完整藏文原文 · 德格版页 当前仅加载第 2 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
བུད་མེད་གང་དང་ལྷན་ཅིག་ཉལ་བ་དེ་གཉིད་ཀྱིས་ལོག་པར་རིག་ནས་བགས་ཀྱིས་དལ་བུས་དལ་བུས་མལ་ནས་བབས་ཏེ་རལ་གྲི་རྣོན་པོ་མཆན་དུ་ཐོགས་ནས་ལྷོ་ཕྱོགས་ཀྱི་ལམ་དུ་སོང་བ་དང་། དེས་དེ་ན་སྐྱེ་བོའི་ཚོགས་ཆེན་པོ་སྨྲེ་སྔགས་འདོན་པའི་སྒྲ་ཀྱི་ཧུད་མ། ཀྱི་ཧུད་ཕ། ཀྱི་ཧུད་སྲིང་
D1.002.0235b01.01མོ། ཀྱི་ཧུད་སྤུན། ཀྱི་ཧུད་འཛམ་བུའི་གླིང་བཀྲ་བས་སྤངས་སམ། འདི་ལྟར་འཛམ་བུའི་གླིང་ན་རེ་སྐྱིད་ཅེས་སྒྲ་འབྱིན་པ་དག་ཐོས་སོ། །ཐོས་ནས་ཀྱང་དེ་འཇིགས་པར་གྱུར། རྨོངས་པར་གྱུར། སྐྱི་བུང་ཞེས་བྱེད་པར་གྱུར་ཏོ། །ད་ནས་ཚོང་པ་མཁས་པའི་རང་བཞིན་ཅན་དེས་འཇིགས་
D1.002.0235b02.01པ་དང་། སྐྱི་བུང་ཞེས་བྱེད་དེ་ཤིན་ཏུ་ལེགས་པར་བསལ་ནས་ལྷོ་ཕྱོགས་ཀྱི་ལམ་དེ་ཁོ་ནའི་རྗེས་སུ་སོང་བ་དང་། དེས་དེ་ན་ལྕགས་མཁར་ཆེན་པོ་མཐོ་ཞིང་རྒྱ་ཆེ་བ་ཞིག་མཐོང་ནས། དེས་གྲོང་ཁྱེར་དེའི་མཐའ་ཁོར་ཁོར་ཡུག་ཏུ་བསྐོར་ན། ཅི་ནས་ཀྱང་སྒོ་ཅུང་ཟད་ཅིག་རྙེད་གྲང་སྙམ་ནས།
D1.002.0235b03.01དེས་གྲོང་ཁྱེར་དེའི་མཐའ་ཁོར་ཁོར་ཡུག་ཏུ་བསྐོར་བ་དང་། ཆུང་ངུ་ན་བྱི་ལའམ་སྦྲུལ་འཛུལ་བའི་སྒོ་ཙམ་ཡང་མ་རྙེད་དོ། །དེ་ན་ཤིང་ཤི་རི་ཤ་ཞེས་བྱ་བ་སྦོམ་ལ་རིང་བ་ཞིག་མཐོང་ནས། དེ་ནས་ཚོང་པ་མཁས་པའི་རང་བཞིན་ཅན་གྱིས་ཤིང་ཤི་རི་ཤ་དེ་ལ་བགས་ཀྱིས་དལ་བུས་དལ་བུས་
D1.002.0235b04.01འཛེགས་ནས་སྐྱེ་བོའི་ཚོགས་ཆེན་པོ་ལ་འདི་སྐད་ཅེས་སྨྲས་སོ། །ཤེས་ལྡན་དག་ཅིའི་ཕྱིར་ཀྱི་ཧུད་མ། ཀྱི་ཧུད་ཕ། ཀྱི་ཧུད་སྲིང་མོ། ཀྱི་ཧུད་སྤུན། ཀྱི་ཧུད་འཛམ་བུའི་གླིང་བཀྲ་བས་སྤངས་སམ། འདི་ལྟར་འཛམ་བུའི་གླིང་ན་རེ་སྐྱིད་ཅེས་ཤིན་ཏུ་སྨྲེ་སྔགས་འདོན། དེ་རྣམས་
D1.002.0235b05.01ཀྱིས་སྨྲས་པ། ཀྱེ་ནང་རྗེ་བདག་ཅག་འཛམ་བུའི་གླིང་གི་དོན་མཐུན་ནོར་ཚོལ་བ་རབ་ཏུ་མང་པོ་དག་ཅིག་རྒྱ་མཚོའི་གྲུ་བོ་ཆེ་བསྒྲུབས་ཏེ། རྒྱ་མཚོ་ཆེན་པོར་འཇུག་པར་འདོད་པ་ལས་བདག་ཅག་འདི་སྙམ་དུ་སེམས་ཏེ། ཤེས་ལྡན་དག་བདག་ཅག་རྒྱ་མཚོ་ཆེན་པོར་ཞུགས་པ་རྣམས་འདི་ལྟ་
D1.002.0235b06.01སྟེ། གཅིག་ལ་གཅིག་ཕན་འདོགས་པར་མངོན་པ་མེད་ཀྱིས། མ་ལ་བདག་ཅག་ནོར་ཚོལ་བ་རྣམས་སོ་སོ་ནས་ཕོངས་པ་ན་དགོས་པ་རྐྱལ་གྱི་ཆ་སྤྱད་དག་ཁྱེར་ཏེ། རྒྱ་མཚོ་ཆེན་པོར་འཇུག་པར་བྱའོ་ཞེས་དེ་ནས་ཆས་བཅད་ནས་ནོར་ཚོལ་བ་རྣམས་སོ་སོ་ནས་ཕོངས་པ་ན་དགོས་
D1.002.0235b07.01