完整藏文原文 · 德格版页 当前仅加载第 2 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
དྲིས་པ། འཕགས་པ་གང་གིས་གང་བསམས་པ་དང་། གང་དོན་དུ་གཉེར་བ་དེ་ཐམས་ཅད་འགྲུབ་པར་འགྱུར་བའི་ཐབས་ལྟ་འགའ་མཆིས་སམ། དེས་སྨྲས་པ། བཅོམ་ལྡན་འདས་ལས་རབ་ཏུ་བྱུང་ཤིག །དེར་ཅི་ཞིག་བགྱི། དེར་ཇི་སྲིད་འཚོའི་བར་དུ་ཚངས་
D1.002.0012b01.01པར་སྤྱོད་པ་ཡང་སྤྱད་པར་བྱ། བསམ་གཏན་དང་གདོན་པ་དང་ལྡན་པར་ཡང་གནས་པར་བྱ་སྟེ། གལ་ཏེ་རེ་ཞིག་མཐོང་བའི་ཆོས་ཉིད་ལ་ཀུན་ཤེས་པ་ཐོབ་ན། དེ་ནས་དེ་ཉིད་ཁྱོད་ཀྱི་སྡུག་བསྔལ་གྱི་མཐར་ཕྱིན་པ་ཡིན་ནོ། །འོན་ཏེ་སྦྱོར་བའི་ལྷག་མ་དང་བཅས་བཞིན་
D1.002.0012b02.01དུས་བྱེད་ན་གང་བསམས་པ་དང་། གང་དོན་དུ་གཉེར་བ་དེ་ཐམས་ཅད་འགྲུབ་པར་འགྱུར་རོ། །འཕགས་པ་དེ་ནི་རྔོ་མི་ཐོག་ན། གཞན་ཡང་ཅུང་ཟད་ཅི་མཆིས། སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲོངས་ལ་གདུགས་ཚོད་གསོལ་ཅིག །དེ་ཡང་
D1.002.0012b03.01རྔོ་མི་ཐོག་ན་གཞན་བསྟན་དུ་གསོལ། བུམ་པ་བཟང་པོ་ལྟ་བུའི་ཉན་ཐོས་ཆེན་པོ་བཞི་སྤྱན་དྲོངས་ལ་གདུགས་ཚོད་གསོལ་ཏེ་སྨོན་ལམ་ཐོབ་ཤིག་དང་གང་བསམས་པ་དང་། གང་དོན་དུ་གཉེར་བ་དེ་ཐམས་ཅད་འགྲུབ་བོ། །འཕགས་པ་དེ་ནི་རྔོ་ཐོག་གིས་བགྱིའོ་
D1.002.0012b04.01ཞེས་དེས་བུམ་པ་བཟང་པོ་ལྟ་བུའི་ཉན་ཐོས་ཆེན་པོ་བཞི་སྤྱན་དྲངས་ཏེ། གདུགས་ཚོད་གསོལ་ནས་སྨོན་ལམ་བཏབ་པ། དགེ་བའི་རྩ་བ་འདིས་རབ་མཛེས་ཀླུའི་གནས་ནས་བསད་ལ་བདག་དེར་སྐྱེ་ཞིང་དེ་ནས་རྒྱལ་པོའི་ཁབ་ཀྱི་མི་རྣམས་ལ་གནོད་པ་བྱེད་པར་གྱུར་ཅིག་ཅེས་སྨོན་ལམ་
D1.002.0012b05.01བཏབ་བོ། །དེ་ལ་ཆུང་མས་དྲིས་པ། རྗེའི་སྲས་སྨོན་ལམ་ཇི་ཞིག་བཏབ། དགེ་བའི་རྩ་བ་འདིས་རབ་མཛེས་ཀླུའི་གནས་ནས་བསད་ལ་བདག་དེར་སྐྱེ་ཞིང་དེ་ནས་རྒྱལ་པོའི་ཁབ་ཀྱི་མི་རྣམས་ལ་གནོད་པ་བྱེད་པར་གྱུར་ཅིག་ཅེས་སྨོན་ལམ་བཏབ་བོ། །ལེགས་ཏེ་བདག་
D1.002.0012b06.01ཀྱང་ཁྱོད་ཀྱི་ཆུང་མར་གྱུར་ཅིག །བུས་སྨྲས་པ་བདག་ཀྱང་ཁྱོད་ཀྱི་བུར་གྱུར་ཅིག །དེ་བཞིན་དུ་བུ་མོས་སྨྲས་པ། བདག་ཀྱང་ཁྱོད་ཀྱི་བུ་མོར་གྱུར་ཅིག །དེ་བཞིན་དུ་མནའ་མས་སྨྲས་པ། བདག་ཀྱང་མནའ་མར་གྱུར་ཅིག་ཅེས་བྱས་ནས་དེ་རྣམས་ཁྱིམ་རྙིང་པ་ཞིག་ཏུ་ཞུགས་
D1.002.0012b07.01