完整藏文原文 · 德格版页 当前仅加载第 2 函德格 134b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་ཀྱི་དགེ་འདུན་དང་བཅས་པ་ལ་ཡོ་བྱད་ཐམས་ཅད་ཀྱིས་བསྟབས་སོ་སྙམ་དུ་བསམས་ནས། རྒྱལ་པོ་ཆེན་པོའི་འབྱོར་པ་དང་། རྒྱལ་པོ་ཆེན་པོའི་མཐུས་དགྲ་མཐའ་ནས་བྱུང་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་དང་ལྷན་ཅིག་མངོན་དུ་ཡང་
D1.002.0134b01.01དག་པར་དགའ་བར་འགྱུར་བ་དང་། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ཀྱིས་རྒྱལ་པོ་བྲམ་ཟེ་མེས་སྦྱིན་ལ་ཆོས་དང་ལྡན་པའི་གཏམ་གྱིས་ཞེས་བྱ་བ་ནས་ཡང་དག་པར་རབ་
D1.002.0134b02.01ཏུ་དགའ་བར་མཛད་ནས་ཅང་མི་གསུང་ངོ་ཞེས་བྱ་བའི་བར་གོང་མ་བཞིན་དུའོ། །དེ་ནས་རྒྱལ་པོ་བྲམ་ཟེ་མེས་སྦྱིན་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་
D1.002.0134b03.01གསོལ་ཏོ། །ཤེས་ལྡན་གཽ་ཏ་མ་ཉན་ཐོས་ཀྱི་དགེ་འདུན་དང་ཐབས་ཅིག་ལ་དགུང་ཟླ་གསུམ་དུ་ན་བཟའ་ཆོས་གོས་དང་། བསོད་སྙོམས་དང་། གཟིམས་ཆ་དང་། སྙུན་དཔྱད་ཀྱི་རྐྱེན་སྨན་གྱི་ཡོ་བྱད་རྣམས་འབུལ་ཞིང་མཆིས་ན་བདག་ལ་གནང་བར་མཛད་དུ་གསོལ། བཅོམ་
D1.002.0134b04.01ལྡན་འདས་ཀྱིས་རྒྱལ་པོ་བྲམ་ཟེ་མེས་སྦྱིན་ལ་ཅང་མི་གསུང་བས་གནང་ངོ་། །དེ་ནས་རྒྱལ་པོ་བྲམ་ཟེ་མེས་སྦྱིན་གྱིས་བཅོམ་ལྡན་འདས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ། རྗེས་སུ་ཡི་རངས་ནས་སྟན་ལས་ལངས་ཏེ་
D1.002.0134b05.01སོང་ངོ་། །དེ་རང་གི་ཁྱིམ་དུ་སོང་ནས་བློན་པོ་རྣམས་ལ་བསྒོ་བ། ཉི་མ་རེ་རེ་ཞིང་ལྔ་བརྒྱའི་བཟའ་བ་དང་བཅའ་བ་སྣ་{བཅྭ་,བཅོ་}བརྒྱད་དང་། སྲན་ཚོད་སྣ་ཚོགས་དང་། ཚོད་མ་རོ་དང་ལྡན་པ་དང་། འབྲས་ཆན་རབ་ཏུ་མང་པོར་ཚོས་ཤིག །དགྲ་མཐར་དྲིལ་སྒྲོགས་སུ་བཅུག་པ། དགེ་
D1.002.0134b06.01སྦྱོང་གཽ་ཏ་མ་ཟླ་བ་གསུམ་དུ་གཞན་གྱིས་གདུགས་ཚོད་མ་གསོལ་ཅིག །གང་ཞིག་གིས་གདུགས་ཚོད་གསོལ་ན་དེ་ནི་ཆད་པར་གསད་དོ་ཞེས་དེས་དེ་སྐད་དུ་དྲིལ་བསྒྲགས་ནས་ནུབ་མོ་ཉལ་བ་དང་རྨི་ལམ་ན་བདག་གི་རྒྱུ་མས་དགྲ་མཐའི་གྲོང་ཁྱེར་ཐམས་ཅད་བསྐོར་བ་རྨིས་སོ། །རྨིས་ནས་ཀྱང་
D1.002.0134b07.01