完整藏文原文 · 德格版页 当前仅加载第 2 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱི་ཚིག་ཐོས་ནས། །བདག་ཀྱང་ཡིད་མི་བདེ་བར་གྱུར། །དྲང་སྲོང་དེ་དག་བསགས་ནས་ནི། །དེ་ནས་བདག་གིས་ཉེས་པ་བཤགས། །བཟོད་པ་གསོལ་ནས་དེ་ནས་ཡང་། །ཉེས་པ་ཐམས་ཅད་སོ་སོར་བཤགས། །ལྔ་བརྒྱ་ལ་ནི་ཞལ་ཟས་ཀྱིས། །གུས་དང་བཅས་པས་ཚིམ་
D1.002.0298b01.01པར་བྱས། །བདག་གིས་སྡིག་པ་དེ་བཤགས་ནས། །བཟོད་གསོལ་དྲང་སྲོང་དེ་དག་ནི། །ཟས་དང་བཏུང་བས་ཚིམ་བྱས་ནས། །དེ་ཚེ་སྨོན་ལམ་བཏབ་པ་ནི། །གནས་བརྟན་འདི་འདྲ་དག་དང་ནི། །བདག་ནི་ལྷན་ཅིག་འགྲོགས་པར་ཤོག །ཇི་ལྟར་འདི་ཀུན་གྲོལ་གྱུར་པ། །དེ་བཞིན་
D1.002.0298b02.01འཆིང་ལས་གྲོལ་བར་ཤོག །བཀྲེན་པ་རྣམས་ཀྱི་ཁྱིམ་དུ་བདག །ལན་འགའང་སྐྱེ་བར་མ་གྱུར་ཅིག །བདག་གི་སེམས་ནི་ལན་འགའ་ཡང་། །སེར་སྣ་སྐྱེ་བར་མ་གྱུར་ཅིག །བདག་གིས་རང་སངས་རྒྱས་བསད་པའི། །ཤིན་ཏུ་མི་བཟད་ལས་བྱས་པས། །དེ་ནས་འཆི་འཕོ་དུས་བྱས་ནས། །དམྱལ་བ་རྣམས་
D1.002.0298b03.01སུ་སྐྱེས་ནས་ནི། །ཡུན་རིང་ལོ་ནི་སྟོང་དག་ཏུ། །སྡུག་བསྔལ་ཚོར་བ་ཉམས་སུ་མྱོང་། །སླར་ཡང་མིར་ནི་འོངས་པ་ན། །ཕྱུག་ཅིང་ནོར་ཆེན་གྱུར་པ་དང་། །འཇིག་རྟེན་རྣམས་ཀྱིས་མཆོད་བཀུར་ནའང་། །བདག་ནི་མྱུར་དུ་འཆི་འགྱུར་ཞིང་། །རྟག་ཏུ་བདག་
D1.002.0298b04.01ནི་ནང་གྲོལ་དག །འཛག་པས་འཆི་བའི་དུས་བྱས་སོ། །ཁྱིམ་པའི་རྟགས་རྣམས་སྤངས་ནས་ནི། །ཁྱིམ་མེད་པར་ནི་རབ་ཏུ་བྱུང་། །བསྟན་ལ་བརྩོན་འགྲུས་བྱས་པས་ན། །འདོད་ཆགས་ཐམས་ཅད་ཡང་དག་བཏོན། །གང་ཚེ་ལེན་པ་མེད་པ་ཡི། །མྱ་ངན་འདས་པར་བདག་གྱུར་ནའང་། །
D1.002.0298b05.01རྒྱུ་མ་གཉེ་མ་མཁལ་མ་ནང་། །དེ་དག་ཀྱང་ནི་འཛག་པར་གྱུར། །བདག་གིས་སྡིག་ལས་བྱས་པ་དང་། །དགེ་བའི་ལས་བྱས་གང་ཡིན་པ། །དགེ་དང་སྡིག་པ་དེ་དག་གི། །འབྲས་བུ་དེ་དག་ཉམས་སུ་མྱོང་། །མཉན་ཡོད་དབུས་ན་སྐྱེས་པ་ཡི། །དགེ་སློང་མཐུ་ཆེན་ས་གས་ནི། །དགེ་སློང་
D1.002.0298b06.01དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །ས་གའི་ལེའུ་སྟེ་བཅུ་དགུ་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས་ཚེ་དང་ལྡན་པ་འོད་སྲུང་བྱིན་པ་ཅན་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་འོད་སྲུང་
D1.002.0298b07.01