完整藏文原文 · 德格版页 当前仅加载第 2 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
ངའི་མགོ་ལ་སྐྲ་དཀར་པོ་སྐྱེས་པས་ལྷའི་ཕོ་ཉ་བྱུང་བར་གྱུར་ཏེ། ངས་མི་རྣམས་ཀྱི་འདོད་པ་ནི་སྤྱད་ཟིན་པས་ངས་ལྷའི་འདོད་པ་དག་བཙལ་བའི་དུས་ལ་བབ་སྟེ། ངས་བུ་གཞོན་ནུ་ཁྱོད་ལ་རྒྱ་མཚོའི་མཐས་ཀླས་པའི་ས་ཆེན་པོ་འདི་གཏད་ཀྱིས་དེ་ཁྱོད་ཀྱིས་ཆོས་
D1.002.0054a01.01བཞིན་གྱིས་རྗེས་སུ་བསྐྱང་བར་བྱའི་ཆོས་མ་ཡིན་པས་ནི་མ་ཡིན་ནོ། །འགའ་ཞིག་ཆོས་མ་ཡིན་པ་སྤྱོད་དམ་འདྲེན་མར་སྤྱོད་ན་ཁྱོད་ཀྱིས་ཡུལ་འཁོར་དུ་གནས་སུ་མ་གཞུག་ཤིག །བུ་གཞོན་ནུ་གང་གི་ཚེ་ཁྱོད་ཀྱང་མགོ་ལ་སྐྲ་དཀར་པོ་སྐྱེས་པ་མཐོང་བ་དང་ལྷའི་ཕོ་ཉ་འོངས་པ་ཡིན་
D1.002.0054a02.01གྱིས། དེའི་ཚེ་ཁྱོད་ཀྱིས་ཀྱང་གཞོན་ནུ་ཐུ་བོ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་ཆུག་ལ་རྒྱལ་པོའི་དྲང་སྲོང་གི་ཚངས་པར་སྤྱད་པ་སྤྱོད་ཅིག །འདི་ལྟར་བུ་གཞོན་ནུ་ཁྱོད་ཀྱི་དགེ་བའི་ལམ་ངེས་པ་སྲོལ་དོད་པ་དེ་ལྟ་བུའི་རྗེས་བསབ་པར་བྱའི་རྒྱུན་ཆད་པར་མ་བྱེད་ཅིག །སྐྱེས་བུ་ཐ་ཤལ་དུ་
D1.002.0054a03.01གྱུར་ཏ་རེ། བུ་གཞོན་ནུ་འགའ་ཞིག་འདི་ལྟ་བུའི་སྐྱེས་བུ་བཟང་པོ་རྒྱུད་དུ་བྱུང་བའི་དགེ་བའི་ལམ་ངེས་པ་སྲོལ་དོད་པ་དེ་ལྟ་བུའི་རྗེས་མི་འཚོབ་པ་གང་ཡིན་པ་དེ་དེ་རྣམས་ཀྱི་རྒྱུན་གཅོད་པ་ཡིན་ཞིང་དེ་དེ་རྣམས་ཀྱི་ནང་ན་སྐྱེས་བུ་ཐ་ཤལ་དུ་གྱུར་པ་ཡིན་ནོ། །དེ་ལྟ་བས་ན་ད་ཁྱོད་ལ་འདི་སྐད་
D1.002.0054a04.01ཅེས། གང་གི་ཚེ་ཁྱོད་ཀྱིས་འདི་ལྟ་བུའི་སྐྱེས་བུ་བཟང་པོ་རྒྱུད་དུ་བྱུང་བའི་དགེ་བའི་ལམ་ངེས་པ་སྲོལ་དོད་པ་དེ་ལྟ་བུའི་རྗེས་སོབས་ལ་རྒྱུན་ཆད་པར་མ་བྱེད་ཅིག །སྐྱེས་བུ་ཐ་ཤལ་དུ་གྱུར་པར་མ་བྱེད་ཅིག་ཅེས་སྨྲའོ། །དེ་ནས་རྒྱལ་པོ་ལྷ་ཆེན་པོས་གཞོན་ནུ་ཐུ་བོ་རྒྱལ་སྲིད་ཀྱི་དབང་
D1.002.0054a05.01ཕྱུག་ལ་དབང་བྱེད་དུ་བཅུག་ནས་མི་ཐི་ལའི་ལྷ་ཆེན་པོའི་ཨ་མྲའི་ཚལ་དེ་ཉིད་དུ་རྒྱལ་པོའི་དྲང་སྲོང་གི་ཚངས་པར་སྤྱོད་པ་སྤྱད་དོ། །ཀུན་དགའ་བོ་རྒྱལ་པོ་ལྷ་ཆེན་པོས་གཞོན་ནུ་ཐུ་བོ་གང་ཡིན་པ་དེ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་བཅུག་པ་དེའི་མིང་ཡང་འཁོར་ལོས་སྒྱུར་
D1.002.0054a06.01བའི་རྒྱལ་པོ་ལྷ་ཆེན་པོ་ཞེས་བྱ་བ་མཐའ་བཞིར་རྣམ་པར་རྒྱལ་བ་ཞེས་བྱ་བ་ནས་གནས་སོ་ཞེས་བྱ་བའི་བར་གོང་མ་བཞིན་དུའོ། །དེ་ནས་རྒྱལ་པོ་ལྷ་ཆེན་པོའི་སྐྲ་དང་ཁ་སྤུ་འབྲེག་མཁན་གྱི་མིས་སྐྲ་དང་ཁ་སྤུ་འཆོས་པ་ན་ཞེས་བྱ་བ་ནས། དེ་དེ་རྣམས་ཀྱི་ནང་ན་སྐྱེས་བུ་ཐ་ཤལ་དུ་གྱུར་
D1.002.0054a07.01