完整藏文原文 · 德格版页 当前仅加载第 2 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
པས་ལོངས་སྤྱོད་འཐོབ་ལགས་ཏེ། དེ་དག་ནི་གྲགས་པ་ཁོ་ནས་ལོངས་སྤྱད་འཚལ་ལོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཀྱེ་མའོ་བྲམ་ཟེ་པད་མའི་སྙིང་པོ་འདི་ནི་ང་རྒྱལ་ཤིན་ཏུ་ཆེ་བ་ཞིག་པས་མ་ལ་ངས་འདིའི་ང་རྒྱལ་སྤང་བའི་ཕྱིར་ཆོས་བཤད་དོ་སྙམ་དུ་
D1.002.0085b01.01དགོངས་ནས། དེ་ནས་བཅོམ་ལྡན་འདས་ཀྱིས་བྲམ་ཟེ་པད་མའི་སྙིང་པོ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་གཟེངས་སྟོད་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་རབ་ཏུ་དགའ་བར་མཛད་
D1.002.0085b02.01དེ། སངས་རྒྱས་བཅོམ་ལྡན་འདས་རྣམས་ཀྱི་ཆོས་དང་ལྡན་པའི་གཏམ་དུས་དང་པོར་བྱ་བ་གང་ཡིན་པ་འདི་ལྟ་སྟེ། སྦྱིན་པའི་གཏམ་དང་། ཚུལ་ཁྲིམས་ཀྱི་གཏམ་དང་། མཐོ་རིས་ཀྱི་གཏམ་དང་། འདོད་པ་རྣམས་ཀྱི་མནོག་དང་། ཉེས་དམིགས་དང་། ཀུན་
D1.002.0085b03.01ནས་ཉོན་མོངས་པ་དང་། རྣམ་པར་བྱང་བ་དང་། ངེས་པར་འབྱུང་བ་དང་། རབ་ཏུ་དབེན་པའི་ཕན་ཡོན་དང་། རྣམ་པར་བྱང་བའི་ཕྱོགས་ཀྱི་ཆོས་རྣམས་རྒྱ་ཆེར་ཡང་དག་པར་རབ་ཏུ་སྟོན་པར་མཛད་དོ། །བཅོམ་ལྡན་འདས་ཀྱིས་གང་གི་ཚེ་དེ་སྙིང་དགའ་བ་
D1.002.0085b04.01དང་། དགེ་བའི་སེམས་དང་། མགུ་བའི་སེམས་དང་། སྒྲིབ་པ་དང་བྲལ་བའི་སེམས་དང་། སྣོད་དུ་རུང་བ་དང་། མཐུ་དང་ལྡན་པ་དང་། ཡང་དག་ཕུལ་གྱི་ཆོས་ཀུན་ཤེས་པར་ནུས་པར་གཟིགས་པ་དེའི་ཚེ་སངས་རྒྱས་བཅོམ་ལྡན་འདས་རྣམས་ཀྱི་ཆོས་བཤད་པ་ཡང་
D1.002.0085b05.01དག་ཕུལ་གང་ཡིན་པ་འདི་ལྟ་སྟེ། འཕགས་པའི་བདེན་པ་བཞི་པོ་སྡུག་བསྔལ་དང་། ཀུན་འབྱུང་དང་། འགོག་པ་དང་། ལམ་རྣམས་རྒྱས་པར་རབ་ཏུ་བསྟན་ཏེ། དཔེར་ན་གོས་དཀར་པོ་ནག་ནོག་མེད་ཅིང་གཙང་མ་ཁ་བསྒྱུར་བར་འོས་པ་ཚོན་རྩིའི་ནང་དུ་བཅུག་ན་
D1.002.0085b06.01ལེགས་པར་ཚོན་རྩི་འཇེན་དུ་བཏུབ་པ་དེ་བཞིན་དུ་བྲམ་ཟེ་པད་མའི་སྙིང་པོ་སྟན་དེ་ཉིད་ལ་འདུག་བཞིན་དུ་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང་། ཀུན་འབྱུང་དང་། འགོག་པ་དང་། ལམ་མངོན་པར་རྟོགས་སོ། །དེ་ནས་བྲམ་ཟེ་པད་མའི་སྙིང་
D1.002.0085b07.01