完整藏文原文 · 德格版页 当前仅加载第 2 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
སྨིན་པས། གླིང་བཞི་པ་རྣམས་སུ་རྒྱལ་སྲིད་ཀྱི་དབང་ཕྱུག་ལ་དབང་བགྱིས་པ་ནས་སུམ་བཅུ་རྩ་གསུམ་པའི་ལྷ་རྣམས་ཀྱི་བར་དུ་མཆིས་ལགས། རྒྱལ་པོ་ཆེན་པོ་སྔོན་བྱུང་བ་འདས་པའི་དུས་ན་འཇིག་རྟེན་དུ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་
D1.002.0182a01.01པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་གདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་རྣམ་པར་གཟིགས་ཞེས་བྱ་བ་བྱུང་སྟེ། དེ་ལྗོངས་རྒྱུ་ཞིང་གཤེགས་པ་ན་རིམ་གྱིས་རྒྱལ་པོའི་ཕོ་བྲང་གཉེན་ལྡན་
D1.002.0182a02.01དུ་བྱོན་ཏོ། །དེ་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་སྔ་དྲོ་ཤམ་ཐབས་མནབས། ལྷུང་བཟེད་དང་ཆོས་གོས་བསྣམས་ནས་རྒྱལ་པོའི་ཕོ་བྲང་གཉེན་ལྡན་དུ་བསོད་སྙོམས་ལ་ཞུགས་སོ། །དེ་ན་འབྲུ་འཚོང་བའི་ཚོང་པ་ཞིག་གིས་ཡང་དག་པར་རྫོགས་པའི་
D1.002.0182a03.01སངས་རྒྱས་རྣམ་པར་གཟིགས་དེ་བལྟ་བས་ཆོག་མི་ཤེས་པ་མཐོང་ནས་ལྷག་པར་དད་པ་སྐྱེས་ཏེ། དེ་དད་པ་སྐྱེས་ནས་སྲན་མུད་ག་ལ་སྤར་བས་བཅུས་ཏེ་ལྷུང་བཟེད་དུ་བླུགས་པ་དང་། དེ་ལས་སྲན་མུད་ག་འབྲུམ་བུ་བཞི་ཞིག་ལྷུང་བཟེད་དུ་སོང་ངོ་། །འབྲུམ་བུ་གཅིག་ནི་ལྷུང་བཟེད་ཀྱི་ཁར་ཕོག་
D1.002.0182a04.01ནས་ས་ལ་ལྷུང་ངོ་། །ལྷག་མ་རྣམས་ནི་ལྷུང་བཟེད་ཀྱི་ནང་དུ་མ་སོང་བ་ཉིད་དུ་ས་ལ་བོའོ། །དེ་ནས་ཚོང་པ་དེ་དད་པ་སྐྱེས་ནས་སྨོན་ལམ་བཏབ་པ། སྦྱིན་པ་ཆེན་པོར་གྱུར་པ་འདི་ཡིས་ནི། །འགྲོ་བའི་ནང་དུ་རང་བྱུང་སངས་རྒྱས་ཤོག །རྒལ་ནས་སྔོན་གྱི་རྒྱལ་བས་མ་བསྒྲལ་བའི། །སྐྱེ་བོའི་
D1.002.0182a05.01ཚོགས་རྣམས་བདག་གིས་སྒྲོལ་གྱུར་ཅིག །ཅེས་བཏབ་བོ།། །།འདུལ་བ་གཞི། བམ་པོ་བཞི་བཅུ་རྩ་གཉིས་པ། རྒྱལ་པོ་ཆེན་པོ་ཇི་སྙམ་དུ་སེམས། དེའི་ཚེ་དེའི་དུས་ཀྱི་འབྲུ་འཚོང་བའི་ཚོང་པ་གང་ཡིན་པ་དེ་ནི་ང་ཉིད་ཡིན་ཏེ། ངས་དེ་ན་གང་ཡང་དག་པར་རྫོགས་པའི་སངས་
D1.002.0182a06.01རྒྱས་རྣམ་པར་གཟིགས་ལ་དད་པ་སྐྱེས་ཏེ། སྲན་མུད་ག་ལ་སྤར་བས་བཅུས་ནས་ལྷུང་བཟེད་དུ་བླུགས་པ་དང་། དེ་ལས་སྲན་མུད་ག་འབྲུམ་བུ་བཞི་ཞིག་ལྷུང་བཟེད་དུ་སོང་ངོ་། །ལྷག་མ་རྣམས་ནི་ས་ལ་བོའོ། །ལས་དེའི་རྣམ་པར་སྨིན་པས་གླིང་བཞི་རྣམས་སུ་རྒྱལ་སྲིད་ཀྱི་དབང་ཕྱུག་
D1.002.0182a07.01