རྗེས་སུ་བདག་ཅག་ཀྱང་རབ་ཏུ་འབྱུང་བར་བགྱིའོ། །ཤེས་ལྡན་དག་ད་དེའི་དུས་ལ་བབ་པར་ཤེས་པར་གྱིས་ཤིག །འདུལ་སྦྱོང་མཁན་དང་། གླང་པོ་ཆེ་ལ་ཞོན་པ་དང་། རྟ་ལ་ཞོན་པ་དང་། ཤིང་རྟ་པ་དང་། རལ་གྲིའི་འཛིན་སྟངས་མཁན་དང་། གཞུ་འཛིན་པ་དང་། ཞབས་
D1.002.0271b05.01འབྲིང་བྱེད་པ་དང་། གོ་རེ་ལོང་བྱེད་པ་དང་། བྲོ་གར་ལེན་པ་དང་། རྒྱལ་པོའི་བུ་དཔའ་བ་རྟུལ་ཕོད་པ་རབ་གནོན་ཚན་པོ་ཆེ་དང་ལྡན་པ་རྣམས་དང་། སེམས་སྲུང་བ་དང་། སྐྲ་མཁན་དང་། ཁྲུས་བྱེད་པ་དུ་མ་ལ་སྨྲས་པ། ཤེས་ལྡན་དག་བདག་ནི་ཞེས་བྱ་བ་ནས། སྐྲ་དང་ཁ་སྤུ་
D1.002.0271b06.01བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་ན་ཞེས་བྱ་བའི་བར་གོང་མ་བཞིན་དུ་སྟེ། མཁན་པོ་རབ་ཏུ་འབྱུང་བའི་རྗེས་སུ་བདག་ཅག་ཀྱང་རབ་ཏུ་འབྱུང་བར་བགྱིའོ། །ཤེས་ལྡན་དག་དེའི་དུས་ལ་དབབ་པར་ཤེས་པར་གྱིས་ཤིག །
D1.002.0271b07.01