完整藏文原文 · 德格版页 当前仅加载第 2 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
ནུ་དག་གིས་ཡུལ་འཁོར་སྐྱོང་གི་ཕ་དང་མ་ལ་འདི་སྐད་ཅེས་སྨྲས་སོ། །ཡབ་ཡུམ་སྲས་ཡུལ་འཁོར་སྐྱོང་འདི་གུམ་པས་ཅི་ཞིག་བགྱི། རབ་ཏུ་འབྱུང་དུ་གནོང་དང་། གལ་ཏེ་དགའ་བར་གྱུར་ན་འདི་གསོན་པོ་ཉིད་དུ་གཟིགས་པར་འགྱུར་ལ། གལ་ཏེ་མངོན་པར་མི་དགའ་
D1.002.0102b01.01བར་གྱུར་ན་ཡང་བུའི་གནས་ཕ་མ་གཉིས་མ་ལགས་པ་གཞན་སུ་ཞིག་མཆིས། གཞོན་ནུ་དག་བདག་ཅག་ལ་གལ་ཏེ་རབ་ཏུ་བྱུང་ནས་ལྟ་བར་བྱེད་ན་དེ་བཞིན་དུ་གནང་བར་བྱའོ། །དེ་ནས་ཡུལ་འཁོར་སྐྱོང་གི་ནེའུ་ལྡངས་དག་གིས་ཁྱིམ་བདག་གི་བུ་ཡུལ་འཁོར་སྐྱོང་ལ་འདི་
D1.002.0102b02.01སྐད་ཅེས་སྨྲས་(ས,སོ)། །དེས་པ་ཡུལ་འཁོར་སྐྱོང་མཁྱེན་པར་མཛོད་ཅིག །ཕ་དང་མས་གནང་སྟེ་འདི་སྐད་ཅེས་གལ་ཏེ་རབ་ཏུ་བྱུང་ནས་ལྟ་བར་བྱེད་ནའོ་ཞེས་ཀྱང་ཟེར་རོ། །ཤེས་ལྡན་དག་བལྟ་བར་བྱའོ། །དེ་ནས་ཁྱིམ་བདག་གི་བུ་ཡུལ་འཁོར་སྐྱོང་རིམ་གྱིས་ལུས་
D1.002.0102b03.01ཀྱི་མཐུ་དང་སྟོབས་བསྐྱེད་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ཁྱིམ་བདག་གི་བུ་ཡུལ་འཁོར་སྐྱོང་
D1.002.0102b04.01གིས་འདི་སྐད་ཅེས་གསོལ་ཏོ། །བཙུན་པ་བདག་ནི་ཕ་དང་མས་གནང་ལགས་ཀྱིས། བཙུན་པ་བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་འཐོབ་པ་ལྟ་ན། བདག་བཅོམ་ལྡན་འདས་ཀྱི་སྤྱན་སྔར་ཚངས་པར་
D1.002.0102b05.01སྤྱོད་པ་སྤྱད་པར་བགྱིའོ། །ཁྱིམ་བདག་གི་བུ་ཡུལ་འཁོར་སྐྱོང་གིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་ཐོབ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་གི་བུ་ཡུལ་འཁོར་སྐྱོང་རབ་ཏུ་ཕྱུང་བསྙེན་པར་རྫོགས་
D1.002.0102b06.01པར་མཛད་ནས་བང་མཛོད་སྟུག་པོ་ཅན་དུ་ཇི་ཙམ་བཞེད་ཀྱི་བར་དུ་བཞུགས་ནས་མཉན་ཡོད་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་དང་མཉན་ཡོད་དུ་བྱོན་ནས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །
D1.002.0102b07.01