完整藏文原文 · 德格版页 当前仅加载第 2 函德格 23b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་ཏེ། བྲམ་ཟེ་དང་ཁྱིམ་བདག་དག་བག་ཡོད་པ་བག་ཡོད་པ་ལ་གནས་པའི་རྒྱུས་ལོངས་སྤྱོད་ཆེན་པོ་ལས་ཉམས་པར་མི་འགྱུར་བ་གང་ཡིན་པ་འདི་ནི་བག་ཡོད་པའི་ཕན་ཡོན་དང་པོ་ཡིན་ནོ། །བྲམ་ཟེ་དང་ཁྱིམ་བདག་དག་གཞན་ཡང་བག་ཡོད་པ་བག་ཡོད་པ་ལ་
D1.002.0023b01.01གནས་པའི་རྒྱུས་ཕྱོགས་དང་ཕྱོགས་མཚམས་སུ་དགེ་བ་དང་། གྲགས་པ་དང་། སྒྲ་དང་། ཚིགས་སུ་བཅད་པ་རྒྱ་ཆེན་པོ་གྲགས་པར་འགྱུར་ཏེ། བྲམ་ཟེ་དང་ཁྱིམ་བདག་དག་བག་ཡོད་པ་བག་ཡོད་པ་ལ་གནས་པའི་རྒྱུས་ཕྱོགས་དང་ཕྱོགས་མཚམས་སུ་དགེ་བ་
D1.002.0023b02.01དང་། གྲགས་པ་དང་། སྒྲ་དང་། ཚིགས་སུ་བཅད་པ་རྒྱ་ཆེན་པོ་གྲགས་པར་འགྱུར་བ་གང་ཡིན་པ་འདི་ནི་བག་ཡོད་པའི་ཕན་ཡོན་གཉིས་པ་ཡིན་ནོ། །བྲམ་ཟེ་དང་ཁྱིམ་བདག་དག་གཞན་ཡང་བག་ཡོད་པ་བག་ཡོད་པ་ལ་གནས་པའི་རྒྱུས་རྒྱལ་རིགས་ཀྱི་འཁོར་དུའང་
D1.002.0023b03.01རུང་། བྲམ་ཟེའི་འཁོར་དུའང་རུང་། ཁྱིམ་བདག་གི་འཁོར་དུའང་རུང་། དགེ་སྦྱོང་གི་འཁོར་དུའང་རུང་། འཁོར་གང་དང་གང་དུ་འགྲོ་བའི་འཁོར་དེ་དང་དེར་ཞུམ་ཞུམ་པོ་མ་ཡིན་པ་དང་། དགའ་བ་དང་བག་ཚ་བ་མེད་པས་འགྲོ་བར་འགྱུར་ཏེ། །བྲམ་ཟེ་དང་
D1.002.0023b04.01ཁྱིམ་བདག་དག་བག་ཡོད་པ་བག་ཡོད་པ་ལ་གནས་པའི་རྒྱུས་ཞེས་བྱ་བ་ནས། བག་ཚ་བ་མེད་པ་ཞེས་བྱ་བའི་བར་གོང་མ་བཞིན་དུ་གང་ཡིན་པ་འདི་ནི་བག་ཡོད་པའི་ཕན་ཡོན་གསུམ་པ་ཡིན་ནོ། །བྲམ་ཟེ་དང་ཁྱིམ་བདག་དག་གཞན་ཡང་བག་ཡོད་པ་བག་ཡོད་པ་ལ་
D1.002.0023b05.01གནས་པའི་རྒྱུས་ཡིད་ལ་གཅགས་པ་མེད་པར་འཆི་བར་འགྱུར་ཏེ། བྲམ་ཟེ་དང་ཁྱིམ་བདག་དག་བག་ཡོད་པ་བག་ཡོད་པ་ལ་གནས་པའི་རྒྱུས་ཡིད་ལ་གཅགས་པ་མེད་པར་འཆི་བར་འགྱུར་བ་གང་ཡིན་པ་འདི་ནི་བག་ཡོད་པའི་ཕན་ཡོན་བཞི་པ་ཡིན་ནོ། །བྲམ་ཟེ་དང་ཁྱིམ་བདག་
D1.002.0023b06.01དག་གཞན་ཡང་བག་ཡོད་པ་བག་ཡོད་པ་ལ་གནས་པའི་རྒྱུས་ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་སུ་སྐྱེ་བར་འགྱུར་ཏེ། བྲམ་ཟེ་དང་ཁྱིམ་བདག་དག་བག་ཡོད་པ་བག་ཡོད་པ་ལ་གནས་པའི་རྒྱུས་ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་སུ་
D1.002.0023b07.01