完整藏文原文 · 德格版页 当前仅加载第 2 函德格 307b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་བཀག་ནས། །དེ་ནས་བཅོམ་ལྡན་བཀའ་སྩལ་པ། །འདི་ནི་ལྷུང་བཟེད་མི་གཅོག་གིས། །དགེ་སློང་རྣམས་ཀྱིས་མ་དགག་ཞིག །སྟོན་པའི་ལྷུང་བཟེད་ཁྱེར་ནས་ནི། །ཤིང་གི་ཁར་ནི་འཛེགས་ནས་སུ། །སྦྲང་རྩིས་ཡོངས་སུ་བཀང་ནས་ཀྱང་། །དལ་བུས་རིམ་གྱིས་བབས་ནས་ནི། །
D1.002.0307b01.01ལྷུང་བཟེད་སྦྲང་རྩི་ཅན་ཐོགས་ཏེ། །སྟོན་པ་ལ་ནི་ཕུལ་བ་ལས། །སྟོན་པས་སྲོག་ཆགས་བཅས་པར་ནི། །མཁྱེན་ཏེ་བདག་ལས་མ་བཞེས་ནས། །བདག་གིས་ཕྱོགས་གཅིག་སོང་ནས་ནི། །དེ་ལ་སྲོག་ཆགས་ཡོད་མཐོང་ནས། །སྲོག་ཆགས་མེད་པར་གཙང་བྱས་ཏེ། །སྟོན་
D1.002.0307b02.01པ་ལ་ནི་ཕུལ་བ་དང་། །འོན་ཀྱང་བཅོམ་ལྡན་འདས་ཀྱིས་ནི། །བདག་ལས་སྦྲང་རྩི་མ་བཞེས་པར། །མ་བརྟགས་ཐུགས་སུ་ཆུད་ནས་ནི། །བདེ་བར་གཤེགས་པས་མ་བཞེས་སྙམ། །དེ་ནས་ལྷུང་བཟེད་སྦྲང་རྩི་ཅན། །དེ་ཚེ་བདག་གིས་ཆུས་བཏབ་ནས། །སེམས་ནི་མགུ་དང་དགའ་
D1.002.0307b03.01བ་ཡིས། །རྫོགས་སངས་རྒྱས་ལ་ཕུལ་བ་ལས། །དེ་ནས་གང་ཟག་ཟླ་མེད་པ། །སྟོན་པའི་ཕྱག་འཇམ་གཉིས་ཀྱིས་སུ། །བདག་ལ་ལྷུང་བཟེད་བཞེས་ནས་ནི། །དེ་ནི་ཉན་ཐོས་རྣམས་ལ་གཏད། །བདག་ནི་རབ་ཏུ་དགའ་གྱུར་ནས། །ཐལ་མོ་ལེགས་པར་སྦྱར་བྱས་ཏེ། །དེ་
D1.002.0307b04.01ནས་ཆོས་རྒྱལ་སྤྱན་སྔ་ནས། །གར་བྱེད་ཅིང་ནི་དེ་ནས་སོང་། །དེ་ནས་སྨོན་ལམ་བཏབ་པ་ནི། །མི་ཉིད་དག་ནི་ཐོབ་ནས་སུ། །སྟོན་པ་འདི་ལ་བརྟེན་ནས་ནི། །བྱང་ཆུབ་དམ་པ་འདི་རེག་ཤོག །དགེ་བའི་རྩ་བ་དེས་ན་བདག །མི་ཡི་སྲིད་པ་ཐོབ་ནས་ནི། །རྫོགས་པའི་སངས་རྒྱས་བླ་
D1.002.0307b05.01མེད་པ། །དེད་དཔོན་འདི་ནི་མཉེས་པར་བྱས། །ཤཱཀྱ་སེང་གེའི་བསྟན་པ་ལ། །བདག་གིས་བྱང་ཆུབ་ཐོབ་ནས་ཀྱང་། །མྱ་ངན་འདས་པ་བསིལ་གྱུར་པའི། །དགྲ་བཅོམ་པ་ཡང་བདག་གིས་ཐོབ། །བདག་ནི་དགྲ་བཅོམ་དབང་གྱུར་ཅིང་། །མངོན་ཤེས་དྲུག་ལྡན་རྫུ་འཕྲུལ་ཆེ། །
D1.002.0307b06.01དགེ་སློང་རྣམས་ཀྱིས་བདག་ལ་ནི། །གནས་འཇོག་སྦྲང་རྩི་ཅན་དུ་ཤེས། །བསོད་ནམས་བྱས་པས་གྲགས་ལྡན་པ། །བདག་ནི་རྟག་ཏུ་བཀུར་ཞིང་མཆོད། །དགེ་སློང་དགེ་འདུན་ཡོངས་བསྐོར་ནས། །བདག་ནི་རྒྱུ་ཞིང་སོང་བ་ན། །དེ་ནས་དགོན་པའི་ལམ་དུ་ནི། །དགེ་སློང་
D1.002.0307b07.01