完整藏文原文 · 德格版页 当前仅加载第 2 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོང་པ་ལ་འདི་སྐད་ཅེས། དྲང་སྲོང་ཁྱོད་ཚུར་ཤོག །བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་ཅིག་ཅེས་སྨྲས་ན། གང་ཡང་བདག་གི་ཚིག་མི་ཉན་པ་དེ་སྲིད་པས། མ་ལ་བདག་དེའི་དྲུང་དུ་སོང་སྟེ་ཡིད་ཀྱི་དྲི་བ་འཛིན་དུ་གཞུག་གོ་སྙམ་ནས། དེ་ནས་ལྷ་དེ་ཀུན་
D1.002.0020b01.01དུ་རྒྱུ་འདམ་བུའི་ཚོང་པ་གང་ན་བ་དེར་སོང་སྟེ་ཕྱིན་ནས། ཀུན་དུ་རྒྱུ་འདམ་བུའི་ཚོང་པ་ལ་འདི་སྐད་ཅེས་སྨྲས་སོ། །དྲང་སྲོང་ཚུར་ཤོག །ཁོ་བོ་ལས་ཡིད་ཀྱི་དྲི་བ་ལོང་ལ་ཀུན་ཆུབ་པར་གྱིས་ཤིག །ཇི་ལྟར་མཛའ་བོ་མ་ཡིན་པ་ལ་མཛའ་བོ་ལྟར་བཅོས་པ་ཡིན་པར་བལྟ་བར་བྱ།
D1.002.0020b02.01ཇི་ལྟར་བདག་དང་འདྲ་བའི་མཛའ་བོ་ཡིན་པར་རིག་པར་བྱ། ཅིའི་ཕྱིར་སྤོང་། ཇི་ལྟར་ནད་མེད་པ་འཐོབ། དྲང་སྲོང་གང་ཞིག་ཁྱོད་ཀྱི་ཡིད་ཀྱི་དྲི་བ་ཡིད་ཀྱིས་མངོན་པར་འདུས་བྱས་པ་འདི་དག་ཚིག་གིས་ལུང་བསྟན་པས་སེམས་རངས་པར་བྱེད་པ་དེའི་ཐད་དུ་ཁྱོད་ཚངས་པར་
D1.002.0020b03.01སྤྱད་པ་སྤྱོད་ཅིག་ཅེས་སྨྲས་ནས་དེ་ཉིད་དུ་མི་སྣང་བར་གྱུར་ཏོ། །དེ་ནས་ཀུན་དུ་རྒྱུ་འདམ་བུའི་ཚོང་པས་ལྷ་དེ་ལས་ཡིད་ཀྱི་དྲི་བ་བཟུང་སྟེ་ཀུན་ཆུབ་པར་བྱས་ནས་འོད་སྲུང་རྫོགས་བྱེད་གང་ན་བ་དེར་སོང་སྟེ་ཕྱིན་ནས་འོད་སྲུང་རྫོགས་བྱེད་ཀྱི་དྲུང་དུ་ཡིད་ཀྱི་དྲི་བ་ཡིད་ཀྱིས་མངོན་པར་འདུས་བྱས་
D1.002.0020b04.01པ། ཇི་ལྟར་མཛའ་བོ་མ་ཡིན་པ་ལ་མཛའ་བོ་ལྟར་བཅོས་པ་ཡིན་པར་བལྟ་བར་བྱ་ཞེས་བྱ་བ་ནས་ཇི་ལྟར་ནད་མེད་པ་འཐོབ་པར་འགྱུར་ཞེས་བྱ་བའི་བར་གོང་མ་བཞིན་དུའོ། །འོད་སྲུང་རྫོགས་བྱེད་ཀྱིས་དེའི་ཡིད་ཀྱི་དྲི་བ་ཡིད་ཀྱིས་མངོན་པར་འདུས་བྱས་པ་རྣམས་ཀྱང་མི་ཤེས་རྣམ་པར་མི་
D1.002.0020b05.01ཤེས་ན་ལན་གླན་པ་ལྟ་སྨོས་ཀྱང་ཅི་དགོས། དེ་ནས་ཀུན་དུ་རྒྱུ་འདམ་བུའི་ཚོང་པ་འདི་སྙམ་དུ་སེམས་ཏེ། འོད་སྲུང་རྫོགས་བྱེད་ཀྱིས་བདག་གི་ཡིད་ཀྱི་དྲི་བ་ཡིད་ཀྱིས་མངོན་པར་འདུས་བྱས་པ་རྣམས་ཀྱང་མི་ཤེས་རྣམ་པར་མི་ཤེས་ན་ལན་གླན་པ་ལྟ་སྨོས་ཀྱང་ཅི་དགོས་སྙམ་ནས།
D1.002.0020b06.01དེ་ཀུན་དུ་རྒྱུ་གནག་ལྷས་ཀྱི་བུ་དང་། སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་དང་། མི་ཕམ་སྐྲའི་ལ་བ་ཅན་དང་། ཀ་ཏྱའི་བུ་ནོག་ཅན་དང་། གཅེར་བུ་པ་གཉེན་གྱི་བུ་གང་ན་བ་དེར་སོང་སྟེ་ཕྱིན་ནས་གཅེར་བུ་པ་གཉེན་གྱི་བུའི་མདུན་དུ་ཡིད་ཀྱི་དྲི་བ་ཡིད་ཀྱིས་མངོན་པར་འདུས་
D1.002.0020b07.01